Hakha ah Ralhrang nih an tleih mi hna kan nau le pahnih kong ah fianhternak

Hakha ah Ralhrang nih an tleih mi hna kan nau le pahnih kong ah fianhternak
=========
Hakha: 10 February, 2022 chun suimilam 1:00 PM ( Kawlram caan) ah ralhrang nih lunghring in an tleih mi hna ka nau le pahnih an min: Salai Cyrus Ngun Mang le Mai Myat Mon Tin kongah Media tampi nih a dik lo tuk mi thil ningcang tein khel thlai ta lo tuk in ca nan tial mi kongah keimah pumpak in nan catial mi vialte nan remh or Delete than cio nak lai a hmasa bik ah kan nawl duh hna.

Salai Cyrus Ngun Mang le Mai Myat Mon Tin hna hi tha tein keimah nih ka theih mi hna an si. Ka chungkhat (Ka fale) tluk in ka dawtmi hna an si. Hi hna pahnih kongah Kawl News nih CNF/A an si tiah an tial. Cucu, Lai Media tampi zong nih nan rak copy cio ve tikah kan nau/Fale pahnih caah tihnung ngai a si.

Salai Cyrus Ngun Mang le Mai Myat Mon Tin hna hi CNF/A minung an si hrimhrim lo. Kan khua (Aibur) ah hngakchia ca chim tu veve an si. Ralhrang nih CNF/A uniform he hmanthlak kan hmuh an timi hi an mah lei in cun bia lak nak or ( Case) siamnak teh-te caah an chim ko lai, nain kan nau le pahnih hna hi CNF/A minung an si hrimhrim lo. Cu ruangah Kawlca in an tial mi thawngpang hi a dik lo mi thil a si.

Mipi sin le Websites in catialtu nan zapi te sinah nawl le sawm kan duh mi hna cu; Kan nau le pahnih hi CNF/A or CDF minung an si hrimhrim lo timi hi tuzan thok in rak kan chim pi cio ko uh. CNF/A minung or ralkap an si tiah nan post cio mi ca vialte zong zaangfah tein (Delete) nan kan tuah piak than cio nak lai kan nawl le sawm duh fawn hna.

Salai Cyrus le Mai Myat Mon Tin hna hi khua mi nih kan bochan ngai mi hna an si. Mi fel an si. Ralkhel ah an lung a lut lo. Khua caah a herh ning tein khua mi nu le pa nih rian an fial mi hna le kan bochan mi hna an si. Tutan Kawlram buainak ah lungthin thianh tein an mah um tein kan khua ah tha tein khua asa zungzal mi an si.

Note: Tutan kan nau le pahnih kong ka tialmi hi laica in a si. A rua hlan ah Kawlca le Mirang zong in CNF/A or CDF minung an si lo nak kong tial kho kan i zuam than hna lai. Dawttu lai hritlai ule nau vialte hna tutan ralhrang nih minung an i palh sual i, an tleih mi hna kan nau le pahnih kongah CNF/A or CDF minung an si lo nak kong ka tialmi hi aho cio paoh nih a dik mi a si tiah nan kan dirh pi cio nak lai kan nawl le sawm duh ko hna. Credit: Salai Bawi Hlei Hu

Chin ramkulh ah Thantlang, Kanpetlet le Rezua nih an khuapi an chuahtak! Ralkap nawlngeihnak hramhram in an lak hnu in duhlonak a phunphun in langhter hnu ah hriamtlaih in dohdalnak tiang a phan i, kum khat a rauh hnu ah Chin ramkulh chung ah peng khuapi (Myone) pahnih le khuapi (myo) pakhat in mizapi nih an khuapi an chuahtak cang tiah theih a si.

Chin Human Rights Organization (CHRO) nih February 8 ah thanhnak a tuahmi ah Chin miphun 30,000 tluk hi Mizoram ah ralzam dirhmun in a phanmi an si tiah Mizoram cozah cherhchan in a langhter. Cun, nihin tiang ah a tlawm bik khuapi 3 cu khuami an zapi nawn asiloah zapi ti awk in an chuahtak tiah CHRO nih cun a thanh chih.

Hiti khuami nih an khua chuahtak in an zaamnak hmunhma le khuaram ah nunnak a liammi zong an hun tam ngai cang tiah theih a si. CHRO nih February 10 thanhnak a tuah ning ah, a hnu bik Mizoram ah nunnak a liammi hi kum 89 a upa cangmi nu a si. Mizoram a phanhnak zarhthum lawng a si rih tiah theih a si.

Zophei Tlang ah Sianginn an On, CMD Saya/Sayamate nih Ca an Chimh Hna. Thantlang peng Zophei Tlang ah CDF-Zophei tlangtlaknak in sianginn pawl an on hna i, CDM a tuahmi saya/sayamte nih cachimg hram an thawk cang hna, tiah thawng kan theih.

Hi cacawnnak hi thla 6 chung (February-July 2022) tuah hmasa ding in timhtuah a si i, zinglei sml. 8:30 in zaanlei sml. 1:30 tiang, zarh khat ah ni 4 (Mon-Thu) sianginn kai ding in timh a si. Sianginn ah cawn dingmi Subject ah ahlan Myanmar Textbook pawl hman a si ko nain History (သမိုင်း) le Kawlca (မြန်မာစာ) tu cu hlawt an si.

Kawlram chung ah a ummi kan si bang in Kawlholh thiam nakhnga Burmese Speaking/Writing cu a dang tein cawn tthiamtthiam ding in an timhtuah. Sianginn cachimtu saya/sayamate hi thlahlawh 130,000 MMK an pek hna, tiah thawng kan theih.

SAC Sawmmi Remdaih Biaruahnak ah CNF Kai Tim Lo. SAC sawmmi Myanmar ram remdaihnak kong ton biaruahnak ah kan kai lai lo, tiah CNF chimnak nawlngei Salai Htet Ni nih Khit Thit Media biahalnak ah a chim. “Atulio kan ram sining zoh tik ah dohthlennak tuah cuahmah lio a si bantuk in mipi lei ah kan ttan ko a si ahcun SAC nih a tuahmi ramkhel biaruahnak le cawlcanghnak pawl ah kan i teltum awk a si lo.

Sawm zong ah kal awk a si lo. 2008 Phunghrampi a cohlangmi cu a kai zong an kai ko lai. Asinain, kannih cu 2008 Phunghrampi a cohlangmi kan si lo. Uknak an chuh hnu in SAC he biaruahnak ngeih kan i tim lo. Kan kai lai lo,” tiah Salai Htet Ni nih a chim. Chinland Joint Defense Committee (CJDC) chungtel ralkap bu hna he lungkhat-thinkhat tein pehzul in ral kan do lai, tiah a chim chap.

“A pikpak in raldoh loin hmun khatte ah kan ral kan doh tti khawh nakhnga CJDC kan dirh cang. CJDC tlangtlaknak in hmun kip ah ralkap thazaang kan chap lai i, pehzul in ral kan do lai. Nihin ni caan hi raldohnak lei ah lungkhat tein kan um tti caan a si. Thih ah thih tti, nun ah nun tti timi lungput he pehzul in kan ral kan do lai,” tiah a chim.

Nizaan nai February 6 ah SAC nih Tlangcungmi hriamtlai pawl he biaruahnak ngeih ding in sawmnak ca a rak chuah.
KNU, AA, TNLA le MNDAA hruaitu hna zong nih SAC sawmmi remdaih biaruahnak ah kan kai lai lo, tiah a chim cio. Credit: The Chin Journal

NUG Ah I Fonh Dih Lawngah MAH Tei khawh asilai Timi Tulawngah Asiahcun Dohthlennak Caan Asau Lai Tinak Asi. Dr. Sa Sa Chimhmi kha rak ngai uhlaw, a hnu nanrak zulh ahcun, NUG ah pumkhat kansi diam cang I Tuhrawng ahcun Ralhrang Rallokap cu Tei cikcek ansi cang lai I Mipi sinah uknak a phan cang hnga.

Tlangcungmi le an Ralkapbu nih kan zumh hna seh, NUG ah pumkhat si uhsih timi saduhthah he Dr. Sa Sa hi an thimh hlei mi asi ti usihlaw kan palh lailo. Dr. Sa Sa bia kha rak zumh uhlaw, Federal Army zong aum diam cang hnga. CJDC nih, CDFs chung in, Minung 10 cio thimh in kawlrawm lei kuat hnu ah Federal Army dirh zong aum lailo. Federal Army hna Tindan an kai lai, an I lim lai, hriamnam pekin Rallokap hung namh ding zong khi, hmakhat te ah, atu bak ah asi khawh mi asilo caah, Dohthlennak can asau deuh nak cu asi cu mu.

Tlangcung hriamtlai ah a thawngbikmi KIO cu an lung pem cang. Chinmi a lung pem lomi kan um rih lai dah. ZRA ko hi khuaruahar. NUG he siloin MAH tu a kawmh. Tuak cio ko uh. Chinram le Chin Miphun ah, ZRA bantukin si aduhmi hriamtlaiphu kan um rih ahcun, na nu paw chungin a ti in Rak zut law law uhlaw atha deuh phun nansi ko. Lungfak tuk ah bia atha pahlo. Ka ngaithiam hram uh.

KIO/KIA nih NUG ah aa fonh ahcun AA, TNLA, MNDAA zong aafonh lai tinak asi. UWSA hmanh aa fonh ko. Thawngtha ngai asiko. Shan Ralkap tu cu Rallokap minung silan dawh asi ve. CNF/CNA, CDF lawng hi NUG he aa fonh ti zong Chinmi nih hngalh a herh ngai ngai I CNF thangchiat cu chimlo, vawlei ah voi 70 kunin biak ding tu khi ansi deuh.

Tlangcungmi cu NUG he I fonh lo zong ah, tam deuh nih MAH kan doh hna, tampi nunnak a liam ve. Kawl miphun cu NUG he an I fonh ko nain, biatak tein MAH an doh ve lo. Kaya, Chin, Karen, Kachin lawng an kan rinh. Chinram he ramri asimi Sakai le Makui ramthem lawng nih MAH biatak tein an doh ve. Hi nih hin Dohthlennak asau ter khun.

Dohthlennak can cu asau rih lai, mipi kan ba tuk rih lai Nunnak zeimawzat a liam rih lai, Urkangh mi khua le khuarawp an um len rih lai, tirawl eidin harsat can asau rih lai, Lungrawn khua khirh can a nai rihlo, ramdang um chinmi tampi thawh aherh rih lai, Teitu sican hi Zubui Mei can asi hrim lo, can sau rih lai caah, zeilei poah ah timhcia tein um zungzal a herh ve hnga. Credit: Joseph R. Thang