Kalay /Rawn Chin Emergency Bawmhnak

Kalay /Rawn Chin Emergency Bawmhnak
===============================
Nan theih cio bantuk in Kalay cu tulio Myanmar buainak ah tihnung biknak hmun le Civil War ai thoknak hmun bantuk ah ruah asi cang. Mipi an lungrual tuk caah le thih ngamh bakin ralkap an doh caah Kalay ummi ralkap nih an chei ti hna lo i Tamu le Gangaw ummi ralkap tiang in an cah hna. Cuzong nih cun an chei ti hna lo i tuhi Kalaywa lei ralkap an cah hoi hna i a velcheh ummi ralkap paoh nih zuan hnawh timh dawh in an um cang caah thih le nun kar dirhmun ah an dir cang.

Cucaah kan duhzong duhlo zongah hrial awk tha lomi dirhmun kan dir ko cang caah nan thlacamnak pin leiah ngeihchiah chawva in zokzok bawmhnak an herh caah na miphun na dawtnak na langhter nak caah na chawva in na kut vun samh ve law. Zahan ah khuanu khuapa nih an thimi tulio CDM kong ah siseh an cawlcanghnak ah siseh hruaitu an thimmi an upa minung 3 le US i a ummi Rawn Chin khuakip upa te biaruahnak an ngei kho i, tihnung taktak dirhmun ah an dir cang zia le zokzok bawmhnak an herh zia a vun kan chim tikah a rannak in tu bantuk in thawng thanhnak kan vun tuahmi hi asi.

Hi phawih hi US ummi Rawn Chin khuakip fonh upate nih dirhmi asi, pumpak in dirhmi asi lo. Cun Kalay lei zongah khuanu khuapa le mipi nih an thimmi minung tulio riantuantu lawng kan pehtlai ve hna. Nai fianlonak a um asi ah maw asiloah phaisa thawh na duh ahcun a tang leiah vun kan contact te: Zelle Kuatnak; Naomi Chin m: 262 899 8158, Bawi Ram Sung: 515 333 9442, Upate Chawnh Na Duh Ahcun; Chelsea Bawi: 3173496692, Pu Solomon: 8067173161, Pu Sang Ceu Uk: 4322129959, Pu Thang Hlei: 301-256-1505, Pu Ngun Thawng Tuan: 214-971-0159.
Sayamah Ngun Neih Sung: 432-342-8374, Pu Van Bawi Lian: 432 638-7640.