Ka zawt lai bik a hnu bik hi keimah lawng nih ka cawi i ka thlan in ka thil a cin dih

Covid 19 ka zawtnak in ka dam: 24-11-21
===========
Covid 19 mizaw caah biatak tein Oxygen kan pek chanh hi, 2021 kum July – August – September – October – November a si. Thla(5) chung a si. Dur 2000 kan pek kan lak kan cawi kan tthumh. Dur (1) ah cuai 25 hrawng a rit.

Dur khat hi vui (6) hrawng cio tthumh cawi a si caah Dur 2000 cu vui 12,000 kan cawithlir tinak a si. Mizaw cheu khat cu Oxygen cawi kho an rak um hoi lo. Kan zung nih kan tuah piak dih hna. Nain mizaw tlawmpal te cu motor an i hlan pah khawh i an mah tein aa cawi kho an rakn um pah ve.

Buaktlak in kan mah nih vui (8000) hrawng hi kan cawi kan tthumh piak hna. Hi chung ah hin kan tha a ek dih.A cat dih. Ka zawt lai bik a hnu bik hi keimah lawng nih ka cawi i ka thlan in ka thil a cin dih. Mizaw kha nu lawng an rak si. Dur (5) ka cawi piak hna.

A kiptuh in ka zaw colh ai. Ka chung le ka zawt pi hna dih(An dam ve cang). Kan zung pawl tu cu tuan deuh ah an family zawt an phorh dih cio hna i an dam dih ve tthan cang. Hinak har rian ttuanmi liangluang nan um. Report pek can le hmuhtonmi ka ttialmi tu a si. Minih lomh ding le zaangfah ding ah ttialmi a si lo. Pathian Sunparnak Caah..
Cung Hu, November, 2021

Oxygen dur tuah to hi a rak awl bak lai lo..Nadam thawng kan theih cun kan rak i lawm tuk cio. PT nih in um pi peng ko seh. Nadam mi cu kanni lawm tuk e. Covid cu inn kip ah a vak ko lo ma. Bawipa thawngin kan dammi asi e. Kan pupa chan i pul rai anrak timi bnt maw asi hnga kati. Sihmanhsehlaw Bawipa nawl lo in zeihmanh a um kholo. A dawtnak in an kan cawi caah kan dam mi asi. Bawipa sinah i lawm ko hna usih.

Lunglawmhnak A Sang Taktak. Mizaw mifak phorhnak, bawmhnak le riantuannak caah motor an kan hlutu Indiana Chin Baptist Church Mission Department le Battle Creek Chin Baptist Church cungah kan lung aa lawm tuk. Alphard 2002 model le 2006 model an si. Pathian nih miphun dirkamhtu le cawisangtu ah thluachuah pe chin hna seh law hmangchin hram hna seh.

Khrihfabu chungtel pumpak cio zong Pathian sunparnak langhtertu le miphun thangthat tertu ah Bawipa Pathian nih in hmang chin hna seh. Pathian sinah kan pekchanh mi motor 2 zong mizaw mifak bawmtu le riantuannak caah Pathian nih thluachuah kan pek piak hram seh. Kan i lawm taktak.

Western Australia ah Nu bik ah kan i zohmi Pi Ngun Caan (Halkha Khuahlun) nih CNF/A, caah $1000 a thawh. Aunty Ngun hi Halkha, Thantlang lakah a hmasabik Australia a phanmi si.(1994) ah Australia phan cang.

A chimmi cu Chinmi nih CNF/A, hi pakhat nak ah kan chiah hna ding si, anmah an tthawn lawngah “Min Aung Hlaing” Ralhraang hi Kan tei lai ti. A dik tuk.

Hi hnu zawngah ka zuam rih lai ti, lawmh um tuk hringhran.Bawipa nih “Aunty Ngun” hi Kan Miphun caah hmang chin ko seh. Upatnak kan pek. Lawmh a um tuk ee Bawipa tunih thinlung taksa thlarau dam he lam hruai chin ko seh.

SUDAN GENERAL NIH MIPI COZAH PM SINAH NAWLNEIHNAK A PEK THA’N HNA. (Myanmar General nih teh a tuah kho lai maw!). Myanmar Ralkap pawl nih Anna an ting hnu’ah Africa i Sudan ramah General Abdel Fattah al-Burhan hruaimi Ralkap nih Mipi Cozah Prime Minister Abdalla Ham dok ,Ministers pawl le Party hruaitu hna cu October 25,2021 ah tlaih in Innthong a thlak dih hna.Sudan le Myanmar hi an i lonak tampi a um.

Sudan ramah Miphun tenau(Taingyinta) 56 leng an um ve i Hutou Miphun lian Muslim71%,Christian20% hrawng le Jewish 6% le adang dang pawl an um ve. Tu hlaanah khan ralbawi hlun Detectorship Omar al-Bashir nih Kum saupi a uk hna hnu’ah Kum 2019 ah khan Mipi le Ralkap tangti nih an tei i Democracy Cozah dothlenak an tuah khawh.

Sudan Ralkap le Mipi Cozah nih hnatlaknak an tuah i Constitution ningin 2023 ah Rampi thim nak tuah dingin Nawlneihnak (Power)an i sem. Sina’in PM Hamdok hruaimi Forces of Freedom and Change Party, Umma Party le Detectorship Omar al-Bashir dirhmi National Congress Party chungah miphun te-nau kongah buaibainak a chuak ca’ah Ralkap General Abdel al-Burhan nih 25 October ah Anna ating i hruaitu vialte a tlaih dih hna.

Cu hnu tlawmpal ah Africa Union, US le EU nih Sudan Ralkap cu biatak te’in an doh i Mipi zong nih duhloh Lamzawhnak an nei i, Sudan Ralkap le Palik nih meithal in an kah hna ca’ah Mipi 41 an thi cang. US, EU le World Bank nih Sipuaizi leiin an phih dih ca’ah Mipi cu eidin an har tuk ca’ah General Abdel al-Burhan nih cun Doctors le Journalists pawl hruaimi CCPS remdaihnak thawngin PM hlun Hamdok le Umma Party Chief Fadlalah Burma Nasir he ton biaceihnak cu November 21 zaan khawdei an nei hnu’ah 14 Points Agreement an siam khawh.

Hamdok cu Sudan PM ah achiah tha’n i Cozah Minister pawl le hruaitu vialte cu Thonginn in a chuah dih tha’n hna. Sina’in Sudan Mipi nih cun, cu remdaihnak cu an duh lo i, Ralkap cu zeitik -hmanhah ram Politics ah i hrawlh tilo dingin biatiamnak an ser hrim hrim ahau ti’ah Sandah piah nak tuchunni tiang an nei rih.

Myanmar rampi zongah tuchunni tiang kan buaibainak hi Ralkap SAC Cozah Sr.General MinAungHliang nih remdaihnak tuah hi ahau hrim hrimmi asi. President U WinMyint sinah Anna a pek tha’n kho lai maw. Pe lo’in 2023 ah Thimnak ka tuah hnu’ah ati zongah Raltuk nak(Forces) hmangin thathnemhnak zeihmanh a chuahpi lai loh. Cuca’ah remnak le daihnak hi a kawl hrim hrim ahau cang. UN, US, EU, China, Japan le ASEAN nih 5 Points Consensus rem -daihnak an chuahpi mi hi a rannakin tlamtling ter a hau cang.

Ralkap Cozah dohtu NUG/PDF le Ralkap lei zong nih pakhat le pakhat karlakah i thahnawn nak hrial ve ve in Cabuai cungah remnak le daihnak an tuah hrim hrim a hau lai. Mipi ca’ah cun khat lei khat lei hi Mithahnawn ( Terrorism) bantuk ve ve ah an cang sual lai ti hi thinphang awk ngai ngai asi cang.

Myanmar ah i dohnak le i thahnawnnak nih zeihmanh thathnemhnak a chuahpi lo i Ram le Mipi an dawt tak takmi an si’ah cun an ruahnak hi thumh ve ve in kan Mipi cungah harnak le aihramnak pe ti lo’in 2022- 23 ah cun Myanmar ah remnak le daihnak a um khawhnak dingin Mipi kan dihlak te’in mah le Pathian sin cio ah thlacamnak nei hna usih. Credit: MC Biklian