Good News: Ram 4 Nih Ukraine An Bawmh Cang!

Good News: Ram 4 Nih Ukraine An Bawmh Cang!
==========
Ahmual Afak Bikmi Hriamnam Cu Australia NihUkraine Abawmh Lai. Ralhrang lungput ngeih in Hramhram in Ukraine dohtu Russia asi caah, Russia ralkap le an thliril vialte a hrawk dih cikcek khawhtu, hriamnam vialte lakah ahmual a fak bik i apinh bikmi Hriamnam lawngte in Ukraine ka bawmh lai tiah PM Scott Morrison nih a ti. Sidney um Ukraine biakinn St. Andrews ah Zarhpi ni aa pumh lio ah News nih bia an hal i achimh mi asi.

Australia bawmhmi Hriamnam hmai ah hramhram in dohtu vialte cu luatnak lam aum ve ti lo. Mr. Scott Morrison nih Tuluk cu a mawtchiat len ve. Russia sipuazi phih awk ah Tuluk cu a hmur aacip. South China Rili ah Raltuknak nak hniksak nak a tuah mi hi mi ngiar asi, a tha lo ngai. Russia he Wheat timi Cungfacang sipuazi phih kha Tuluk nih a tuah deuh awk asi. Tuluk thil tuah mi hi remdaihnak caah asi kan ti khawh lo.

Russia ralkap nih Chunzan i dinh loin Ukraine khualipi vialte cu Missle timi dungci in an kah i tampi an hrawk cang. Kyiv Khualipi thlang um Vasylkiv Zinan chumnak Cetzungpi tampi zong Russia nih mei an khangh rih. An tuah mi hi mitha lo le ralhrang hrim hrim an si ko. Zan ah van cu ceunak thalo in akhat ko, Zan ah meikhu tawmpi kha minmei asilo. Online le Social meidia kip ah Russia nih Ukraine an hrawk mi cu hmuh dih asi caah, Hi bantuk hriam thatha hi kan bawmh mi hna a chan cu asi tiah Mr. Morrison nih ati.

American nih Dollar 350 million man Hriamnam Ukraine Akuat Cang. American President Joe Biden nih Ramdang Vuanci Blinken sin ah Dollar 350 million man Hriamnam cu Ukraine ah kuat zawk uh tiah February thla 15 ah khan ati cang.
Chanthar IT hriamnam thatha, Tanks, Jet Fighter i runvennak, Kutput IT Meithal le raldohnak ah hmangrual thilri relcawk lo cu Ukraine ah akuat cang.

Russian nih timh ciamman tein le planning tha tuk in Ukraine a kahnak hmual in khumzual khawhtu le Russia raltuknak thilril thatha vialte hmakhat teah ahrawk cikcek dih khotu IT chan hriamnam le thilri lawngte ansi. Russia ralkap he i thuat ding in hmaikal mi Ukraine ralkap hna caah abikin an kuat mi cu asi.

Putin nih tonbiaruahnak le PEACE a cohlan mi hi AMerican le NATO a tih hna caah asi deuh lai an ti cio. Cun a ruahning bangin thil akal lo i Ukraine tu nih tamdeuh an thah hna. An thilri tampi an hrawk hna. Ukraine nih ral a tei ti khawh asi. Paucan Dohthlennak sisehlaw kan tei cang Halleluijah Amen ati mi an tam tuk cang lai. Profet zong tampi an chuak hoi lai. Mang ka manh i ka mang bangin asi. Pathian nih a kachimh atitu an tlawm ve ti lai lo.

Belgium Nih Ukraine An Bawmh Ve Cang. Belgium PM Alexander D. Kros nih Ukraine cu Seh Meithal zun 2000 le Zinan Ton 3800 a bawmh ve. Rumania ah aum mi NATO Ralkap 300 zong Russia tuk cawlh ding in ready in an um ter dih cang hna. Russia va doh ve awk ah Ukraine lut ding in order lawng an hngak mi asi.

Poland he aa nai tukmi Belarus ah Russia nih Hriamnam tampi a chiah hna. V pungsan cafang in chinchiahnak an tuah dih tiah NATO nih an hngalh cang. Ukraine an lak hnu ah NATO ram hna adoh khawh mi asi tiah NATO ram hna an thin a phang i timhcia tein an um zungzal. Ahmasat bikah Germany le Poland hi Russia nih an doh hmasat lai tiah News le Social Media ah an tial ngai hna.

Russia nih Ukraine cu Belarus ah Dainak kong biaruah ding in a sawm ti asi. Ukraine nih Amen ati cang ti asi. Thawngpang a theih deuh mi nih rak kan fian ulaw atha tuk hnga.

Germany PM Olaf SCholz Nih Ukraine Cu Hriamnam Tampi Abawmh. Russia phih ding timi lawng siti loin Germeny nih Russia kong ah dirhmun a thlen. Russia Phaisa hmuhnakbik Bank le phaisa kuatnak SWIFT cu cawl khawh loin German nih atuah cang.

Russia nih Ukraine atuk mi cu Raldih hnu ah dirhmun le hmuhning vialte atlhen dih. Ral adoh cuahmah mi Hriamnam bawmh le zuar hi Germany nih a khap mi asi nain, Ukraine tu cu hriamnam bawmh ding ah an ti cang. Aza rih lo ah cun ka bawmh thluahmah rih lai a ti. WWII ah Germany a hrawktu bik cu Russia Stalin asi kha kaa theih than ngaingai.

Avoikhatnak bak ah Tank hrawktu hriamnam 1000, Vanlawng kahnak le Stinger Dungci phun 500, a kuat lai. Aphan cang ko lai tiah zumh asi. Tlawmpal ah tank kahnak Laungchia (Launcher) 400 a kuat chap te lai. Estonia nih Ukraine caaah Germany ah Dungci (acawk mi zong Germany nih a cohlan.

Tank (14) le Zina Ton 10000 zong Ukraine ah a kuat rih lai. Thawngpang dang. Ukraine Khualipi Kyiv ah fak pi an i khah cuahmah. Dungci nih mi an chahbiknak innlo an kah hna, Europe ram vialte nih Ukraine atuk tu Russia cu sual an phawt i sandah an piah hnawh. Ukraine dainak caah kaa zuam lai i ka bawmh hna lai tiah India PM Modi nih a ti ve. Ram innpa ah Ukraine Ralzam hi 150000 leng an si cang tiah UN Maha Minci nih a chim. Credit: Joseph R. Thang