Kawl ralhrang kut in kan temin nak a fak ko!

A Ralai Mi Ni Caan Ah Vawlei Kil Killi Thlacam Ngeih Dingah Sawmnak!
==========
Kawl ralhrang kut in kan temin nak a fak ko. Si hmanh sehlaw hi temin nak nih asunglawi mi miphun damnak le zalon nak tiang a kan phak pi lai tiah kan zumh. Pekchanh awk asi mi le tuah ding asi mi vialte kan ti khawh tawk cio kan tuah dih hirhiar.

Ara laimi February 1 ah cun Ralhrang nih uknak hramhram lak an timh nak kum khat a tling lai. Hi vialte an kan thah nawn mi, kan in le kan lo an hrawh mi. kan biakin an hrawh mi, an kan tlaih mi vialte vawlei pi nih a theih. Kan biakmi kan PATHIAN NIH atheih.

Si hmanh she law, vawlei kil killi I a um mi Chin miphun hna nih hmunkhat, can khat te ah Pathian sin thla cam nak can kan nei kho rih lo. Cu caah cun a ra lai mi JANUARY 30, 2022 KHI VAWLEI KHUAZA CHINMI VIAL TE PATHIAN SIN AH NI NIKHAT TE AH KAN UMNAK HMUN CIO IN KAN RAM CAAH THLA KAN CAM LAI TIAH KAN SAWM HNA.

A THAIZING JANUARY 31 KHI VAWLEI CUNG KHUALIPI I KAN UM NAK HMUN CIO IN SAC KAWL RALHRANG DUHLO NAK LANGHTER NAK KAN TUAH HNA LAI TIAH KAN SAWM HNA. Kan ram kong ah January 30, 2022 ni khi thla ka/n rak cam vel ai a ti mi poh hi ca hi rak share cio u law. Kan biakmi kan Pathian nih teinak cu a kan pek hrimhrim lai.

Ațha kho taktak si, Chin Miphun, kan hriamnam țha tak mi, Pathian sin, Rawl Ulh Thlacam nak nih, “Atombom” tlut in Hmual Anei mi Hriam nam Asi lai,.Haleluija. Ralhrang hna sin ah cun taksa hriamnam a um i Kanmah sin ah cun Bawipa kan PaThian a um Haleluiah.

Nunnak Khual Lam; Minung nunnak ah lunglawmhnak le ngaihchiatnak hi tlanglawng lam bantuk in naih tein an kal ți peng ee tiah an ti. Lunglawmhnak phen ah ngaihchiatnak a um i, ngaihchiatnak phen ah lunglawmhnak a um ti duhnak khi a va si ko rua.

Nihin cu chunhlan ah nunnak i a tawnebik ngaihchiatnak he aa pehtlaimi ah caan ka hmang i chunhnu ah nunnak chung i lunglawmhnak he aa pehtlaimi a zikthlur ah caan ka hmang țhan hawi.

Nunnak i a khuallam cu hi bantuk hi a rak siko rua … ngaihchiat a tongmi hna na pawngkiang te ah lunglawmhnak a rak um ko. Cu bantuk in lunglawmhnak kan ton lio caan ah ngaihchiatnak a rakho timi philh lo tein lawmhzia thiam le nunzia thiam a rak herh hawidawt.