Hakha Khuapi Nih Sa Zuarnak Chap Kan Herh!
HAKHA NIH SA ZUARNAK CHAP KAN HERH
==========
Hakha khua cu PATHIAN zaangfahnak in sabuti zuar an tam ngaingai. Sabuti zuar nih zingfa tein sa an cawk lengmang hna tikah, sa zuartu hna zong nih hawi hleiin an (Papek) ruahpiak hna i sabuti zuar nih an i cawk dih hlan cu an chuahhlan i zingka te i kan kal zongah sabuti zuar an pek dih hna kha hngah ta an hau! Cupin ah sachung ril kha zapi nih tinco khawh a si ve ti lo.
Hakha khua ahhin, sabuti zuar hi dawr khat hnih lawng an si hna lo, an tam ngaingai hna! Cucaah, sabuti zuar nih an cawk ve lonak sa market chap hrimhrim kan herh. Khua upa nih nan kan ruahpiak hrimhrim a herhmi a si. Zapi aiawhin.
TUCHAN CHIN MINO; Kha hlan Chin Upa hna nihcun, anmah nun khawhnak cain rian an țuan caah, Thli nih a chem hnanak lei paoh an hawih tawn! Cucaah Ram le Miphun a deuhtu, mizeirua lo ah an i chuah! Tuchan kan Mino hna tu cu, Ram le Miphun caah tiin, Thli țhalo cu an nunnak pek in an doh! Cucaah, Ram le Miphun a sersiamtu, Pa țha le Nu țha ah an i chuah cuahmah hna! Maw, BAWIPA kan Din ter law kan Thian ter ko.
CHINRAM CHUNGAH MI DEUHTU; Mi deuhtu timi cu zumhtlak le bochan tlak ding a si ko nain zumhtlak le bochan tlak a si lomi khi, mi deuhtu cu an si. 1. Khuaihliti cu ka duh tuk nain, Hakha i an zuarmi khuaihliti cu ka zum kho bak lo! A deu an zuar tuk caah!
2. Hakha market sa cu ka cawk lengmang nain, sacuai tahtu cu zumh khawh an si lo. An kutpi in cuai kha an nam lengmang caah! 3. Miphun dang hi ka hua hna lo nain, Laitlang le Hakha hrawng, thil zuarin a vak mi miphun dang cu ka zum kho hna lo. Zeicahtiah, mingia thlai le mițhalo an tam caah!
4. 2010 in 2020 hrawng political party hruaitu hna cu mifim cathiam an tam nain, zumh an har ngaingai hna. Zeicahtiah Ram le Miphun dawtu an si lo. 5. 2010 in 2020 hrawng i Chin MP a tam u cu kan bochan tuk hna nain, hmailei ca ahcun ka zum hrimhrim hna lo. Zeicahtiah, ram le Miphun an daw lo!
6. Chinram chung i upa tampi hi an za tuk hna nain, ka bochan kho hna lo. Zeicahtiah kum 64 leng, uknak țhalo nih an thluak a țawl cangmi an tam caah an hmuh ning a dik kho ti lo. 7. Chinmi cathiam mifim tampi cu an fimthiam nain, huat an tlai tuk! Zeicahtiah, an lungput a kawi caah, pengtlang miphun an kan dan ter dih!
8. Chinram pastor a tam u hi an degree a sang nain, kaa bochan kho hna lo. Zeicahtiah PATHIAN an duh in an țih lo hlei ah, pawcawmnak ca i pastor rianțuan an tam caah an dingfel lo. 9. Chinmi PATHIAN rianțuan kan tam cu a tha tuk nain, kan Miphun Thluachuah hmuh ding a phittu kan si! Zeicahtiah tangka duhnak nih a teimi kan tam caah!
10. Chinram ah khrihfabu ngan pipi kan um cu a țha tuk nain, Miphun Thluachuahnak an si hna lo. Zeicahtiah a thei a tlai lomi theipi kung bantuk an tam caah! Maw, BAWIPA, na thimmi Miphun hi kan dinter law kan thianter ko sawh.
RAL DOHNAK KONG I DEBORAH LE BARAK HLA, BIACEIHTU 5:16-23. Biaceihtu, Dal nganak hi Profetnu Deborah le Barak hla a si i Israel nih ral a tuk tikah ral a do mi hna thangțhatnak le ral a do duh lomi hna chiatserhnak kha an si. Hihi tu lio kan miphun caah i zohchunh ding kan si ve.
5:16 Zeicahdah Tuurun hna ca i thonglawi tummi hei ngaih awk ko ah cun, Tuurun hna lakah cun na um peng ko? Reuben phun hna lakah cun, lungthin i hriahdah lennak kha a um. 5:17 Gilead cu Jordan ralchanh ah a um; cun Dan zong zeicaahdah sangphawlawng hna sinah cun a um ko hnga? Asher cu rili kamah cun a țhu sawhsawh ko i, a tilawng dinhnak pawngah cun umhmun a khuar.
5:18 Zebulun hi an nunnak hmanh thih tiangin, raltuknak ah zei ah a rel lomi an si, Naftali zong hi lo chung i a sannak hmun ah a nunnak zei a rel lomi a si ve. 5:19 Siangpahrang an ra, an rak doh hna; khi tikah Taanak ah, Megiddo ti pawngah, Kanaan siangpahrang cu an doh hna; Ngun hranchaw zeihmanh an hmu lo.
5:23 “Meroz cu chiat serh tuah, tiah BAWIPA vancungmi nih a ti, a chungah a ummi hna cu fak piin chiat serh tuah hna, zeicahtiah BAWIPA bawmh awkah an ra lo. Israel nih, an miphun hrawh a tiimtu hna, an miphun ral an doh lio i raldoh duh loin, a rak um men mi hna kha, “BAWIPA bawmh an duh lo caah chiat serh hna,” tiah, BAWIPA vancungmi nih a ti. PATHIAN Lamkaltu, Tluang Lian (Martar)