SAC Helicopter A Tla, A Mawngtu Telh In Pahnih An Thi
====================
SAC H120 Helicopter pakhat cu June 15, nihin zinglei ah raldoh an cawn lioah a tla i a mawngtu Bo-hmu Min Thu Aung le raldoh a chimhmi nu ralbawi cu an thi tiah BBC nih a tial. A tlaknak hi Naypyidaw khuapi pawng Lay-Wei peng ah a si i Naypyidaw in Meikthila lei an zuan lioah a tlami a si. A mawngtu le a hawipa ruak cu a naihnak bik siizung ah an kalpi hna tiah BBC nih a tial. Hmanthlak: SAC H120 Helicopter a tlaknak Hmun le a thi mi hna ruak.
https://www.facebook.com/photo/?fbid=634266862057773&set=pcb.634069888744137&__cft__[0]=AZVkqQ06glYuo1ABn0nW4vVZKlVbdB37Yp9TILlOcELx4o7J4xO4WLCW-8s3NN506CEMQx86KoI30XUh3sguuJbnA3_GP3TcVnaw_n0O2m1h4S3919rlWeNG_kh-PpN-8Gbh5-FJ4kyvaUtKvUAGsGm_aATWUFPCLoddcHbnyfYdo50r6WqnpqhlyIdZi4TkB7E&__tn__=*bH-R
Mon ram, Ye khua, Htimaybaw hlei pawng ah mawṭaw in a rak raa mi SAC ralkap pawl an kah hna i 2 an thi tiah thawng theih a si. June 14 zaanlei sml 5:45pm hrawng ah Ye peng lei in Mawlamyaing-Ye-Dawei lam lei ah mawṭaw 2 he a rak raa mi SAC ralkap pawl cu Hninsung khua le Sanpiah khua karlak, Htimaybaw hlei pawng ah KNLA B27, C3 nih an kah hna i mawṭaw a 2 ning in a tap i SAC ralkap 2 an thi, 3 hliam an tuar tiah theih a si.
A luancia June 10 ah Mawlamyaing-Dawei-Myeik No.8 lam a zul mi mawṭaw pawl SAC ralkap thilri le an minung pawl nan phorh a si ahcun dantat nan si lai tiah KNLA B27 nih cathanh an chuah. Bago ramṭhen, Paungde peng, Bago Yoma lei ah a rak lut mi SAC ralkap kahdohnak ah SAC ralkap 1 a thi tiah Paungde peng PDF sin in thawng theih a si.
June 12 zinglei sml 11:30am hrawng ah Paungde peng, Bago Yoma hram, Thitpyu tiva kam ah a rak lut mi SAC ralkap an kah hna i 1 a thi tiah theih a si. SAC ralkap lei nih hriamngan bawm in kahdohnak na rak tuah ve i kaltak cang mi sakhaan hlun 1 an khangh. Mipi hriamtlai pawl him tein an kir kho tiah theih a si. Kahdohnak chung ah Pyay pengkomh PDF a si mi Paungde peng PPDF B3601 le Pyay PDF B3602 hna an i bawm tiah theih a si.
Sagaing ramṭhen, Chaung U peng, Kanzi pyusawhtee khua cu PDF phufonh nih an kah hna i palek 2 an thi, pyusawhtee 12 a nung in an tlaih hna tiah Aung San Force nih an thanh. Kanzi khua June 14 zinglei sml 6:30am hrawng ah SAC kuttang palek le pyusawhtee pawl meeting an tuah lio ah PDF phu pawl nih an kah hna hi a si.
Meeting a tuah lio mi pawl himnak lakpiak ding in aa chawk mi palek pawl bomrap an puah hnawh hna i 2 an thih hnu ah meeting an tuahnak hmun ah an va kah ṭhan hna hi a si. Kahdohnak sml 1 chung ah pyusawhtee 12 an tlaih khawh hna i PDF phu lei him tein an kir kho tiah theih a si.