Hakha Le Falam Kar Ah Kahdohnak A Chuak Taktak Cang!

Falam Le Hakha Kar Ah Kahdohnak A Chuah Caah Khua Mi An Zaam Hna!
==========
Chin ramkulh Falam khua lonh Thlanrawn khua pawng ah nihin Nohawng 28 zinglei suimilam 11:00am hrawng ah ralhrang le Chin mizapi ralkap kar ah kahdohnak a chuak.

Kalay in Chin ramkulh lei ah a rak kai mi ralhrang motor 20 cu Nohawng 26 ah Falam ah an riak, Kalay-Falam lampi ah CDM Siyin le CNDF nih voihnih bomb in an puah mi hna an si. Nizaan Nohawng 27 zinglei ah Falam in Hakha lei ah an i thawh i, Falam khua Lungpi veng ah hriamngan le hriamhme kahthlorh in an kah hnu ah Lungrang Biakinn ah zaan an riak.

Khuami pakhat nih ” ralhrang hna cu Lungrang Baptist Biakinn ah an riak, zalam cung i a ummi inn an baoh, dawr an baoh, thilri an fir, tuzing ah ralhrang hna cu an ke in Thlanrawm lei ah an kal, motor cu duhsah huamsam in a kal” tiah a chim.

Ralhrang hi thazaang 200 hrawng an si, a tu ah Falam-Hakha lampi cung ah a ummi khua, Lungpi veng, Thlanrawn, aal, Tlangzar, Ramthlo, khua mizapi hna cu a himnak hmun ah an i dor hna.

Kanpalet Peng Chung Kahdohnak Ah SAC Ralhrang (2) An Thih Pinah A Dang (3) Nih Faktukin Hliam An Tuar! Chin ramkulh Kanpalet peng chungah SAC ralhrang ralkap le CDF-Kanpalet karlak ah Febuary 27 ah kahdohnak a chuak i, SAC ralhrang ralkap (2) an thih pinah a dang (3) nih fak taktakin hliam an tuar tiah CDF-Kanpalet nih cathanh an chuah.

Maw Chaung khua le Ma Sa Tui khua karlak ah an i kahdohmi a si i, CDF-Kanpalet leikap ah hliam tuartu umloin kan i zukphiak kho tiah cathanh an chuah. SAC ralhrang ralkap hna cu Ma Sa Tui khua ah zaan an riak kho men caah khuami nulepa hna nih Cin Dui le Laung Syi lampi in tlungkal lo dingin kan in nawl hna.

Kahdohnak hi pehzulh in a chuak kho rih caah a herh loin kahdohnak thawngpang hna hi social media ah post lo dingin kan in nawl hna tiah CDF-Kanpalet nih cathanh an chuah hi a si.

Shewbu Peng Chung Na Ma Sa Yit (နှမစားရစ်) Khua Kahdohnak Ah Nunnak A Liamtu PDF Ruak (15) Cu Mei Hmangin Ruak An Vui! Sagaing ramthen Shewbu peng chung Na Ma Sa Yit khua kahdohnak ah nunnak a liamtu pasaltha PDF ruak (15) hna cu mei hmangin ruak vuinak kan ngei tiah Snake Eyes PDF nih cathanh an chuah.

SAC ralhrang ralkap i kharkhum a tongtu PDF ruak pawl cu Febuary 27 lawngah kan laak khawh hna i, hmun rem pakhat ah tha tein mei hmangin ruak vuinak kan tuah tiah cathanh an chuahmi ahcun an langhter. Na Ma Sa Yit khua le Yi Phyu Kung khua cu SAC ralhrang ralkap nih Febuary 25 ah khan hriamngan lawngte hmangin kahdohnak a tuah hnuah khua chungah luhhnawh hratin khuami (6) an thah pinah khua cu a ning piin mei an khangh.

Cucaah PDF fonhmi phu nih cuka khua hnih i mipi hna cu bawmh dingah an kalnak ah SAC ralhrang ralkap he Yi Phyu Kung khua luhnak ah hmaiton bakin an i hmuh caah fak taktakin kahdohnak a chuak tiah an langhter. Kahdohnak ahcun SAC ralhrang ralkap nih cawl loin hriamngan lawngte hmangin an kan kah, meithal zongin cawl loin an kan kah ruangah hriamnam aa thlau tuk caah Paung Chaing ပကဖ phu ah PDF (15) bak an nunnak a liam tiah an langhter.