Hun San Nih Min Aung Hlaing Cu Online Cungin A Hnem Ruangmang!
Hun San Nih Min Aung Hlaing Cu Online Cungin A Hnem Ruangmang!
=====
Asia ramchung tonbiaruahnak ah tel kho dingin zulhphung (5) hna cu tlamtlinter dingin Min Aung Hlaing cu Hun San nih a nawl. Nawlngeihnak Min Aung Hlaing u Hun San nih online cungin tonbiaruahnak a ngeihpi i, Asia ramchung nih a ngeihmi zulhphung (5) hna hi tlamtlinter dingin a forh ruangmang.
Cu tonbiaruahnak kong he pehtlai in Hun San nih cathanh a chuah tikah, Min Aung Hlaing nih Asia zulhphung (5) hna cu a tlamtlinter nakhnga, kahdohnak a daih nakhnga, ralkap telh in mipi he tonbiaruahnak ngei dingin a forh tiah theih a si.
Cupinah Asia ramchung nih a tuahmi minung le minung zawnruahnak a pek dingmi zong cohlang dingin a nawl chap.
Hun San hi tutan ah Asia ramchung chairman a si hnuin hnuchitmi Min Aung Hlaing cu a si khawh chungin dirhkamh a timh ruangah Nyi Pyi Daw ah a kalnak a si. Cupinah Cambodia ram ah an tuah dingmi ramdang pehtlaitu vuanci hna tonbiaruahnak ah tel dingin a sawm rih.
Sihmanhsehlaw Indonesia, Malaysia le Singapore hna nih an cohlang duh lo. Asia ramchung palai hna nih Kawlram buainak kongah tlangtla dingin Min Aung Hlaing nih zulhphung (5) hna cu a tlamtlinter lo ruangah tonbiaruahnak zongah tel ti lo dingin an hlawtnak a si.
Asia ramchungah thazaang thawnnak a ngeitu Indonesia, Malaysia le Sngapore hna nih biachahmi hi an dirhkamhpi peng ruangah zulhphung (5) tlamtlinterlo ahcun tonbiaruahnak ah tel kho lo dingin Hun San nih a hun chim ve cang. Cuticun Hun San cu Min Aung Hlaing he online cungin tonbiaruahnak an ngeih tikah Asia ramchung nih a ngeihmi zulhphung (5) hna cu tlamtlinter dingin a forh hi a si.
Asia ramchung nih a ngeihmi zulhphung (5) timi cu a liamcia April ah khan Min Aung Hlaing telh in Asia ramchung hruaitu hna nih zulhphung (5) an tuahmi biachahnak kha an si. Cu zulhphung (5) hna cu: hramhram tuahsernak ngol ding, Kawlram kongah hruaitu dihlak he tonbiaruahnak ngeih ding, Asia ramchung ah special palai pakhat thim ding timi an si.
Ukarain Ramchung Ah Russia A Luh Sual Ahcun Vawleipi Aa Thleng Dih Lai Tiah American President Nih Ralrin Pek!
Ukarain le Russia karlak buainak a linsat lioah Russia ram nih Ukarain ramchung a luhhnawh a si ahcun atu kan vawleipi hi aa thleng dih lai tiah American President Joe Biden nih ralrin peknak a chim.
Atu ah Ukarain le Russia karlak buainak a linsatnak hi Russia nih ralkap thazaang a timhtuah i, a ralkap sing (130000) cu Russian President Putin nih a tiahtuah cuahmah hi a si. American cozah nih Ukarain le Russia karlak buainak hi mittheplo bakin kan in zoh hna i, Russia cungah a fak taktakmi dantatnak le phihkhamnak zong pek dingin timhtuah a si.
Thawngzamhnak ningin American ralkap 8500 cu Ukarain caah hman dingin timhtuah a si nain atu tiangah American cozah lei nih hi kongah thawngpang fiang zeihmanh an chim rih lo. Asinain tutan ahcun American President Joe Biden nih Ukarain cungah Russia nih biatak tein a thazaang chuah aa timh taktak ahcun atu kan vawleipi hi aa thleng dih te lai tiah fiang tein a chim cang caah Ukarain le Russia karlak buainak kongah aa ngat cang tiah chim khawh a si. Credit: The Federal Times