Ka Far (Pastor Biak Sung) na thawng ka theih mi hi na ta nih rak tuar kho seh na ti ko maw?

Ka Far (Pastor Biak Sung) na thawng ka theih mi hi na ta nih rak tuar kho seh na ti ko maw?
=========
Ka Far (Pastor Biak Sung) na thawng ka theih mi hi na ta nih rak tuar kho seh na ti ko maw? Na liam sia hi a rem ko maw? Nangmah zawn lawng a ruatmi na lo e, na taan takmi nu le pa ule nau, sahlawh rualchan zawn akan ruat lomi na lo e.

Zeitin hen na zuun tuar hi kan run celh lai e. Kei na ta khuachim tluang dang ah na u he kan tuar a fak khun e. Ka U he nan chan hi a tawi hringhran ko mu. Chantawi hna tafar tihi zeitin hen nan sia a rem ka ti. Ka U le ka pu le ka pa Ceu nih an rak in lawmh lai cu ka zum lo e. Na rat a tuan deuh lo maw tiah an rak in sik ko lai ka ti e.

Sung Sung kannih nih cun sian lonak mitthli he kan in thlah nain cung lei Pathian an dawtu le a rianthiang na tuan piakmi Pathian le van mithiang hna nih cun sunparnak he an rak in don cang lai mu. Hi vawlei cu kan khualtlawnnak hmun asi, nikhat khat cu na sinah kan ra ve te lai i van sunparnak he a rak kan dong tu rak si te u mu.

Kanmah sian lonak cu cung lei Pathian sian lonak nih akan tei ai e. Zawnnak le fahnak a um ti lonak zungzal nunnak ah siaherhnak um lo le thadam tein i din cang kun law, kan rat cio tikah van kutka in rak kan dong te u mu. An dawtu le na dawtmi na Tta, John Ceu Mang

Hawikom tha Sung Sung, Na thawng ka theih cu ka ngeih chia tuk ee. Taan tak mi na U nau na chung khar Bawipa nih hnem hram ko hna seh law. Ka Hawi tha Pastor Rose, Na thawng theih cu zumh a har ko, a si hama ti awk in, tantak mi caah tuar a har e, Bawipa nih na rian aa liam an ti cu teh. Dong tu ah rak kal chung ko law.

A poi tuk e,Rebecca pa zei thawng he kan theih hoi, zei ti dam lo nak in dah a si. Nan ngaihchiat nak kan in tuar pi ve hna e. Pathian tu nih in hnem ko hna seh law. si hrim ee cu bantuk thawng theih cu a har hrinhran ko lai mu. Tantak mi chungkhar tu Bawipa nih inhnem ko hna seh mu. Nan ngaihchiat nak Bawipa nih in hnem ko hna seh law.

Fale caah nule hnuk haang maw a ṭha deuh cawhnuk haang (infant formula)? Nule cheukhat cu an hnuk haang chuah lo ruang asilole pakhat khat ruang ah an fale hnuk an dinh kho hna lo i, cawhnuk (formula) haang in an fale an cawm hna. Nain a cheukhat nule cu an hnuk ṭha ko nain cawhnuk haang theng aa thimmi khi an rak um ve. Fale hnuk a dinh kho dingmi si ko nain cawhnuk haang deuh aa thimmi caah ruah a herh ngaimi tete hlethlainak nih a langhtermi ka hun ṭial hna lai.

Cawhnuk (formula) haang hi a ṭha tukmi a si ko, nain ngandamnak lei thiamsang hna nih cun nule hnuk haang tlukin a ṭha lo an ti. Ngandamnak lei rian ṭuantu bu asimi American Academy of Pediatrics (AAP), American Medical Association (AMA) le World Health Organization (WHO), etc… hna nih cun nule hnuk hi fale caah duhthim ding kan ngeihmi vialte lakah a ṭha bikmi a si, an ti.

Hlethlainak nih a langhtermi cu nule hnuk haang tampi a dingmi hna hi zawtfahnak an tong lo deuh i sizung an phanh zong a tlawm deuh ti a si. Nule hnuk haang nih hin bawhte caah hnakhaw hmatnak le chungtlik/sente tibantuk hi tampi a khampiak hna. Cun tirawl le thinghnah ramhnah tibantuk i ziak lonak (allergies) siseh, khuhhrin zawtnak (asthma) siseh, zunthlum zawtnak (diabetes) siseh, thau luannak (obesity) siseh, cun ruah lopi in thihnak (SIDS) tibantuk pawl hi nule hnuk nih a kham ti a si.

Cun hlethlainak nih a langhter rihmi cu nule hnuk haang tampi a dingmi hna hi a ding lomi nakin an thluak ṭha deuh (IQ a sang deuh) ti a si fawn. Cun nule nih an eidinmi tirawl kha an hnuk haang lei ah a kal caah nule nih an eidinmi tirawl hoih in an hnuk haang thawtnak zong aa thleng ve. Cucaah fale nih tirawl thawtnak phun tampi nule hnuk haang hmang in an teh cia cang caah nule hnuk a ding lomi nakin tirawl ei an hun i thawk ah khin an duk a ṭha deuh ti a si fawn.

Fale hnuk dinh hi fale ca lawng siloin nule ca hrim ah a ṭhatnak a tampi ti a si. Tahchunnak ah fale hnuk a dinhmi hna hi a dinh lomi hna nakin hnuk cancer an tong lo deuh, thi kai damlonak an tong lo deuh i, zunthlum zawtnak zong an tong lo deuh ti a si. Cu hlei ah tangka zong a tlo deuh tuk. Cawhnuk le cawhnuk dur caah tangka a dih theng ti lo. Cun fale an zawt tlawm deuh caah sizung kalpinak le si cawknak ca ah a dihmi a tlawm deuh fawn.

A cunglei i nule hnuk haang nih ṭhatnak a chuahpimi pawl le damlonak a khammi tete khi cawhnuk haang nih a kham khawh lomi a tam tuk. Cucaah a hnuk ṭha komi le fale hnuk a dinh khomi dirhmun ah a dir komi nih cun caw hnuk nakin nule hnuk tu hi kan dinh deuh hna awk a si. American Academy of Pediatrics nih cun fale hna hi 6 chung nule hnuk tampi in pek hna ding. Cun a tlawm bik ah kum 1 an si tiang tal hi cu nule hnuk in cawm hna ding, tiah an ti. Credit: Roro Fambawl