Kan Hero, Tial Thang Tutan A Van Thatnak!

KAN HERO, TIAL THANG TUTAN A VAN THATNAK!
==========
Phunglam ning in thil a tuah komi ah sualphawt a tong I kan ngaihchiat pi cio ko nain tutan I thil a tonmi ruang ah a caah a chuakmi thil tha hna cu:

1. Pa Tial adik ko ning kha zapi nih theih asi tikah Indonesia pa hi mi nih mi rureu ah an chiah cio ngawt I zaapi nih Pa Tial cungah zaangfahnak le dawtnak an ngei Khun cio.

2. Tutan thil a cangmi hmang in Pa Tial a thei tu an karh. A konglam a hlat tu an karh. 3. Tutan thil sining ruang ah Pa Tial a tanhtu (fans) zong an karh. 4. Pa Tial caah thatnak lei in minthannak a chuah ter. Sunghzatlaknak kan timi hi kanmah cawisangtu an rak si tswn.

One Champiinship nih 2022 February 11 ah a tuahmi ‘Bad Blood’ ah Chin miphun Ṭial Thang le Indonesia miphun Sunoto cu zaanlei sml 4:30pm tluk hrawng ah Singapore Inndoor Stadium in Kallang, Singapore ah an i thong.

Cu puai i first round ah Ṭial Thang le Sunoto cu an i tlaih len lio ah Ṭial Thang nih a khukin Sunoto a karkalak ah voihnih a suk caah referee nih yellow card a pek i Sunoto zong a thawh khawh lo caah puai an dih ter.

Kha tluk in a fiang ko mi rumro teinak pek lo tein puai Cancel cu lung a fak ngaingai ko. Fak tuk in a thin hmaka bak ah a suk i, a ai mi asi. A bawlung ah a su hrimhrim loh! A suknak a fah tuk caah le a nawlh chap rih ruangah ai nawlh kho ti ding asi tilo caah a tho tilo mi khi asi eh! A fiang tuk ko cuh!

A voikhatnak kha cu a cang sualmi si! A voihnihnak kha cu amu ahcun si lo in a paw le pang deuh ah si ko nain ee, vei kha a hrum ning a raak ning kha Meheh nun bu rilchuah lo pah le referee an lau le si ko khah! a voi 1nk kha cu a bawlung bak ah a tthuat ko. A voi 2nk lam kha cu (zoom van tuah cio ko hmanh uh) a thin hmaka bak ahkhin a suk ko cuh! Saril chuah Ai bang a ai kio tuk mi nihkhin a lau ter tuk hna le si ko rua.

first round kha cu, a ball a khawn ko rua ka ti cu vei hnih nak kha cu a thin lam deuh si rua khah…. a zei va si pek an cancel cu ngeih chia si pasal A mitthli a tla ka celh loh. Tial Thang caah cun a level a kai lai lo caah a poi ngaingai khi si ko.

Indonesia pa kha a zer tuk , tho kho lo in va um peng tak tak seh law a tha hnga, an nih lei cu an pang ah an zuzu te a um rua. Refree pa kha ahruh bia si ko khih or pakhat pa khi atanh deuh bia dik si. A poi tuk , indonesia pa kha mi hrawkhrawl a si kha.

A zuzu si loin a paw bak ah a thuat i a knockout cang rua ka ti nain Tialcung tu yellow card an pek ko, a poi taktak. UFC Siseh Law tha tein Replay an zoh lai i Minutes hnu a dir Khawn lo cun TKO, Tacnical Knock out si lai.

TEITU KAN SI NAIN TEITU KAN SI RIH LO. Chinmi nih kan tei ko bu in teinak kan hmuh khawh rih lomi hi, Kan caah thlarau lei zanmui, hneksaknak caan (Thluachuah khonpiak caan) a dih rih lo caah a si i, khuachia kha onh an si rih caah, minung hmangin an kan kham khawh rih.

Țial Thang nih a tei nain a teitu a si khawh lo mi le Chinmi nih kan mah ram kongah diknak dinnak kan hmuh khawh rih lo mi hi, Josep a sual lo nain Potifer nupi nih thong a thlak bantuk le David nih Sawl a tei nain a zaammi tu a si bantuk kha kan si ve! Sihmanhselaw, hi lio caan ahhin, an Thluachuah cu khonpiak an rak si. Cu ve bantukcun, Chin Miphun zong, Thluachuah khonpiak caan aa liim hlan ahcun, teitu kan si nain teitu kan si kho rih lo! Cucaah a ngaih a chiami le a țapmi ah kan i cang rih!

Sihmanhselaw, Josep le David caah thlarau lei zanmui, hneksaknak caan (Thluachuah khon caan) a hun i liim tikahcun, aho kham khawh loin, cawisan an si i Thluachuah rel cawk lo an hmuh bantuk khan, Chin Miphun kan caah thlarau lei zanmui, hneksaknak caan (Thluachuah khon piak caan) a hun i liim zau te lai i relcawk lo Thluachuah he a lam tampi in cawisan kan si ve te lai.

Maw, Dawtmi Miphun hawi hna, Chin Miphun hi Thluachuah khonpiak cuahmah liomi kan si i, BAWIPA nih caan a ruahmi kan phan zau ko lai. Cutikahcun, rel cawk lo Thluachuah he a lam tampi in a kan cawisan kha kan hmuh te lai. Rak i cin u law, BAWIPA nih a mi hna hmangin a rak chimchung cang ti kha rak i chinchiah ko u.

Țial Thang nih a khuk in a suknak khi a til ah a si hrimhrim lo, a thin hmaka, a fahnak zawn bakah a si ko khih! Teitu si buin teilo tu kan si rih hi ka ngaihchia lo! Kan Thluachuah co lai mi hi a ngan tuk ca tu ah a si. Țial Thang zong BAWIPA nih Thluachuah chin ko seh. BAWI KHRIH Vel le Daihnak nan dihlak cungah um ko seh.

Taze peng ah ralhraang nih Paychaung khua le Khayutaw khua mei in an khangh. Sagaing ramthen, Taze peng, Paychaung khua le Khayutaw khua cu nihin February 10 ah ralhraang nih luhhnawh in an khangh tiah tualchung mi nih Yangon Khit Thit Media ah an chim.

Ralhraang pawl nih Paychaung khua cu February 9 ah an rak luhhnawh cang i pehzul in mei voi hnih an khangh ca ah inn 10 a ciam. Cun, Khayutaw khua cu nihin ah an rak lut i inn an khangh ca ah khuami kan zaam dih tiah khuami pakhat nih a chim.

Zaanlei suimilaam 3:00 hrawng in inn an khangh hi a si i, inn zeizat dah a kaang ti mi bel kan thei kho rih lo tiah tualchung mi nih an chim.

SAC Sawmmi Remdaih Biaruahnak ah CNF Kai Tim Lo. SAC sawmmi Myanmar ram remdaihnak kong ton biaruahnak ah kan kai lai lo, tiah CNF chimnak nawlngei Salai Htet Ni nih Khit Thit Media biahalnak ah a chim. “Atulio kan ram sining zoh tik ah dohthlennak tuah cuahmah lio a si bantuk in mipi lei ah kan ttan ko a si ahcun SAC nih a tuahmi ramkhel biaruahnak le cawlcanghnak pawl ah kan i teltum awk a si lo.

Sawm zong ah kal awk a si lo. 2008 Phunghrampi a cohlangmi cu a kai zong an kai ko lai. Asinain, kannih cu 2008 Phunghrampi a cohlangmi kan si lo. Uknak an chuh hnu in SAC he biaruahnak ngeih kan i tim lo. Kan kai lai lo,” tiah Salai Htet Ni nih a chim. Chinland Joint Defense Committee (CJDC) chungtel ralkap bu hna he lungkhat-thinkhat tein pehzul in ral kan do lai, tiah a chim chap.

“A pikpak in raldoh loin hmun khatte ah kan ral kan doh tti khawh nakhnga CJDC kan dirh cang. CJDC tlangtlaknak in hmun kip ah ralkap thazaang kan chap lai i, pehzul in ral kan do lai. Nihin ni caan hi raldohnak lei ah lungkhat tein kan um tti caan a si. Thih ah thih tti, nun ah nun tti timi lungput he pehzul in kan ral kan do lai,” tiah a chim.

Nizaan nai February 6 ah SAC nih Tlangcungmi hriamtlai pawl he biaruahnak ngeih ding in sawmnak ca a rak chuah.
KNU, AA, TNLA le MNDAA hruaitu hna zong nih SAC sawmmi remdaih biaruahnak ah kan kai lai lo, tiah a chim cio. Credit: The Chin Journal

NUG Ah I Fonh Dih Lawngah MAH Tei khawh asilai Timi Tulawngah Asiahcun Dohthlennak Caan Asau Lai Tinak Asi. Dr. Sa Sa Chimhmi kha rak ngai uhlaw, a hnu nanrak zulh ahcun, NUG ah pumkhat kansi diam cang I Tuhrawng ahcun Ralhrang Rallokap cu Tei cikcek ansi cang lai I Mipi sinah uknak a phan cang hnga.

Tlangcungmi le an Ralkapbu nih kan zumh hna seh, NUG ah pumkhat si uhsih timi saduhthah he Dr. Sa Sa hi an thimh hlei mi asi ti usihlaw kan palh lailo. Dr. Sa Sa bia kha rak zumh uhlaw, Federal Army zong aum diam cang hnga. CJDC nih, CDFs chung in, Minung 10 cio thimh in kawlrawm lei kuat hnu ah Federal Army dirh zong aum lailo. Federal Army hna Tindan an kai lai, an I lim lai, hriamnam pekin Rallokap hung namh ding zong khi, hmakhat te ah, atu bak ah asi khawh mi asilo caah, Dohthlennak can asau deuh nak cu asi cu mu.

Tlangcung hriamtlai ah a thawngbikmi KIO cu an lung pem cang. Chinmi a lung pem lomi kan um rih lai dah. ZRA ko hi khuaruahar. NUG he siloin MAH tu a kawmh. Tuak cio ko uh. Chinram le Chin Miphun ah, ZRA bantukin si aduhmi hriamtlaiphu kan um rih ahcun, na nu paw chungin a ti in Rak zut law law uhlaw atha deuh phun nansi ko. Lungfak tuk ah bia atha pahlo. Ka ngaithiam hram uh.

KIO/KIA nih NUG ah aa fonh ahcun AA, TNLA, MNDAA zong aafonh lai tinak asi. UWSA hmanh aa fonh ko. Thawngtha ngai asiko. Shan Ralkap tu cu Rallokap minung silan dawh asi ve. CNF/CNA, CDF lawng hi NUG he aa fonh ti zong Chinmi nih hngalh a herh ngai ngai I CNF thangchiat cu chimlo, vawlei ah voi 70 kunin biak ding tu khi ansi deuh.

Tlangcungmi cu NUG he I fonh lo zong ah, tam deuh nih MAH kan doh hna, tampi nunnak a liam ve. Kawl miphun cu NUG he an I fonh ko nain, biatak tein MAH an doh ve lo. Kaya, Chin, Karen, Kachin lawng an kan rinh. Chinram he ramri asimi Sakai le Makui ramthem lawng nih MAH biatak tein an doh ve. Hi nih hin Dohthlennak asau ter khun.

Dohthlennak can cu asau rih lai, mipi kan ba tuk rih lai Nunnak zeimawzat a liam rih lai, Urkangh mi khua le khuarawp an um len rih lai, tirawl eidin harsat can asau rih lai, Lungrawn khua khirh can a nai rihlo, ramdang um chinmi tampi thawh aherh rih lai, Teitu sican hi Zubui Mei can asi hrim lo, can sau rih lai caah, zeilei poah ah timhcia tein um zungzal a herh ve hnga. Credit: Joseph R. Thang