Kan unau kan hawi CNA/F ah an um caah CNA/F ttanh sihlah seh!

Thangtthat tlak minung cu mi mah tilo in thangtthat ko hna uhsih!
=======
Vawlei cung ah ramrian ttuan nak ah siseh ,buu in siseh dohthlen nak zong ah hrihawhtu or hutum tu or tlangtlatu …etc hi buu nih a tinh nak tlam a tlin khawh nak ding caah a biapi taktak mi a si. Sikho sehlaw Laimi nih kantuah ding le kanruah ding ah kaduh ve micu kan unau kan hawi CNA/F ah an um caah CNA/F ttanh sihlah seh, cun CDF caah kantlaang kankhua kan peng a si caah ttanh silo in.

Kawl ralkap a hram in kan coih khawh nak ding caah ram dawtnak he kan ralkap CNA, CDF, CNDF..etc vialte hi kanttanh le kan support ding hna tuhi a si ti lungput hi ngei viar kho uhsihlaw tikhi ka saduhthah a si ve. Cu caah mi mah tilo in thangtthat tlak minung cu thangtthat hna uhsih kati nak a si.

A tang i katar mi hi Pu Siang Kung a si i Maryland, USA ah a um mi a si i Zephai ramdang Committee ah President in term 2 a rak kan ttuan piak tu a si, cun CNA thawh hicu vantlang cio in thawh a si cio ko i CDF Zophei caah a hlei in thazaang a chuah mi a si ve.

Cun Kalaymyo CDF nih ralhrang anrak tuk ka ah khan tha lo lak te hriam cawknak caah caan zeimawzat fund a rak kawl piak tu hna a si ve. Cun natlaang kapeng ti mi lungput ngei lo in ramdang um Halkha CDF Fund kawlnak Committee ah Vice Chairman a ttuan cuahmah i zarh chiar te RungTlaang Authawng tiah min bunh in Lives a thlah i Meeting host a ttuan zungzal.

CDF caah zeitin dah thazaang kanchuah khawh hnga ti saduhthah nak he upat mi minung kip kha Interview a tuah ton hna cu nan hmuh cio kolai kazumh. CDF caah ti in Danpauh le a phunphun hna kha an family in an chuang i an zuar pah hrim mi te nih khin mi tha a thawh ter taktak kati.

Cu caah pumpak in hi vialte caah caan hi a pek khawh i aizuam cuahmah i ram caah san a tlai hnga ding mi thil poh ah chet tiah caan a pe zungzal mi Pu Siang Kung a cung ah kailawm i upat nak ka pek. A bik in mah pentlaang ttanh deuh hlei nak lungthin a ngeih lo mi hrim te ka upat i Bawipa nih dam nak he lam hruai sehlaw Chin mi caah thazaang a chuah kho mi le caan a pekho mi si zungzal hram ko tihi ka thlacam nak a si ve. Credit: A Le Nichin

Bungzung khua inn 180 leng nih an zaam tak! 2022 January 28 — Hakha le Gangaw kar ah ummi Senthang peng, Bungzung khua inn 180 leng nih January 28 tiang an zaam tak cang tiah thawng kan theih. Bungzung khua cu inn 200 leng khuasa an si i atu ahcun inn 20 hrawng lawng hi khua chung ah an um cang tiah theih a si.

Ralzaam caah hmunhma ser le dirh takmi buk a um lo caah khua a chuaktak mi le a zaam mi hna hi Bungzung kiangkap ram tang ah inn 10 cio hrawng fonh in buk sak i um cio a si tiah khuami sin in theih a si. “Bungzung khua a si i ramdang um mi pawl sin in bomhnak tete kan hmuh lawng si loin thawngpang a daih deuh lio ah khuapi lei ah thil zalh cia deuh a si rih caah tutiang cu kan har tuk rih lo” tiah khuami pakhat nih The Chinland Post ah a chim.

Senthang Peng, Bungzung khua hi inn 200 leng le milu 900 hrawng khuasa an si. 2021 June thla chung ah voikhat kahdohnak a chuah ruangah hi bantuk in khua chuahtak hi a si. Caan tlawmpal ah, lo ṭuan le lei ṭuan ruah ah khua chung i fuh panh ṭhan a si.

2021 September 7 ah NUG nih Kawl ralkap kan doh cang lai ti thawng a thanh caah le cu thawk in khat le khat i tlerhkhawnnak tete a um pah caah khuachung fuh tak lo in ramtang ah tlikzaam ṭhannak hi a si tiah thawng kan theih. Credit: The Chinland Post

Mindat Mipi Hruaitu Phu Nih Fiang Tein Thawngthanhnak An Tuah Cang! CDM A Tuah Duh Lotu Paohpaoh Cu Dantatnak Kan Pek Cang Lai Tiah Mindat Mipi Hruaitu Phu Nih Fiang Tein Thawngthanhnak An Tuah Cang! Chin ramkulh Mindat peng chungah Non-CDM pawl nih zarh hnih chungah CDM tuah/lut dingin min peknak tuah/ngeih cang dingin siseh CDM a tuah lo tu paohpaoh cu dantatnak kan pek cang lai tiah Mindat peng chung mipi hruaitu phu nih ralrin peknak cathanh cu mizapi hmuh dih dingin an chuah hi a si.

CDM ah nan tuahnak le luhnak, nan pehtlaihnak kong cu nanmahle umnak pawngkam ah a ummi Mindat mipi hruaitu phu nih rian a khinhmi ukbawi hna le peng chung ukbawi hna sinah rianrang in pehtlaihnak tuah cang u tiah cathanh an chuahmi ahcun an forh chih hna.

CDM tuah loin CDM tuahtu hna i pumpak konglam tibantuk cu nawlngeihnak latu SAC ralhrang ralkap sinah thawngpang a petu hna zong nih hi bantukin nan thil tuahmi ruangah nanmah pumpak hrimhrim nih tuanvo nan ngeih caah fak taktakin dantatnak kan tuah cang lai tiah cathanh an chuahmi ahcun an langhter chih.

Nizan Falam peng kahdohnak; Falam peng chung hmun pakhat ah CNDF nih mine an domi cu January 19 ni ahkhan SAC ralhrang hna nih voithum bak an lamh sual caah SAC Kawl ralhrang 7 an thi i minung 10 hliam an tuar. SAC Kawl ralhrang lei i, Captain pakhat cu a kehnih a bul i, cu hna Kawl ralkap hruaitubik cu a mit a caw tiah thawngpang theih a si.

January 23, 2022 ni ahkhan Falam peng, Zawnglei khua pawng ah CNA, CNDF ṭangți nih SAC Kawl ralhrang a ra liomi cu chunnitlak an rak kah hna caah, SAC ralhrang lei in minung 13 an thi i, 11 hliam an tuar. CNDF lei in paralṭha pakhat a nunnak a liam i, țangți Chin ralkap lei in hliam faak lemlo hmumi 4 an um.

Cun January 25 ahkhan CNDF le CNA ṭangți in SAC Kawl ralhrang he an i kap țhan i, Kawl Ralhrang 4 an thi i, minung 5 hliam an tuar. Pathian kilvennak in Chin ralkap țangți lei in hliamtuar an um lo tiah theih a si. Anung Pathian nih hup pheng ko hna seh ralhrang hi lo dih cang ko hna seh.

1. Matupi peng Kaisi Tlangthluan Kawl ralhrang Camp cu CNA le CDF Matupi fonh nih an va kah hna i, Kawl ralhrang minung 8 an thi i, 10 renglo an i hliam lai tiah theih a si. Kawl ralhrang (၃၀၄ တပ်ရင်း) Sakhaan hi Matupi le Paletwa kar ah a ummi a si i, Ralhrang lei nih zanlei Sml 5 tiang kha hriamngan he hriam hme he an puah peng. CNA le CDF Matupi lei in thi le hliam an um lo.

2. Nizan Jan 25 ahkhan Rihkhuadar khua ah Kawl Ralhrang minung 50 hrawng an phan i, zanlai ah hriam ngan voi 5 hrawng an puah tiah theih a si. “Rihkhuadar khuachungmi thinphang thlalau in an um caah kum upa lei deuh telh in minung 200 hrawng Țio ral Zokhuathar(India) lei ah an hung zam. Tuchun cu meithal puah thawng kan thei ti lo” tiah Zokhuathar khuami pakhat nih a chim.

3. Tonzang peng hmun pakhat ah kahdohnak a um i, Mipi ralkap CDF- Tonzang lei in minung pahnih an nunnak a liam.
4. Zotung Tlang Rezua khua ah ralhrang minung 200 renglo an um cuahmah ti a si. Rezua khua le Hnaring khua (Thantlang peng) hi Meng 27 hrawng lawng aa hlaat caah an hung lan sual te hnga maw ti ruah lo awk a țha lo. Credit: The Federal Times