Ka chuah ni sunglawi dam tein aka phak ter tu Pathian min ka thangthat!

Ka chuah ni sunglawi dam tein aka phak ter tu Pathian min ka thangthat! (KA TUANBIA TAWI LE TEHTE KHAN NAK)
=========
Kei mah ka mintling hi Biak Hlei Par( Biak Ku) Ka si ii Ka khua min cu Tlangpi asi.Kapa hi Pu Cung Peng Uk (Tlangpi) si i ka nu hi Pi Ngun Za Rem(Thau) khua mi asi.Hakha ah kan chung tein khuasa mi kan sii.

Nikum tu tik ka chuah ni le tu kum ka chuah ni karlak ah hin thil tam pi ai thleng mi chung in ral lo kap nih uk nak an lak dih in aruang tam pi ruang ah Mizoram ka rak phan ve. Sangau ka pu le sin ah caan saupi ka um hnu ah (Sangau Ka Um nak kapu fapa upabik nih akan kal tak ii akan kaltak thla tlawmpal ah ka pu nih akan kal tak than ve)
Sangau cu studio um lo le Lawngtlai Ka Pa Pa te sin ah kai thial than.

Khoi ka hmun ka phak nak poah ah ram le miphun caah ka tuan khawh tawk te hi kai zuam ve la ti hi ka saduhthah sii ko nan mikhua le mi ram ah thiam mi pakhat zg ka ngei lo income nih le um lo midang ca cu chim lo kei mah ca hmanh ah acaan ah ka lungrethei tawn. Si nan Bawipa ka Pathian nih aka kal tak bel lo ii khoi ka hmun ka phak nak kip ah alam kip in dawtu aka thlahpiak ii chambau tuk in aka chia bel lo pin ah mithmai tha aka hmuh ter peng.

Bawipa nih ka saduhthah kha aka philh piak lo ii Mithmuh kut tongh in Vaurawng Zuun Thil chungtel ah ka vun i tel kho ve. Bawipa kaa lawm tuk! Ka ti khawh tawk tein Vaurawng ah tlang ka au ve tawn! Midang caah cun zeihmanh si lai lo nan ka caah cun ka ti khawh tawk te ram le miphun caah ka tuan ti mi lungput tein ka tuan ii kai lawm tuk.

Aizawl ah ramhla tuah ah ka ra i Aizawl cu ka voikhat phak nak sii.Theih mi pakhat zg ka ngei lo ii holh nih le thitha in ka thiam fawn lo. Chungkhat thitha zg ka ngei fawn lo ii sinan Bawipa cu ka caah ava tha hringhran dah Pu Thawng Bawi le an nu U Dadeo Cer te chungkhar cu Bawipa nih ka caah arak ka chiah piak hna tu ni ka chuah ni zg hi nu le pa um lo nak hmun ah lileng ngai in hmanding ka si lio caan ah ka nu le kapa can ka u le ka Ta caan ah an ka dirkamh i ho van ngai lo in an ka chiah. Tu ni ka chuah ni zg an sin an inn te in ka hmang kho….kai lawm tuk e!

Nihin tiang lam aka hruai tu ka Pathian cu ka thangthat zungzal lai..ngeih mi zei hmanh ka ngei lo Bawipa lawng hii ka ngeih mi pakhat te si ko. Bawipa ka Pathian hi aka zohkhenh tu aka cawm tu ka sponsored tha bik sii ko. Nihin tiang hmundang kaa dang in Phaisa in siseh alam kip in arak ka bawm tu nan za te cung ah kai lawm tuk Bawipa tu nih thluachuah in pe ko hna seh law!

Kei nih cun kan cham kho hna lai lo e. Si nan a rian ka tuan piak mi ka Pathian sin ah thluachuah kan hal piak mi hna hii alak sii lai lo e. Nan za te cung ah kai lawm tuk! Ram le miphun caah kan tuan khawh tawk ah lungrual tein tuan hna usih law i dirkamh peng ko hna usih kan tei hrim hrim lai.

Happy Birthday to me; Ka nu le kapa nan cung ah kai lawm tuk kan dawt tuk hna. Bawipa nih nun khuasau nak le ngandam nak thluachuah in pe ko hnaseh!, Bawipa Ka Pathian na vel hi ka caah a luangliam e. Bawipa kai lawm tuk e!