Hakha Cawbuk gate hmanh cu tluk in an check ton lo mi kha, tucu Phone tiang felfai tuk in an check cang!

Hakha Cawbuk gate hmanh cu tluk in an check ton lo mi kha, tucu Phone tiang felfai tuk in an check cang!
=========
Tucu ralhrang nih khualtlawng chawklet pawl ahlei in an check chin lengmang caah na phone thianhhlimh ta aherh,cu aherhmi hna cu atanglei ah vun rel te, na thiam lole athiam mi hal hna.

Tu lio hrawng hi Hakha Cawbuk gate hmanh cu tluk in an check ton lo mi kha, tucu Phone tiang felfai tuk in an check cang, cu ruang ah na phone chung Hmanthlak pawl gallery kha na delete hnu in Zapya le VPN hi uninstall (hnawt) chih hrimhrim ding asi.

A ruang cu Kawlram phone cu Zapya hi phone kip nih an ngeih i, Uico pawl nih an phone in kan phone pawl Zapya he an join, pehtlaih ter tikah kan delete,hnawh dih cia cang ko mi hmanthlak le video pawl tiang an hmuh khawh dih tthan.

Trash clear tuah zongah Zapya ah a Lang thiamthiam hihi mi tam ngai nih kan theih khawh lo mi asi. Kawlram phone cu Zapya he aa pehtlai dihmi si caah Zapya kha uninstall,na tuah hau tinak si.

Kalaymyo airport ah Covid khamhnak sii 30,000 leng a phan. Sagaing ramṭhen, Kalaymyo airport ah Covid-19 khamhnak sii 30,000 leng telh in ngandamnak lei bawmtu thilrii pawl cu ralkap vanlawng in an rak phorh tiah Chin World thawngzamh nih a langhter.

Covid-19 khamhnak sii pawl cu Sagaing ramṭhen chungah a ummi Tamu, Phaungpin, Kalaywa, Mawleik, Mingin khua pawl leng ah Chin ramkulh Hakha, Tedim le Tonzang khua hna ah mawṭaw in kuat chin a si lai tiah a langhter.

Kalay khua ah Covid-19 khamhnak sii aa chun rih lomi cu City Hall (Myo-daw-Khaan-Mah) le Township Collective Office (Suh-Pawng-Zung) ah April 6 in thla dih tiang chunh khawh a si lai tiah Chin World thawngzamh sin in kan theih.

Kalaymyo pa kum 50 hrawng simi cu, Ralhrang nih nihin ah alu ah thi lak in an kah tiah theih asi.Mah pa hi saikel in mi phorh tuahmi a khal(mawng) mi asi. Nihin zingah Kalay University le Khaikam karah puak keh thawng atam ngai, ralhrang le mipi ralkap an i kap ko tiah cuka pawng um pakhat nih an ti.

Kalay khua chungah kahdohnak a chuak, mipi pakhat a thi. Kalaymyo, Kyotungpin sang, Bogyoke lam pawngah Chanmaeaungsi sang in tricycle a mawngmi U Nyan Htun cu meithal hma in a rak thih kha April 7 zinglei ah hmuh a si.
Tuzing sml 7:00am hrawngah Kalay University lei ah kahdohnak a chuak i khua chungah a rak ṭummi SAC ralkap mawṭaw kha mipi hriamtlai phu nih bom in an puah hnawh i meithal thawng a thang tiah khuami hna nih Zalen ah an chim.

Meithal thawng a daih in sangmi hna nih lam pawng tivahor ah a thlami U Nyan Htun cu meithal hma he a thih kha an hmuh. A ruak cu Tahan ZYA mipi bawmtu phu nih an inn ah an kalpi. Cu kahdohnak ah, SAC ralkap pakhat hliamhma a tuar i siizung ah an kalpi tiah Zalen nih a langhter. Credit: Salai William HC, The Chinland Post