Kan i kap rih ko lai ti hnatlaknak an nei kho

Breaking News: French President Nih Putin A Nawl Nain Putin Nih A Cohlang Lo!
=======
Russia le Ukraine palai cu tu chun kha avoi hnihnak an i tong. Kan i kap rih ko lai ti hnatlaknak an nei kho. Asinain mipi (civil) hrial ding le an ikahnak khua (hmun) in kadang an i tthial karlak tibantuk caan paoh ah kah i ngol ding Ukraine lei halmi cu Russia lei nih an cohlan piak.

Cu a si bu ah Ukraine palai nih an beisei ning a si lo, le kan i tong tthan lai tiah lungtlinnak an nei. Kap hnih palai an i ton kar ah French president nih Putin a chawnh le ngol cang ko, tiah a lungthlen ai zuam nain Putin nih kan hmuitin tlamtling lakin kan nor ko lai tiah a rak leh.

Ukraine president nih Putin he i chawnh le i ton ka duh ko tiah a hauh peng ve. Kan i chawnh lawng ah ral a dai/ dih lai tiah a chim. Zeibantuk thil indah Putin a lung thlenter ai zuam hnga, Putin he chawnh lawng ah ral a daih lai cu? Kan thei lo. Asinain Putin nih zei lehnak hmanh a tuah rih lo.

USA nih Minute Man 3-rocket hneksak a timhmi cu Russia he theihthiam lonak a chuak sual lai tiah an leet. Cucu a tha ngaimi a si. Ukraine ralzam le mipi bawmhnak caah UD$ 1.5 billion an hmuh manh cang. Cu pinah ram tam ngai nih ralzam lak ding timhtuahnak an ngei hna. Norway nih 1000 hrawng lak ding in a ruah i dawng linga cu an lak manh cang hna.

Russia mirum pawl vawleipi nih a phih dih ngawt cang caah an sung tuk, cheukhat cu zarh khat chung ah dollar billion tam pipi an sung. Cucaah a rannak in hi raltuknak cu ngol awk a si tiah an president an nawl cang (cu hlan an holh lo.). Mah mirum a tamdeuh cu Putin he naihniam an si hna. Zinan le Gas mirum deuh an si i chaw an leh khawh nakding ah Putin pumpak zal ah phaisa a senhtu an si ngawt an ti.

Putin nih India tawsawh in a van i la le Ukraine ah India siangngakchia pawl an tlaih hna le an hrem hna lawng si loin i khamnak ah an hman hna a van ti. Tlawmpal ah India ramdang minister nih thawngpang kan theihmi um lo, tiah a chim pinah Ukraine cozah he i bawm in kan rammi an kir len ko cang tiah a chim. Putin nih cun Ukraine ahhin Middle East in a rami hriamtlai tam ngai an um cang tiah a chim fawn.

ICC ah Russia tazacuai ding in ram 30+ nih min an thut cang. Ka ruahnak tam ka chim rih lo. Nai ah Ukraine ralkap nih Tank an mawngh thiam colh lai lo caah EU nih an pe hna lo ka timi kha a dikmi si, Tank an ser tharmi pawl hi siifak Ukraine nih an nei rih hna lo, a hlun pipi cu an nei sawk. Vanlawng hmanh an neihmi phun lawng an pek hna.
Ca nan rel tikah nan relmi kong(ram/minung) Background tlawmpal nan theih ve lo cun, hlan bantuk in fianh len ka huam lo.

Russia nih ai ruahning in Ukraine a tei lo timi hi a si lo. A lung ai rual lo takmi Lairam hmanh fawite in tatmadaw nih tei la lo si kaw, Ukraine cu ralkapbu le hruainak tha thipthep te neimi a si. Chinchap ah vawleicung rumbik Europe ram hna le NATO nih meithal, kuan, phaw le ke an pekmi hna khi an kum khat phaisa tluk si cang.

Technology le information in heh an bawmh rih hna, thapeknak phunphun pinah UN in an bawmh hna. Russia le Ukraine an i tawng ti sawh men awk tha a si lo. Vietnam ral reng zong philh lo ding. Sullam nei loin zei thil hmanh hi a cang lo. Leicung ram thawng USA hruaitu hna nih ralpi pathumnak in tlirh le thihphaih in a van i lak tikah Russia ramdangminister Lavrov nih ralpi pathumnak cu vawleipi rawk lak in Atom in i phomh kha a si ko la, tiah a van leh.

Thinlung le chawva in cun ralpi pathumnak a si ti khawh awk a si ko cang. Minung thazaang in an i tawng rih lo sawh. Lavrov nih a chimmi cu, hlan zong ah chawlehnak cu nan rak kan phih lengmang le kan i ziak cang. Cun hawikom tampi kan nei ve a ti. Tutiang cu Russia ralkap thimi an tam ngai, nain a thimi zat langhter a duh lo, Pu Putin nih. Credit: Hlawnching Bawimang Lian