Chin Ramkulh Chung Ralzaam Pawl Bawmhnak An Herh
===========
Hramhram in uknak lak a si hnu ah hriamtlaih dothlennak hmunkip in a tha ṭhawnnak Chin ramkulh ah SAC ralkap nih thazang tampi hmang in kahdohnak a tuah hi kum 2 leng a rau cang. Mipi sing 1 leng ralkap kut in an luatnak hnga innlo an zaamtak i a tam u hi ramlak ah buk ser in an um hna.
Atu ahcun SAC ralkap pawl nih Mindat – Matupi lamcung khua kip an phan cang. June 1 in cuka hmunhma pawl ah an luh caah Chanpyain, Ramting, Hmuntung khua mi 500 leng himnak hmun ah an zaam hna tiah theih a si.
Ye Khua, Htimaybaw Hlei Pawng Kahdohnak Ah SAC Ralkap 2 An Thi; Mon ram, Ye khua, Htimaybaw hlei pawng ah mawṭaw in a rak raa mi SAC ralkap pawl an kah hna i 2 an thi tiah thawng theih a si.
June 14 zaanlei sml 5:45pm hrawng ah Ye peng lei in Mawlamyaing-Ye-Dawei lam lei ah mawṭaw 2 he a rak raa mi SAC ralkap pawl cu Hninsung khua le Sanpiah khua karlak, Htimaybaw hlei pawng ah KNLA B27, C3 nih an kah hna i mawṭaw a 2 ning in a tap i SAC ralkap 2 an thi, 3 hliam an tuar tiah theih a si.
A luancia June 10 ah Mawlamyaing-Dawei-Myeik No.8 lam a zul mi mawṭaw pawl SAC ralkap thilri le an minung pawl nan phorh a si ahcun dantat nan si lai tiah KNLA B27 nih cathanh an chuah. Crd;The Chinland Post