Kalay Phak Hlan, Sithar Khua Pawng ah Mipi le Myanmar Ralkap an i Kap

Kalay Phak Hlan, Sithar Khua Pawng ah Mipi le Myanmar Ralkap an i Kap
——–
Nihin zanlei sml. 5:00 hrawng ah Hmandaw lei in a rak rami Myanmar ralkap le mipi karlak kahdohnak Sithar khua phak lai ah a chuak, tiah thawng kan theih. Gangaw lei in a rak rami ralkap motor pawl kham ding in lamthluan ah a ummi khuami hna nih thingkung an hau i, cu thingkung pawl thianhpiak ding in motor 4 hrawng in ralkap an rak rat hi a si.

Sitha le Natmyaung khua karlak ah mipi nih Lai meithal pawl in an orh ve hna i kahdohnak a chuak. Zanlei sml. 5:45 hrawng ah meithal thawng a dai. Kap hnih in hliam a pumi le a thimi an um lo le um lo theih a si lo. The Chin Journal

Relchap, ISRAEL ELECTION AH PM NATANJAHU A TLING THAN LAI MAW! IRAN, MIDDLE EAST BUAINAK.MYANMAR LE ASEAN POLITICS. Kum 2019 in a vawi-4 nak Israel Election cu March 23,2021 ah khan an tuah tha’n i, PM tuan lio Natanjahu hruaimi Likud Party le Blue and White Party i Defence Minister Benny Gantz le Opposition Leader Yair Lapid hruaimi pawl kar lakah,ho Party lei hmanhnih Cozah siamkhawh an um lo ca’ah an buai ko. Israel Parliament Knesset ah hin KM(MP)Seat-120 a um i, Seats- 61 a hmu mi poh nih Majority Cozah siam kho ding an si.

PM Natanjahu hruaimi Likud Party nih Seats-31 (24.2%)an hmuh i, anmah he tangti Allie group nih KM Seats-59 lawng an tling kho. Opposition lei Blue & White Party hruaitu Benny Gantz le Yair Lapid nih Seats-18 (13.9%) an hmuh ve i,”Change bloc” pawl New Hope, Yamina, Labor, Yisrael Beytenu le Yesh Atid Party pawl fonh komh nih Seats-52 hrawnghrang lawng an si. Cuca’ah Arab Parties asi mi Meretz le Am’am Party Pahnih nih Seats-5 le Seats-4 an hmuh ve.Likud Party lei’ah hin Kahanist,Zionist Party, Israel Hayom le Kach Movement Party le a dang pawl an si.
Cuca’ah, Israel Arab Party asi mi Ra’am Party hruaitu Mansour Abbas hi Likud Party leader Ayoub Kara nih Cozah siamti dingin a sawi lem liopi asi i, Ministers Seats an pek khawh ding asi ah cun Majority Seat-63 in Cozah an siam khawh te lai. Opposition Leader Yair Lapid le Labour Party Leader Ms.Merav Michaeli hna nih Meretz Party Leader Nitzan Horowitz cu an chawnh ve i,an sawmkhawh ah cun KM Seats- 57 an si kho ve men.Cu asi ca’ah,Ra’am Party hi an biapi( Deciding Party) bikmi an si cang.

PM Natanjahu nih cun, Ra’am Party Leader Abbas cu Arab Extremist asi i, Minister ah ka pe kho loh, Parliamentary Board lawngah sinak ka pe khawh a ti ve fawn. Opposition pawl nih Cozah an siam khawh ah cun, Yair Lapid le Yamina hruaitu Naftali Bennett nih Kumkhat danin PM sinak an i chawng lai.April 5,2021 ah President Reuven Rivlin sinah Cozah siam khawhnak Caa zual (Merit lists) an pek a hau cang lai. Cu an siam kho lo’ah cun 5th Election an tuah tha’n lai.

Hi Israel Election Zaanah Palestine Hamas ral hrang pawl nih Jerusalem cu LB Missile in an kah i, Israel Air force nih Ramallah i Hammas hmunpi(Hqrt)cu ceilak in an phomh ve. Syria ram i Iran bawmhmi IS pawl zong nih Israel cu Ballistic Missiles in a kah na’in Israel Anti- Patriot Missile nih Israel ramchung a phak hlan ah a rak kah piak dih hna. Cu hnu ah Israel Air Forces nih Drone Missiles hmangin Iran-Syria ramri i IS ralhrat Hezbollah Hmunpi Bukamal le. Qa’zim cu an bomb i an hrawh piak cikcek i an hruaitu mi 22 an thah hna.

March 8,2021 ah khan Israel nih Iran nih Syria ramri i IS Kataeb Sayyid al-Sluhada ralhrat pawl ca’ah Oil le ralthuam a phurhpiak tu Iran Ships Tilawng-4 cu Drones Missile in a kah i a hrawh piak dih hna. Cuca’ah Iran zongnih March 25 ah khan Israel Private Ti- Lawng cu India-Tanzania a kal lio Oman Gulf pawngah a kah piak ve hna. Iran President Hassan Rouhani nih cun,Iran nih Scud Missile 50000 leng kan nei cang i, nifa chiar Pakhat lengmang in Israel hi kan kah cang lai ti’ah a chim. Israel Army Chief Lt. General Aviv Kochavi nih cun, an ngamhah rak kan kah seh Israel ramchung a phan manh lai lo. An Nuclear siamnak le an Missile chiahnak pawl kan hrawh piak dih cawlh hna lai ati ve.

US nih cun Iran Nuclear deal 2015(GCPOA)kha nunter tha’n a timh na’in Iran nih Economic Phihnak Sanction kha rak ka hlihpiak hmasa ati pinah Iran bawmhmi Yemen ram i HOUTHI Ral hrat pawl nih Saudi Khuapi Riyard i ARAMCO Oil Refinery Missiles in an kah piak ruangah an i rem kho loh.US Ambassador to UN Ms.Linda Thomas Greenfield nih cun, Palestinian ram ca ah bawmhnak US$15 Millions kan pek ti’ah UN Security Meeting(24/3) ah a chim. Cu ti US le Iran an i rem lo lio ah China Foreign Minister Wang Yi le Iran Foreign Minister Mohammad Javad Zarif cu 26/3/2021 ah khan meeting nei in China nih Iran Oil cu $ 400 Billions man Kum 25 chung cawk dingin” Strategic Cooperation Pact” an tuah.

Cuca’ah USA cu tulio hin Russia, China, Israel le European lei’ah a tlatlum loh.Myanmar buainak kongkau cu Singapore Foreign Minister Vivan Balakrishnan cu 22/3/21 khan ASEAN Lutlai lio Brunei King Hassanal Kolkiah he an i tong hnu in 23-24/3/21 ah Malaysia PM Muhyiddin Yasin le Indonesia President Yoko Wi dodo he an i hmu dih hnu’in April thla’ah ASEAN Emergency Meeting cu Brunei khuapi Darussalam ah uah dingin an hna a tla ti’ah theih asi.
Amahbelte, Malaysia, Indonesia, Philippines nih Ralkap uk nak hi an doh na’in Vietnam, Cambodia, Laos le Thailand nih Ralkap cu Election tuah tha’n zok zok i Mipi sinah Democracy Uknak pek tha’n dingin an duh. 27/3/21 Arm Force Day zongah Vietnam, Cambodia, Laos,Thailand pinah India, Pakistan, Bangladesh, China le Russia Military Attaches pawl an i tel ve hna.Hi ni’ah Min Aung Hliang nih cun, Myanmar Election thar kan tuah tha’n lai i, a teimi Party sinah Democracy Cozah nak kan pek tha’n lai ti’ah a chim tha’n. Amah belte zumhawktlak asi te hnga dek maw?

Mizoram lei’ah Chin Ralzam cu Nizaan chun tiang an lut thluahmah ti’ah thawng kan theih i, CDM, Palik le Mipi an dihlakin 900 le 1000 kar hrawng an si cang ti’ah kan theih. Mi tam u cu Aizawl lei an phan cang i MZP, CYMA le NGO cheukhat hna nih an bomh hna ti’ah theih asi. Mizoram CM zongnih India PM Narendra Modi sinah nawlnak a tuah hnu cun, zei pipa buainak a ummi theih asi rih loh. Mizoram kan Unau le Mipi sinah lunglawmhnak chim cawk lo kan nei ti hi chim kan duh ko. Credit: MC Biklian