Kalay peng Letpanchaung khua ah miakpi kuan voi nga a tla i minung pahnih hma an pu, inn pakhat a rawk
===============
Nihin May 11, Kalay peng Chaklei, Letpanchaung khua ah SAC ralhraang nih an kah mi miakpi kuan voi nga a tla i nu pahnih hma an pu, inn pakhat a rawk tiah theih a si. “Chun suimilaam 12:00 hrawng ah A Group ah bomb voi 3 a tla. Nu pakhat hma faak ngai a pu.
Cun zanlei suimilaam 2:25 ah A Group ah bomb voi khat a tla than i Pu Hmachhuana te inn a kaang i a rawk dih. Bomb pakhat cu E Group ah a tla i nu pakhat hma a pu, tiah CNO-UCR nih a thanh.
Tu zing suimilaam 6:00 hrawng in Yarzagyo khua ah PDF pawl le SAC ralhraang pawl an i kap i ralhraang pawl va bawmh ding in Kalaymyo in armored vehicle panga an kal tiah theih a si.
Khin U – Ye U motor lam ah khadohnak a chuak i SAC ralkap pahnih an thi; Nihin May 10 chun ah Sagaing ramthen, Khin U peng chung, Khin U – Ye U motor lam ah SAC ralkap le tualchung PDF pawl kar kahdohnak a chuak i SAC ralkap pahnih an thi, rammi ralkap lei nih meithal zun hnih an lak khawh tiah kan theih.
Umhmun an khuarnak Moetein tiva hlei in Khin U – Ye U motor lam lei ah a ra mi SAC ralhraang pawl le tualchung PDF pawl an i kap i SAC hriamnam MA 1 meithal zun khat, AK 47 meithal zun khat, 5.56 zenthong 15 le kuan bawm 3 an lak khawh tiah, Khin U PDF sin in theih a si. Cu kahdohnak cu minute 3 hrawng lawng a rau i Khin U peng PDF le tualchung LDF i bawm in an kah hna. Rammi ralkap lei hma pu um lo in hnulei an kir kho tiah theih a si.
Aung La NSang Nih Boxing Aa Thonghnak Kuthruk Le Bawngbi Vantha Mi Laksawng Pek Timh; Aung La NSang nih Boxing aa thonghnak Kuthruk, a kuttem nak le walkout bawngbi hna cu Giveaway bantuk in a ra lai mi May 15 ah mi vantha bik laksawng pek dingin timh tuahnak a ngei.
Vantha bik laksawng peknak ah aa tel ding mi hna nih ka Youtube Channel zong Subscribe tuah piak ding le Comment ah zeibantuk Vedio dah zoh nan duh i ka chiah ah a that lai timi zong ruahnak rak ka pe uh” tiah Aung La NSang nih a langh ter.
“Youtube ah hin kei mah ka sining kong le ka huammi phun kong cu thazaang a ka pe mi hna sin ah chimphuan ding kaa timh caah Youtube channel zong ka tuah nak a si. Mah pin ah zaanglet nak kong, chungkhar kong, eidin tirawl kong le a dangdang kong zong tampi chiah ka timh.”tiah a langhter chih.
Gangaw lei in a rak kai mi SAC ralhraang Light Infantry Division 77 (Tatmah 77) nih Hakha peng, Malsawm khua ah umhmun an khuar chung ah khuami inn pawl an bauh, khuami ngeihchiah thilri an firnak nehnang hmanthlak an si. Credite; The Hakha Post