Karen Phu (67) le Rohingya phu (21) nih USA le France Cozah an au hnawh cang!

Mipi Thahnak Hriamnam Cawnnak Phaisa Tompi Kokek Datkhu Company Hna: PG (88)
=========
NUG nih MAH Cozah cu Hriamnam zuar loding, Sipuazi phihkar dih cikcek dingin aazuam. UN, EU, UK, FRANCE, USA, AUSSIE, Nitlakram hna nih “YES” an ti dih. Sipuazi dang le Company tamnawn cu Kawlram in an chuak colh. Kokek Datkhu, Suingun Lungvar khur cawh mi, Telecommunication, Bank Sipuazi, tbk Company hna cu: nihin tiang in an chuak rihlo.

China, Russia, Ukraine, India ram hna cu, MAH he Sipuazi an tuah rih i, hriamnam zong duh chung in an zuar ko rih. Kawlram in chuak cu chim lo, an rianṭuannak tampi in an karh ter rih. Japan Cozah nih Tuluk nih Sipuazi tei ding kha a ruah khawhlo caah, Company 90% leng cu, kawlram ah aum ter rih hna. Japan company 70% leng cu an rianṭuan an karh. 3% leng Company lawng aa ngawl mi an si. Company 27% cu punghman in aa mer rih ko. Kawlram mipi lei ah an ṭanh ko nain, MAH he sipuazi an tuah rih.

“We Stand With You, Be Strong, You Will Overcome Soon” tiah thazang an kan pe nain, MAH he Sipuazi an tuah rih tho tho. CDF, PDF lamthluan cu Ral he aa pehtlaih lomi tampi an thih caah an cohlan khawh lo. Cucaah NUG le Dr. Sa Sa rianṭuannak caah hlingso an tam hi asi. A hlawhtlin mi a tlawm hi asi. Anmah santlaihlo asihrim lo. Mawtchiat ding ansilo.

Ram (17) ummi, Karen Phu (67) le Rohingya phu (21) nih USA le France Cozah an au hnawh cang. Kawlram um nanram Company pawl ngawl ter uh. Abikin Kokek Datkhu company hna Kawlram in chuak ter uh. MAH nih Kokek Datkhu in a hmuhmi phaisa in Hriamnam le Jet Fighters a cawk i, Mipi thahnak ah a hman tiah Vawleipi theih in an au. Democracy a muru cu Mipi duhnak zulh, Mipi aw-an ngaih in zulh bak kha asi.

NUG le Dr. Sa Sa zong Karen le Rohingya mipi thawng in an thaw an chuak ve cang. Kawlram Kokek Datkhu Company nganpi pahnih asimi, Total le Chevron company cu Kawlram chuak ding an i timh cang. Hi hnu thla (6) ah kawlram in an chuak khawh cang lai. Bawipa umpi nak le Mipi thawng in asi. Bawipa thangṭha ko seh. Mipi rawlulh thlacamnak a phi asi. Kan hmaba rian ah Bawipa sawm usih, philh cikcek hlah.

Mukdama Rilikam in Lakchuak mi Kokek Datkhu Company asi. Thirpet nganpi in an kuatmi asi. MGTC Company tiah min an pek. Total Company, France nih a ngeihmi Total Engineer EP Myanmar nih 31%, American Company Chevron nih a ngeih mi UMOCL (UNOCAL Myanmar) nih 28%, Thailand Company PPT Kuttang PTTEP nih 25%, MOGE timi Kawlram Kokek Datkhu phu nih 15% tiah an covo hi asi. Kawlram Maha Dat aa line caah an hmang ve mi Kokek Datkhu Company asi.

MGTC nih Kum khat ah Kokek Datkhu 6 Cubic Billions an chuaksiam. 70% cu Thailand hman mi asi. PTT Company nih an cawk. 30% cu kawlram chung hman mi asi caah MOGE company an pek hna. Thailand Electricity 8% le Kawlram Electric 50% a pektu Tota company le Chevron Company hna I Kokek Datkhu Chuaksiamnak asi. Kawlram mipi nih, Rakhine I Gasoline Pipeline lawng kan theih. Cuhmanh ah Tuluk ta lawng kan theih i kan target khun.

Total le Chevron Company kawlram in a chuak ah a hnursuan mi cu: Share a ngeih mi kawl mirum hna, Crony mirum hna, Thailand cozah le a mipi, MAH le Rallokap Luban hna, Company rianṭuantu, France Cozah, USA Cozah, Company phaisa azawr lai, MAH nih hriamnam cawknak phaisa a ngeih mi azawr lai, a temtuar bik ding mi cu: sifah santlai lo le Chiahrin fa mipi kan si lai, Kawlram Electric Mei punghman kan hmuh ti lailo.

Dothlennak cu a lakin hmuh khawh asilo, a man a fak tuk caah, nunnak le thisen tiang pekchanh asi fam cu ta. NUG belte a hlawh tlin ngai ngai caah, Mipi kan I lawmh ko. Harsatnak pinlei ah ruahchannak nganpi he. Tamlo tein Hngak ko usih. Khuadei zau ko lai. Maha-dat-aa line hi Tidil le Kokek Datkhu in a chuakmi Electric MEI vialte fonh in pekmi kansi. Rakhine Kokek Datkhu (Tuluk + India), MGT Kokek Datkhu, Lawpitah, Gangaw Tidil, Pawnglawng, tbk vialte fonh in pekmi kansi. Credit: Saya H. Rung Kaw