Kan unau pawl an nunnak a him manh lawngte a si! Ralhrang pawl hi an mak chin ve ko!

Breaking News; Ralhraang pawl nih PDF sakhaan pakhat an luhhnawh than!
============
Sagaing ramṭhen, Monywa peng, Palin khua pawngkam um PDF sakhan then 205 cu ralhrang pawl 30 hrawng nih tuzing November 23, 2021 zingka suimilam 5:00am hrawngah an luhhnawh than hna, tiah thawngpang theih a si.

Mortor 10 hrawng thazaang in an luhhnawh hna i, kut sermi bomb chuaknak le hriamnam thilri pawl chiahnak inn an khangh piak hna hlei ah pawngkam khuami 3 an tlaih hna, tiah PDF chungtel pakhat nih MN sinah a chim.

Kanmah hman kan luat manh fangfang a si. Ruahlopi zingka teah an rak tikah thilthuam hruk man caan zong kan ngeih manh lo. Bomb tuahnak thilri pawl zong kan sungh dih. Kan motor cycle zong an kan lakpiak dih tiah PDF chungtel pakhat nih a chim chap.

Khuachung nichuah lei ah minute 20 hrawng meithal an puak. Meithal hriam tuar khuami pakhat a um, tiah theih a si. Kan thilri chiahnak an kan hrawkpiak hlei ah kanmah he tangrual hriamtlai phu pawl an thilri zong an khanghpiak chih hna, tiah a chim nawlh.

PDF chungtel hna sakhaan ralhrang phu nih an luhhnawh hna nak kong cu Myanmar Now nih thawngpang an hal hna tikah sakhan cu an lak ko i, thilri pawl zong an lak dih, nain hriam tuarmi aho hmanh an um lonak kong cu a chim hlei ah ralhrang pawl lehruh chap dingah timhtuahnak an ngeihnak kong zong a chim.

Ralhrang pawl nih an tliahmi hna minung 3 pawl cu Palin khuami an si i, midang tlaihkhiah a tongmi um le um lo thawngpang kan theih kho rih lo, tiah theih a si. Cun, Thawng fianternak caah khuami kan hal hna i, khuami nih thawngfiang an theih kho rih lo, tiah Myanmar Now nih an tarlangh.

Kalay PDF camp pakhat an laak mi Kongah Fianternak An Tuahmi Hih! Mi tampi nih cun ralhrang pawl nih an laak mi camp an laak khawhnak a ruang kha Dalaan (Leirawitu) ruangah tiah chim ceih mi kan tam ngai te. Kan unau kan farnu an tlaih mi lak zongah Dalaan bantuk in puh mi zong a um mi hi a poi taktak.

Kha camp an lak hlan pi khan kan PDF kalay camp umnak location hi dothlattu ralhrang lakah an um i helicopter, Drone hmangin vawi tampi an rak ngiathlai cang mi a si pinah an mah bak zong nih Taung phila tlang le Viewpoin lei ah maw ai neih deuhnak in an rak zoh cang i an rak theih tuk cang mi a si.

An doh zok zok lo nak zong hi caan tha an i ngiat ruangah a si i, camp he ai naih taktak nak zongah vawi tampi an tlongleng fawn cang. Kan PDF Kalay camp hna hi an rak dothlat tuk cang hna.

Ka camp an lak kongah hin PDF nih Dalaan an mawhphurh hrimhrim ti lo. An rak theih tuk cang mi a si. Thinlung a fak taktak mi cu kan farnu Medical Team chung mi bak Dalaan ah an puh tu zong kan rak um mi hi a si. PDF Kalay Battalion No.3 zong nih Dalaan a si lo zia thawng an thanh cang ko nain a tutiang Dalaan bantuk in an ruah peng mi hi a chung le thinlung a fak lai ning hi nan ruat ve maw?

Ka nau kan farnu Mathlani kha, Medical Team a si i, Thenkhat tampi nih an tluk lo mi nu a si. Kan upat khawh lo a si zongah a min chiatnak lei in cun rak chim hna hlah usih. Atu ah hin mi zeipoh hi Dalaan tiin puh u sih law kan zumh dih ko men lai. Zeihmanh pehtlaihnak a neilo mi pitar zong khi Dalaan ti usih law kan chim cheih thluahmah thiamthiam ko lai.

Kan mi huat zawng le kan rem lomi poh hi Dalaan ti dih usihlaw kan zumh peng men ko lai. Kan Revolution hrinchuah sinah a poi taktak mi pakhat cu i puh chiatnak hi a si. Pahnihnak ah cun PDF si ttung loin, PDF bantuk in ai chim i phaisa hal hmang pawl hi an si i, Pathumnak ahcun hi Revolution hi caan tha ah i lak in phaisa thianghlim lo lak luh mi pawl hi an si.

Chim than kaduh mi cu Kan PDF camp pakhat an laak mi kha Dalaan ruangah a sillo i, kan farnu Matllani zong kan Hero lak ah mi raltha le upat awktlak taktak a si. Dalaan a si hrimhrim lo” ti hi a si. Credit: Tahan Khuapui.

Chinnu vialte lak ah a sangbik upat nak kan in pek Federal Democracy caah a nunnak a thap ngam tu nusaltha Chin Chin Ram le miphun caah a thisen in a dawt nak a langh ter mi fanu hniang dawt, Na tuanbia dawt hi chim kan dai lai lo e.

A pam tuk e, A poi tuk e, Kan ngaihchia tuk hringhren e ti leng khin chim awk biafang um seh law kan chim kan phuan rih hnga mu. Kan tuar e na zun Sunghno na nu le na pa chuahsem pi le na Chinmi hawi dihlak nih Na thisen le na keneh dawh nih a tial mi Chin History thar CHINNu Raltha Nusaltha tiah kan in ti zungzal cang lai Vawlei donghtiang.

Ram le miphun caah nunnak petu ka fanu Chin Chin zuun ngainak ca tein upatnak sang bik kan pek. Biak Rem Chin Kum 23, Pu Sui Khar le Pi Rosy, Kalay Myo, U nau pa 2 nu 2 ah fa lai, Fanu min chawng Ka dawtmi Chin na zuun ka tuar kho lo e.

Ka fa na rual hawi sin min chim bau ruang mang cang lai e. Sihmanhsehlaw Ram ca na pekmi nan nunnak na thisen man cu au lai a lak si hrimhrim lai lo e. Ka fa Chin Chin nu le pa nih mu nan thi rual cu kan in bih zun lio hna zoh cim lo lio nan si e.

Kan fa le cu nu le pa caah kan thazaang nan si kan mit hmai nan si e. Chin ka fa na celh hrim lo mu, Na fahnak ho domhtu um lo in e. Chin aw Ram na dawttuk ah mu na rual hoi nan thi rual cu mu dawtduh lio i zun muai lio thi nan si nan e.

Na sam kha na nu nih mu ai hriat bel rua lo an ti. Na ke kha thosi seh nak fik fa seh nak hma pe he khat ko an ti e. A ke hma te hmanh dam manh rih lo an ti. Thiang te in um law an ti Chim sam hriah caan hmanh na nei kho rua lo mu ka fa nu aw. Na hmur sen si teh ka fa.

Tamh duh lio i bih duh lio ka fa. Zei te hmanh mah pum pak ca na ruat kho lo mu. Ka fa Chin aw na ruangte tel kha zuun kho uh sih law kan i lung sak ko hnga mu. Kan pum cu Vawlei in ser kan si vawlei kir ding kan si caah maw na pum ruang cu Ram lak tu pi chung i fim cu na si ko hnga ka thin e. kan celh kho lo e zei tin hen kan tuar kho lai maw.

Fa nu min chawng mifim nu le pa hrin fa lo bang ca thiam si. Aw that si mu. Nu le pa i zoh thla lio zoh cim lo lio hoi le he lem cim lo lio ka dawt aw. Chin Chin aw kan tuar kho lo e. Xmas nai cang lai mu na rual hoi pol sin min chim bau e.

Dum rawl ei caan e chung tlin um kho ti lai lo mu Chin aw. Kan i siang lo e ti zawng ah chim san tllai khoti lo e.
Bawipa hring tu nu le pa chung khat vialte he hoi kom dawt vial te nih kan ton mi ngaihchiatnak hi minnung si nak in kan tuar khawh nak thin lung tha zaang kan pe hram ko law.

Chin ka fa nu rak kal chung ko mu min chim dai lai lo e Ramle mi phun na dawt nak cu e. Hi capar in ka ngaihchiatnak le kan upatnak sang bik ka vun langhter e. A pam tuk e poi taktak si zangfak in ngaih a chia tuk ee ruah ah hin a vansan lai ning le bawm tu a herh lai ning ka ruah ah ka celh lo.

Sian um lo tuk ee. A pam hrin hran ko mu. Ka lung fak tuk ee. A kal tak mi chung khar Bawipa thiangthlarau tu nih in hnem hram ko hna seh mu ni hin i nan tuar mi ngeihchiat nak hi ni khat khat ah lawmh nak mit thli ah Bawipa nih an thlen piak hrim hrim ko hna lai ee. Kan in tuar pi tuk hna ee. Chin chin aw na thisen au aw Bawipa nih an theih piak ko lai ee.

Ka thinlung hi a kuai tuk ee ka celh lo ee nu te aw kan tum van ram ah na pa taang cung ah lung dai ten nai din cang ee. Nun man dam man nei tein na nun nak na pek. Nusal tha upat nak sang bik kan in pek e. Ka thin aw kan ngeib chia tuk ve e.kan celh ve lo e. kan fa le nan zun kan tuar tuk ve e. Na pam tuk e upat nak sang bik kn in pek.

Hi tluk nudawh nun zia dawh le Par bang dawh saling hmuicaan, Na miphun ca le techinfapar ca. Hmailei ca tin na ruahcia, Valtha rual he siang tlar khin, Na par lila phah in hi lam na tamh. Hman thlak van hmuh cun ee.mit thli nih a zulh colh ko ee.

Nan lungsia herh mi ralhrang cu tei kan rak i zuam hrimhrim ko lai! Kan si khawhtawk in. Bawipa tangcung in Van Arfi ceu hna lak in rak kan cuan ve peng uh mu. Nu raltha Chin Chin upatnak asangbik kan in pek.

Chin ka nau, ka zumh kho lo ee, ka khatkhat ah na thup ko lai tiah kan ruah peng ko ee. ka ruahcia si ko ka ti bu zong ah ee ka celh lo. Fb ah na hmanthlak lawng te ka hmuh. Ka nau na kan tei diam. Kan uang tuk ko ee. Na chung le nih kan celh lo kan ti ko nain mu, kan ram caah nun pe mi kanmah chung ah na tel ve caah kan i uangtuk ko ee ka nau. Nangmah thawng in kan mithmai a hngal.

Na hawi le he nannunak a liammi hi kan ram damnak caah si ko seh mo. Ka nau aw. Upatnak kan pek ko….hi ti ding cu ka ruat rih lo nain ee Chin, Bawipa nih kan caah a khan ciami cu i lungsak khawh kan rak i zuam ko lai mo. Thadam tein rak i din ko mu Chin.