“Ka Hawi,’Ka Theih Mi Thawng Hi Dik Hlahselaw Ka Va Duh Dah!

“Ka Hawi,’Ka Theih Mi Thawng Hi Dik Hlahselaw Ka Va Duh Dah!
==========
Ka Hawi,”Tui Dim”Nang cu na no lio te in kan miphun le ram caah rianttuan dingin bia khiahnak na tuah i,miphun le ram caah harsatnak tampi na tuar, miphun le ram caah rawlttam vawi tampi na in pinah tihal vawi tampi na in tuar, Delhi na um lio ah Chin Community i rian kan ttuantti lio zongah, Miphun na dawtnak vawu tampi na kan chimh, na lung a dong ballo, ka chanchungah kan ram le miphun hi kan that hrimhrimnak dingah ka miphun cu ka ttuanpi peng hna lai na ti.

Kan ram cu a buai fak siling te cu a si ko. Asinain, a ttanh lei a panh cuahmah cang i, a liam cia i na biachim mi ka ruahtthan i, aw, Hawipa nih a chim mi kha a dik lai, a nun chungah kan ram le miphun nih zalonnak kan hmu lai hih tiah keimah hmanh a lang in lungtthawnnak kai pe.

“Ziah’zeitin hme nihin thawng ka theih mi cu a si ne?Nan nu na dawttuk mi he vawitam nihin ah kan i chawn, nan nu zong nih aizumh kho lo, zanmang bantuk ah kan ruah ko hih. Hi na thawng kan theih mi hi kan zanmang bantuk khi si selaw, thawng diklo khi sihram koseh ti hi kan ruah peng i, nangmah ah ruahchannak kan ngei ko rih hi teh.

Hawipa”Na liam taktak ko cang a si hmanh ah, naitinh peng mi, ka ram le miphun caah cun ka nunnak peek dingin ka rak i kam cang bantuk in, Chinram caah a thi cia in kai ruah peng na rak ti mi kha, kan ihnemhnak pakhat si ko selaw, Na temtuarnak hi a lak a si hrimhrim lai lo.

Kan theih mi hi a dik ko zong ah na dawtmi na thaisung, Nau Tha le na nu le pa le na unau le nan fa le cu na miphun nih kan philh han lai lo i, Pathian nih a kan bawmh lai i, na lungsia herh hrimhrim hna hlah mu! Sianlo bu in:Na Hawittha,” by- Tin Duh Thang.

Pu Tui Dim hi 1989 kum ah CNA ah a rak lut i 2007 kum dih tiang CNA a ṭuan! Pu Tui Dim hi 1989 kum ah CNA ah a rak lut i 2007 kum dih tiang CNA a ṭuan. CNF tu ahcun a nun dih tiang a ṭuan. GOC chan lio ah Home ministry ah Asst. Secretary, CHRO ah Chairman hna a ṭuan leng ah Khonumtung news editor hna a rak ṭuan.

6/1/22 ni ah Matupi peng Lunghlaw leh Kihlung khua karlak ah khuami pawl he antlai tinak ah 7/1/22 ni ah anthah hna. Terah nih a ka kuat ning ahcun a tang i ka telh chih mi kha si. Cutluk ka ngaihchiat cu Pu Dim ruangmang kan celh hrim lo e. A poi ve, Mi pasaltha bak ka ti mi pa a si e kawmh zong a nuam tuk mi a si e.

Ka zum duh lo.. A poi tuk ning hi le ka ngaichiat ning hi ka celh hrim lo ee. Cung pi pa a Liam ti thawng Kan theih cu Kan ngeih a chia tuk ee bawipa tu nih tan tak mi in hnem ko hna seh. Pu Dim thawng kan theih cu kan ngeihchia tuk cio ko ee. Pu Tui aw kan sian lo ning a pawituk e, Rest In Peace.

Ka kawi Pu Tui; Kan kawifa in saduh kan thahmi cu ka rak pehzulh ko lai eee. Ka pa nih kan kawi fa in a kan bochan tuk i a thlacamnak ah a kan philh bal eee.

Camp Victoria ah caan saupi um awk that lo caah kan chungkhar hnih in Tio ral kan peh lio i, kan i ruahmi cu kan tuah veve ko ee. Covid Lockdown ruang ah caan saupi kan i tong lo nain massinger in bia kan i ruah tawn kha ka philh lo eee. Kawi, caan sau rau in ka tlung lai tiah na ka chimh kha a tu hi maw si hnga?

Kawi, nang cu Miphun caah nunnak thap in rian natuanmi cu kan hmaihngal pi tuk ee. Nain ka celh lo eee. Techinfapar chan tiang uknak tha pennak tha a chuah hlan lo tiang na neh hnu cu na tuan hawi hna nih kan rak zulh ko lai.

Maw ka thin aw..Ka zan mang hei siseh law dah kaduh hringhran e..Maw mi nunnem U Tui ruangmang kha.Zeitluk in dah sahrang kut in na heituar hnu ah nan nunnak thaw te a hei dongh. Tlangza kan cul .khuaza kan cul ti hna. Nang cu a donh tiang Miphun le Ram caah dawhtuk in tuanbia dawh na tial tak.

Teinak kan hmuh i tlun inn kir cio tik ah nang na bau ruang mang cang lai.khuasak run inn kan zoh ngam lai lo. U Tha le Cungcung kha na sia an hreh tuk lai. U Tui aw..A fak tuk.A fak hrinhran. Maw Dohthlen nak pi na man a hei fah ning hi ..Pa zeizah nunnak dah a dih rih lai.A liam rih lai.A za cang lo maw. Maw Pathian na kutza kan chanh cang ko mu.