Hi bantuk na chuahni sunglawi an phanhter tu Pathian min ka Thangthat!

Happy Birthday Ka nua te, ka du!
=========
Hmui, hi bantuk na chuahni sunglawi an phanhter tu Pathian min ka Thangthat. Nau na pawng teah rak rat in na ni sunglawi kan hman pi khawh lo caah ka ngaithiam mu. Nau hi bantuk na chuahni sunglawi ah hin na Uu nih na cah ah tuahkhawh mi le vawlei cung thilri in pek khawh mi kan ngei lo. Pathian tu nih na nunnak in kilveng in in zohkenh zungzal ko seh mu.

Hi bantuk a sunglawi mi nih ah hin; Bawipa nih thluachuahnak in pe in, in zohkhenh ko seh. Bawipa nih na cungah a hmai tlanter seh law, vel in ngeih ko seh. Bawipa nih mithmai ṭha in pe seh law, daihnak in pe ko seh. Bawipa nih na herhmi kha in pe seh law na timhmi vialte kha tlinter ko seh.

Zeizong vialte kha lungsau thinfual in na in khawh nakhnga, Bawipa nih thazang ṭhawnnak in pe ko seh. Kan hal khawh leng le kan ruah khawh lengin thil a tuah khotu Pathian nih lam in hruai ko seh.

Nau ka dawt na kumkhua ah Pathian nih kumdang pakhat an chap piak ban tuk in Amah na dawtnak a thanchin ii na dawtchin lengmang nak hnga Pathian nih na nunnak lam in hruai ko seh. Nihin ni in kar na hlan hnga ding mi lam thluan ah Bawipa nih in um pi zungzal ko seh.

Bawipa nih thluachuahnak in pe seh law, chungkhar, Khrihfabu, ramle miphun le Vawlei pi caah thluachauhnak a phor kho tu fanu na si kawhnak hnga in bawm ko seh. Tuni a chuahni zong ah khawnden nak le ngaihchaitnak phunza kip in Pathian nih in kilveng hram seh law Amah ah lawmte in caan na hman khawh nak hnga lam in hruai ko seh.

Nau ka dawt Nu saltha ram le miphun na dawt ruang ah na thim mi sining chungah Upatnak sang bik kan pek. Hmui Pathian rak i bochan zungzal mu. Him tein rak um mu, rak zaw hlah mu, rak i khawng hlah mu. Na lung dong hlah mu, Pathian nih teinak a kan pek hrimhrim lai…(Nan ca thlacam kan dai lo mu)

Kan i ton than hlan tiang Pathian nih him tein in kil veng ko seh mu. Happy Birthday Nau! Hi vawlei cungah keimah nau ding in na rak chuah caah kalawm tuk mu. Love you, Ka ca daw tu ee. Fidy Sung Iang Len.

USA Ah Chin Miphun Minung 20,000 Nih Ngunkhuai Kan Pek Hi $250 Millions A Si! USA ah Chin miphun a tlawmbik 20,000 nih rian kan ttuan. Cozah sin ah kumkhat ah Ngunkhawi (Tax) kan pek mi hi $250 Millions a si. Kan lai hri tan nak Chinram chinchin caah cun thlakhat ah $100 ($24 Millions) tal cu pee ve hna uh sih.

US Cozah sin ah Tax kan pek bantuk in CHIN cozah dir kho seh law Tax kan pek ter uhlaw tha hna. Laimi CHIN mi Cozah dir loin kan vaivuannak sak tuk cang. Chin mi Cozah a dir ve khawhnak ding cun pei thlakhat 100 te cu an khawlh langmang fawn cu rak i zuam ko u law ram thumnak um pawl mah le um nak ciao in kan I zuam ciao ko hna hi.

CNF/A kan ta le ral ram ah an nun him seh ti na duh ah cun na chawva rak ui hlah kan hriam nam a that lo tuk ruang ah kan pu le pawl a cheu cu an nun nak a liam i a cheu cu hliam hma an tong zei tluk lung fak dah si kan hriam nam a that lo bu tein ral ram ah ral he an i ton ah an mei thal a puah khawh lo caan a tam tuk. Ram chung ram leng um mi kan uu nau na kut rak samh ve a lak si hrim lai lo na chawva nih an ta le nun a him ter khawh ti kha rak philh hlah.

Zei maw caan ah cun kan duh mi a si lem lo nain, a peng a tlang in ti phun ah hin practical ah kan rak phur deuh, kan ni biatak deuh. Tutan ralkap 20,000 kan ngeih mi hi a peng a tlang in rak si hlah seh law fiang tuk in mah zat hi kan si kho lai lo ti a fiang ngai. RakP tam ngeih khawh pauh a ttha. Cun ramleng in a let tampi phaisa a chuak deuh. Kan tthawn deuh nak lam pauh hi kawl kan hau ko tinak mu..Na siaherh nak na vun langh ti kan ni lawm.

Panglong hnathlaknak kan i tlaih rih ko: KIO Vice-Chairman. Kachin miphun hriamtlai phu Kachin Independence Organization (KIO) in Vice Chairman nih Panglong hnatlaknak (Panglong Agreement 1947) kan i tlaih ko riah tiah a chim.

Ramkomh Kawlram zalonnak ngah khawhnak ding ah, Tlangcung miphun le Kawi miphun aiawh in General Aung San telh in tuahmi tonpumhnak ah Tlangcung miphun hna nih 1947 ah rak tuahmi Panglong hnatlaknak kha kan cohlan rih ko tiah KIO Vice- Chairman Gam Shawng nih tlangcung miphun hna aiawh in 2022 February 12 ah kum 75 camtuak ah, NUG hruainak in tuahmi Panglong hnatlaknak ni sunglawi ah a chim.

Cozah nih chan khat hnu chan khat Panglong hnatlaknak cu an duh poah in an mernak zong a chim chih. 2008 phunghrampi kha i tlaih in Federal ramkomh sernak ding nawl cu ram i ṭhencheunak a si tiah an rak i khamh. General Aung San nih ramkulh (State) covo, miphun ngan nih hip lonak le State i ṭhen khawhnak biakamnak a kan ngeihmi cu tlangcung miphun hna nih a tutiang kan i tlaih rih ko tiah a chim fawn.

National Unity Government (NUG) a cozah le National Unity Consultative Council (NUCC) nih 2008 phunghram cu a rawk cang tiah a thanh caah Federal lampi cu a hungong cang tiah a chim. NUCC zong nih Panglong hnatlaknak a buar ruang, a luancia caan vialte chung rak hremnak ruang le, thleidannak ruang ah tlangcungmi vialte kan ngaithiam uh tiah cathanh a chuah.

Pu Zing Cung: “Hramhram Ralkap Uknak Ahram in Bongh le Federal Democracy caah Mizapi Dohthlennak A Si Philh Hlah Usih” 2022 January 27 ah tuahmi NUCC Mipi Tonnak (People Assembly) ah Chin National Front (CNF) Chairman Pu Zing Cung nih biachimnak a ngeih mi chung in a tlaknak in kan hun lakmi a si.

Dawtmi Hruaitu upa le Tlangcung miphun vialte hna, National Unity Consultative Council (NUCC) hruainak in tuahmi People Assembly ah Interm Chin National Consultative Council (ICNCC) aiawh in biachimnak caanṭha ka hmuh caah ka lawm tuk hringhran.

Tulio caan hi luatnak (zalonnak) le dinfelnak a duhmi mizapi vialte hna kan caah tuanbia ṭial tlak ni a si. 2021 February 1 thok in Kawl ralkap cu mitam deuh duhnak kalh in hramhram uknak a lak kum khat a tling deng cang. Ralkap nih hramhram in mi tlaih-thah, tlaihhrem, mipi thilri chuh le biaknak lei inn pawl kha tinhmi ngei tein a hrawh len caah ram pumpi ning in harnak kan tuar.

Sihmanhsehlaw, Kawlram pumpi lungrual tein kan dohnak zong kum khat a tling ve cang lai. A nemnak tein duhlo-langhternak in kan thok ko nain Kawl ralkap i a sual tukmi a tuahsernak ruang ah a tu ahcun ram pumpi huap in hriam kan tlaih caan tiang a phan cang.

Kan nih Chin miphun hna zong nih Chinram le Chin miphun hna aiawh in mah tein khuakhan lairelnak le a tlukruang mi Federal Ramkomh (pi) serkhawhnak i ruahchan in ICNCC hi kan rak dirh.

A tu bantuk caan tiang kan dothlennak (pi) a kal khawhnak hnga riantuan duhlo in a nuarmi Civil Disobedience Movement (CDM) a tuahmi vialte, nu le pa vialte hna, Generation Z pawl, hriamtlai phu pawl, tlangcung hriamtlai pawl, ramkhel lei palai pawl, mipi cawlcangnak phu pawl le ram caah a nunnak pe in ral a tu mi hna le a lam kip dirkamh in temhnak a ing mi nu le pa vialte nan cung ah CNF chairman min in upatnak kan pek hna.

Hramhram uknak hrawh cikcek le Federal Ramkomh pi serkhawhnak caah ramkhel, Chawleh, pawngkam humhminnak hramhram uknak hrawhnak he aa pehtlai mi zulhphung le tuaktannak, i thlennak (အသွင်ကူးပြောင်းရေး) he aa pehtlai mi biaruahnak pawl vialte a tu People Conference thok in rianṭuan ṭi ding in ruahchannak ka ngei. Mah Conference dih cun mipi pawl nih an i ruahchan mi a phichuak ṭha le hmailei Federal rampi ser khawhnak lam a chuahpi lai tiah zumhnak ka ngeih caah a rak chuak khomi upa pawl vialte le aiawhtu nan thinlung, ruahnak, thazang dihlak in rianṭuan ṭi ding in kan sawm hna.

Nihin caan i kan tuahmi dothlennak hi hramhram uknak a rawh cikcek i Federal rampi sernak ding caah mipi hruaimi dothlennak a si kha philh hna hlah u sih.

Kanmah CNF le ICNCC zong mipi duhnak he aa tlak in hramhram uknak hrawh cikcek ding biakamnak he kan doh. Hi dothlennak a ṭhawn khawh chinchin nak hnga mipi hna zong nih kanmah le kan si khawhnak lam cio in i teltum ding ah kan sawm ṭhan rih hna. Credit: The Chinland Post