Mino Hna Nih Kan Ram Chuahtak Lo In Kilveng Hna Usih Tiah CDF-Mindat Nih Nawlnak A Thanh
========================
The Chinland Post | 2023 June 19 — Chin Mino hna nih randang ah kal lo in ramchung ah kanmah hmunhma cio in SAC ralkap doh in kan ram kilveng hna usih tiah CDF-Mindat nih a thanh.
SAC ralkap pawl nih Mindat peng chung khuate hna ah hramhram in kahdohnak an tuah lio ah kan ram le kan miphun kilveng lo in ramdang a kal mi mino an tam tuk cang tiah CDF-Mindat nih a thanh. Cucaah Mindat peng chung kum 16-35 kar minung hna nih CDF-Mindat theihpinak tel lo in ramdang, ramchung hmun dang ah nan chuak kho lai lo tiah CDF-Mindat nih June 18 ah a thanh.
Monywa-Yargyi-Kalewa lamcung, Yinmarbin pengkomh, Kani peng ah a um mi SAC ralkap sakhaan pakhat a si mi Yargyi Tower tung sakhaan cu PDF phufonh pawl nih an kahnak muicawl cu Yinnarbin pengkomh B01 nih an langhter. Yinmarbin pengkomh B01 hruainak in Yinmarbin pengkomh B18, B24, B27 hna nih April 17 zinglei sml 7:00am hrawng in kah hram an thawk tiah an langhter.
Kahdohnak chung ah SAC ralkap 30 leng an thi i meithal zuun 15, 60MM 1, hriamngan bom 100 leng, kuan 9,000 leng telh in hriam tampi an lak khawh tiah an thanh. Chin ramkulh, Mindat khua ni chuahlei ah a um mi gate ah kahdohnak voi 2 an tuah i a thi mi an um tiah CDF-Mindat nih June 18 ah a thanh.
June 11 kahdohnak ah SAC ralkap 2 an thi i June 13 ah an doh ṭhan hna i SAC chungtel 2 an i hliam tiah an langhter.
SAC ralkap nih June 18 ah khuachung ah meithal an thlah thlorh tiah theih a si. Cun June 17 zaanlei zong ah vanlawng 2 a rak zuang tiah theih a si.
May 31 ah Mindat hrambunh SAC Infantry 274 nih an kah mi hriamngan nih မဟာဓာတ်အားလိုင်း tung a khen caah a tlu i Mindat, Matupi le Kanpetlet peng hna ah mei an ngah lo tiah theih a si. Chin ramkulh thlanglei ah Paletwa peng dah ti lo, adang peng zapi cu Pauk, Kyaukhtu, Mindat, Matupi lam a rak zul mi မဟာဓာတ်အားလိုင်း lawng an hman caah atu a rawhnak hmunhma hi mipi hriamtlai phu nih an tlaihnak hmunhma chung a si caah nicaan rikhiah um lo in a rawk kho tiah theih a si.
A hlan Matupi khua ah SAC nih an ngeih mi Bungtla mei peknak a um ko naibn hramhram in uknak lak a si hnu ah cu mei peknak cu Byu-ha le SAC B140 lawng nih an hman caah mipi hriamtlai phu nih an puah tiah theih a si.