Good News; Min Aung Hlaing kan mah nih maw kan i thah lai, nang mah tein dah!!

Bawi Hlun Pengsen A La Cang Mi Ohn Thuyn Le A Tupa An Thahnak Hna Kong Ah, Inya Urban Force Nih A Chim Mi!! (MAL Cu Kan Mah Nih Maw Kan I Thah Lai Nang Mah Tein Dah, Ti A Lo Cang Ko Hih)
===========================
SAC ralkap bawizik changtu DuhBochohhmukyi Soe Win A Saya Bochoh hlun Ong Lwin le atupa an thah hna, SAC ralkap bawizik changtu DuhBochohhmukyi Soe Win ai bochan cemmi a saya Bochoh hlun General Ohn Thuyn le atupa Boyki hlun Ye Tayza an thah hna tiah theih a si. Tuni September 24 ni, zaanlei suimilam 4:00 tluk ah Hlaingthayar peng anmah inn Lila ah atubantukin thah an ton hi a si tiah theih a si.

“Tuni kahthahnak kan tuahmi ahhin amah lawng thah ding kan ti ko nain atupa nih ral a kan ser caah kan thah ve lawlaw nak a si. A chungkhar dang an um ko nain zei kan ti hna lo” tiah mipi hriamtlaiphu nih an chim. Hi kahthahnak cu min langhter duh lo hriamtlaiphu pakhat le Inya Urban Force nih an tuahmi a si.

Cu pinah General Ohn Thuyn hi 2008 phunghrampi upadi chung lengin uknak laak hau loin uknak thing a sinak nak kong SoE Win sinah ca a rak kuat tu a si. Daw Aung San Suu Kyi zong mipi hmaiah a vorhpamh siktu a si . Kum 2021 hramhram in ukank lak hnu ah lamzawhnak ah aa tel mi mipi, mino pawl thahnawn le tlaih an ton paoh poah ah a Fb cahmai ah lomhnak bia a chim tu a si nak kong zong, Inya Urban Force nih an langhter.

Tuni zaanlei suimilam 4:00, Hlaing pengkulh ah a um mi a inn ah kan kah. A zapiin voi 5 kan kah hna. General Ohn Thuyn cu voi 3 kan kah i a tupa cu voi 2 kan kah. Ohn Thuyn cu a thi sual lai lo kan ti caah kuan khat kan peek chap. Ye Tayza hi Ohn Thuyn i a tupa a si, ti zongin an langhter.

Hi bantukin Yangon ah humhimnak (security) an chap lio ah a tubantuk in kan thah khawh mi hna hi a voikhatnak a si. SAC ralhrang ralbawi hlun pawl tampi an um a sinain SAC ralhrang ralkap i ruahchahnak a petu a si lo ah cun kan mah lei in zeihmanh tuahnak a um lo.

SAC ralhrang ralkap hna i ruahnaak pee tu (bomtu, aupitu) a si ah cun, zeitluk hmanh in security la ko hna hmanh seh, zeibnatuk rian an tliah i, zeitluk in an rian (rank) sang ko hmnahseh (MAL telin) kan mah lei nih thahnawm (hnawn) nak nawl kan ngei, kan mah sinah thahnawn khawh nak thazaang kan ngei, tiah Inya Urban Force nih an langhter.

Cu pinah Pengsen a la cang nain mipi cungah tasapurin a hrang tukmi thil tuah pawl tuah dingah thazaang a petu pawl, Hramhram in nawl lak dingin ruahnak thazaang a petu pawl, Sahrang thidop phu he i fonh in mah miak nak ca’h a tuah mi pawl, Dohthlennak a tuahtu pawl taksapur namnek dingah thazaang pekin a tuahter tu pawl kan i philh hrimhrim hna lai lo.

Mission dang zong pehzulh in colcanghnak kan ngei rih lai. Mipi lei nih nan si khawh tawk le nan ti thawh tawkin dohthlennak a thawnnak hnga dingah rak kan bomh hram ko uh, ti zong in an langhter.

Relchap, (SAC ralhrang a zaam mi hna lak ah minung 2 an kah thah hna, Maw Yah Waddy tiralkap camp in a zaam mi SAC ralhrang minung 12 lakah minung 2 cu an hmuh tthan hna i an kah thah colh hna. Asinain SAC ralhrang nih cun anmah le mah an i kap tiah thawng an zamh.

Kan hnung zarh Zing (September) 14 ni zaan ah Si lei ralbawi tel in SAC ralhrang minung 12 hna cu hriamnam he an zam. Cucaah SAC ralhrang nih cun heh tiah ramtang zong an an kal hna hnu ah Kan Pauk hmun hrawng i a um mi khua pakhat ah ai thup mi 2 hna cu an tlaih khawh tthan hna.

Tlaih a tong tthan mi ralkap zaam mi 2 hna cu camp ah an hruai hna i fak pi in an hrem hna, bia an hal hna hnu ah an thah hna tiah anmah ralkap chung in min langhter duh lo mi nih a chim. Hlan zong ahhin ralkap chung in an zaam i an tlaih khawh tthan hna caah an hrem hna i an kah thah mi hna an um bal cang tiah a chim chap.

Pathein Peng Ah Suiṭhi A Fir Hlei Ah Mi A Thattu Pa Cu Thihdan An Pek, Ayeyawaddy ramṭhen, Pathein peng ah pa pakhat nih pitar nu suiṭhi a firpiak pinah a thah caah Yezatatkyi(ရာဇသတ်ကြီး) section 392/320(1)(c) in biaceih zung nih thihdan an pek, tiah theih a si.

Aung Zaw Ye nih pitar nu Pi Htay Htay cu a luancia 2021 January 15 lioah a inn ah a luhhnawh i a suiṭhi a chuh pinah a thah beh caah biaceih zung nih Aung Zaw Ye cu kum khat le thla 9 a rauh hnuah thihdan an pek hi a si, tiah a chungkhar he aa naihniam mi pakhat nih a chim. SAC nih nawlngeihnak an lak hnu in Pathein khua chungah mi thilri chuh le thah nawnnak voi 3 a chuak cang, tiah tuakchung mi hna nih an chim.

Htilin Peng Kantha Khua Cu SAC Ralkap Nih An Khangh Caah Inn 11 A Ciam, Magway ramṭhen, Htilin peng Kantha(ကံသာ) khua cu SAC ralkap nih an khangh caah inn 11 a ciam, tiah tualchung mi hna sinin theih a si. SAC ralkap cu September 22 zaanlei ah Kantha khua ah rallam an sial i, nizaan September 23 zinglei ah an khangh. Khuami inn zong an bauh hna i, thilri a mansungmi zong an firpiak hna, tiah Yaw PDF ralkap pakhat nih a chim.

SAC ralkap nih Kantha khua an khangh dihin khuami hna cu PDF he pehtlaih lo dingin tlerhnak ca an ṭialhnawh hna, tiah YDF Brigadier Takhin Zaw nih a chim. Htilin peng ah SAC ralkap nih rallam an sial caah tualchung mi hna cu a himnak hmun ah an zam cio hna. Kahdohnak hi zeitik caan paoh ah a chuak khomi a si i, ralring tein um ding in Yaw PDF nih an thanh.

Kanpauk SAC Ti Ralkap Headquarters In Ralkap 12 An Hriamnam He An Zam, Tanintharyi ramṭhen, Dawei pengkomh Yephyo peng Kanpauk(ကံပေါက်) hmunram ah hram a bunhmi Mawyawaddy(မောရဝတီ) ti ralkap headquaters in ralkap siibawi captain le a kuttang ralkap 11 cu September 14 zaanlei ah khan an meithal he an zam, tiah ralkap chung mi nih an chim.

SAC ralkap 12 hna cu ralkap nih ni 10 chung an kawl cang hna nain an hmu hna lo, tiah theih a si. “A zammi ralkap hi 12 an si, cheukhat cu meithal he a zammi zong an um, cheukhat cu an meithal an chiah tak. Ralkap chungah ralbawi hna nih phihkhamnak le tlerhkhawnnak an tuahmi an celh lo caah ralkap chung um duh ti loin an zam hi a si,” tiah min langhter a duh lomi SAC ralkap chung a ummi pakhat nih a chim.

Cuti an zam caah a tangmi SAC ti ralkap hna cu ṭha tein an rengh hna i, chungkhar kip cu sml 2 dan ah voikhat lengmang in artlang in an dirter hna i mi an tlin le tlin lo an check hna, tiah a chim chap. Mawyawaddy SAC ti ralkap headquater in SAC ralkap 12 an zam ruangah Kanpauk khua lamtonnak, pawngkam khuate le khualtlawng mi hna cu nifatin in SAC ralkap nih checkhlatnak an tuah hna, tiah tualchung mi hna nih an chim. A luancia August 15 lio zong ah Kanpauk khua hrambunh SAC ke ralkap Khah Lah Yah 273 in ralkap 3 cu an meithal he an rak zam bal cang.

Matupi-Hakha Lam Kahdohnak Ah CDF- Matupi Nih SAC Ralkap 3 An Thah Hna, Chin ramkulh, Matupi khua ah hrambunhmi SAC ralkap Khah Lah Yah 140 Battalion cu Matupi-Hakha lam ah hmumhma thianhhlimhnak an tuah lioah CDF- Matupi nih, nihin September 24 zing sml 7:00 hrawng ah kan kah hna i, SAC ralkap 3 an thi, hliamhma pumi an tam, tiah CDF- Matupi nih cathanh an chuah. Cu kahdohnak ah CDF- Matupi leiin a thimi le aa hliammi an um lo. Kahdohnak a chuak kho ṭhanmi a si caah Matupi-Hakha lam cu a hohmanh nih zulh rih lo ding in CDF- Matupi nih an langhter.

KNU Brigade 5 Hmunram Ah Nikhat Chung Kahdohnak Voi 6 A Chuak, SAC Ralkap 4 An Thi, An Motor Pakhat A Rawk, KNU, Kawthu Lay(ကော်သူးလေ) hmunram Mutraw pengkomh Brigade 5 ah SAC ralkap le Kawthu Lay ralkap karah nizaan September 23 ah voi 6 tiang kahdohnak a chuak i, SAC ralkap 4 an thih ppinah motor pakhat a rawk, ralkap 2 hliamhma an pu, tiah Mutraw News nih cathanh an chuah.

Buthu peng ummi Nattaung SAC ralkap sakhan cu voihnih, Luthaw(လူသော) peng Wawdude(ဝါဒိုဒေး) ah voikhat, Trawmu ah voikhat, Wawtukhu khua pawng ah voikhat, Mewai sakhan pawng ah voikhat tiin Kawthu Lay Brigade 5 kuttang ralkap hna nih an kah, tiah theih a si.

September 22 lio zong ah Hpapon- Kamamaung(ဖာပွန်-ကမမောင်း) lam mengtung 40 pawng ah a cawlcangmi BGF Battalion 1013 phu nih Buthu peng Kyawpa(ကျောပါး) khuakomh De Niag Htar(ဒေးညားထာ) hmunram ah hriamngan 60mm lung 2 an kah, tiah KNU Brigade 5 nih cathanh an chuah.

Mindat Peng Ah SAC Ralkap Nih Vanlawng In Bomb An Thlak Caah Ralhrial Mi Hna An Umhmun An I Ṭhial, Chin ramkulh, Mindat pengah SAC ralkap nih September 20 zanlei sml 3:30 hrawngah ralhrial an umnak ah vanlawng in bomb an thlak, tiah CDF Mindat nih cathanh an chuah.

“Mindat peng ah ralhrial an umnak le khuate ah SAC ralkap nih Jet Fighter in timh ciammam tein bomb an thlak. Hliamhma pumi an um lo nain ralhrial mi hna cu an umnak hmun in kadang ah an i ṭhial. Khuate mi hna zong a himnak hmun ah an zam. Khuami hna cu khualtlawn zong an ngamh ti lo,” tiah Mindat khuami pakhat nih a chim.

SAC ralkap nih Jet Fighter hmangin Mindat peng Shisadu(ရှိဆာဒူး) khua le Phukhayu(ဖိုးခရိုး) khua karah khualtlawng mi an umkalnak lam ah bomb an thlak ko nain hliamhma pumi an um lo, tiah an langhter. SAC ralkap nih mizapi an umnak ah vanlawng hmang in bomb an thlakmi le thilman fawi tein an zuarmi duh lo langhternak caah CDF Mindat Comando ralkap nih operation 3 kan tuah, tiah CDF Mindat nih cathanh an rak chuah.

Mindat khua hrambunh Khah Lah Yah 274 nih hriamngan an kah caah Mindat peng khuate cheukhat ah hriamngan kuan a tla i, khuami inn le lo tampi a rawk, tiah tualchung mi hna nih an chim.

PDF Kalay Battalion 12 Nih Electric Mei Laknak An Serchuah, PDF Kalay Battalion 12 in mifim thiam hna nih tivate ti an lak i, eletric mei an serchuah, tiah theih a si. PDF Kalay Battalion 12 nih an serchuahmi electric mei tha hi watts 2000 hrawng a si i, an serchuahnak tangka zong tam an dih lo.

“Kan herhmi paoh mizapi sinin bawmh kan hal lengmang hna caah an hmai kan khap cawk ti hna lo. Atu bantukin ti hmang in kan sermi hi electric mei hmuh khawhnak caah a si,” tiah PDF Kalay Battalion 12 in ralkap pakhat nih a chim.

Zeiruangah Dah Myanmar Mipi Hna Hi Ukraine Bantukin Nan Bawmh Ve Lo: East Timor President, Tuni, September 23 ah tuahmi UN Meeting ah East Timor President Mr. José Ramos-Horta nih Myanmar mipi bawmhnak kongah fak ngai in bia a chim.

President Mr. José Ramos-Horta nih cun “Myanmar mipi hna nih khin ramkip nih an kan hlawt, hnu an kan chit cang tiah an i ruah. Ramkip nih Ukraine cu hriamnam ṭhaṭha le mipi caah minung hawi zawnruah bawmhnak tampi nan pek hna.

Myanmar mipi hna nih zeiruangah ah dah Myanmar ah a cang cuahmah mi raldohnak cu a thei lo bantukin nan um ko tiah biahalnak an in tuah hna. Asinain Myanmar mipi hna cu nifatin ral an doh ko rih. A thimi zong an tam chin lengmang” tiah UN Meṭing ah cun a chim. Cu lawng si loin Myanmar ramchung buainak hi a fak chin lengmang kho i kiangkap ram hna daihnak zong a hnorsuan khawh tiah President Mr. José Ramos-Horta nih cun a chimchap.

President Mr. José Ramos-Horta hi Daw Aung San Suh Kyi bantukin Noble Peace Prize a hmutu a si ve. Tutan a voi 77 nak UN Meeting ah Russia nih Ukraine a tukmi cu ram tampi nih an mawhchiat i an soisel. East Timor cu UN meeting ah Myanmar mipi hna zawnruat in bia a chimtu ram a si.

UN palai hlun hna nih dirhmi Special Advisory Council for Myanmar (SAC-M) zong nih zeiruangah dah Ukraine bantukin Myanmar hi nan bawmh ve lo tiah an rak aupi cang. Tutan UN meeting a kaimi hna nih UN le ASEAN nih Myanmar buainak hi hmualngei tein tuahremh cang u tiah an chim.) Crd- The Chin Post