Thawngpang Fonh-Thlichia Ruang ah Harnak A Tongmi Paletwa peng Khuami Hna Bawmtu An Ngei Rih Lo
================
May 14 ah a hrang mi Mocha thlichia ruang ah inn le lo rawkral a tamnak Chinram thlanglei Paletwa Peng chung khuami cheukhat hna cu nihin tiang bawmchantu an ngei rih lo, tiah theih a si. Khuami pakhat nih cun, “Naitan kan tonmi kokek harnak ruang ah Biakinn, sianginn le sii-inn telh in Paletwa peng chung ah a rawkral mi a tam ngai.
https://www.facebook.com/miphundawtu123/photos/pcb.1480872195985398/1480872105985407/?__cft__[0]=AZVW75MCMjJrAr4JQmW8vbyHI4C60wAvCUpLwoRhooR1PfEpvJWDC_0qige2Dp-CnmvlyV4U3mMQeZrYlMngpUNbTpfZiRBqpJtg508tZMAG80pnIqgHqVgaBnBHLKRNAdKfm7IAF_ITbWuxNhxnNeR8NCzjCTdJjpGfl4fRMkCnxSaMa_hIfCvbbuyoNF33UCo&__tn__=*bH-R
Pengdang le hmun dang hi cu SAC lei in siseh, NUG lei in siseh bawmhnak tete cu an hmuh ti kan theih. Kannih Paletwa belte hi atu tiang ah khoika hmanh in bawmhnak kan hmu rih lo. Lamsul lei a har lawng si loin kanmah thazaang tein vun i sakremh ṭhan ding hi cu kan i harh ngai ko,” tiah The Chin Post ah a chim.
Shan ramkulh chaklei Namhsan peng, Longtauk khua ah thinlung damlonak a ngeimi kun 16 Nu ngakchia voi tamngai a tlaihhremtu pa Mine Hla Win (kum 23) cu May 17 ah TNLA nih an tlaih i upadi ning in dantatnak kan tuah lai, tiah Ta’ang National Liberation Army (TNLA) nih cathanh a chuah.
https://www.facebook.com/photo/?fbid=258558640024046&set=a.177136174832960&__cft__[0]=AZXx4Wwu0LRYCgcEL1uXLjcfS7GlVe2szPuHhlt5EKbWnSoGMA3Xs0MAUmlqX0U3_XUGSKmhEhpielIgddIC0orHl_yzlFlkFb6HBxzbrCPU0MfwH8uFs5Gf03xS1XJzZvAyr8YPbbHBEXUQUF7ttbgxZdwKCUOrBQypzjmKXYfInW7HheWCVqmrYFqkM4jVEoA&__tn__=EH-R
Mine Hla Win nih mah ngakchia nu cu 2022 kum December thla thok in thlakhat ah voi khat an khua sianginn ah auh in a tlaihhrem i ngakchia nu cu fa a pawi caah an theih hi a si, tiah theih a si. “Tlaihrem a tongmi nu ngakchia hi a thlatlin ruang ah mi nih an chawnh zong ah mi a let lomi a si i a umning aa dan caah a nu le pa nih checknak an tuah i fa a pawi cu an ngalh khawh.
A nu le pa nih an lemsawi hnu lawng ah anmah khua a simi Mine Hla Win nih a tlaihhrem cu a chimphuan” tiah TNLA nih cathanh an chuahmi ah an langhter. Nu ngakchia nih a pawimi a fa cu thla 3 a si cang, tiah theih a si. TNLA nih a luancia kum 2021, April, 1 ahkhan kumtlinglo ngakchia a tlaihhremtu pakhat cu thihdan an rakpek bel cang i mizapi hmai ah meithal in an rak kahthah bel cang, tiah theih a si.
Paletwa Peng ah hin minung umnak inn 222, Biakinn 1, sianginn 1 le ngandamnak he aa pehtlai mi inn 1 an rawk, tiah theih a si. Mocha thlichia ruang ah hin Chinram chung ah inn 1774 a rawk i cu chung ah a tam deuh cu minung umnak inn an si, tiah ICNCC nih cathanh a chuah.
Mizoram chung ah Myanmar ram lei in phungning loin a lut mi bing rang, India phaisa Rupees sing 200 man cu Aizawl khuapi Zarkawt sang chung ah nizan May 18 ah khan Mizoram palik nih an tlaih, tiah theih a si.
An tlaih mi bing rang hi 44 gram in a rit i a zuartu ah ruahmi, Hakha Chin Oo si sang um Pu Thang Cung (kum 46) le Mizoram Hnahthial khua, Pennial sang um Pi Lalnunsiami (kum 50) hna cu tlaih an si, tiah Mizoram Palik nih an thanh.