CDF -Matupi Nih SAC Ralkap Leilawng An Kah Caah Brigadier Telh In Ralkap Pathum An Thi
==================
Chin ramkulh, Matupi peng Matupi-Hakha lam cungah a kalmi SAC ralbawi Brigadier nih aa citmi leilawng cu CDF -Matupi nih an kah caah caan karlak Brigadier a ṭuanmi Colonel pakhat, Major pakhat le leilawng khaltu pakhat an thi, tiah theih a si.
Matupi-Hakha lam cungah umhmun a khuar i, Brigadier nih aa citmi leilawng cu CDF -Matupi Battalion 1 Linyung phu nih, May 5 zanlei suimilam 4:00 ah an kah caah Brigadier telh in ralkap pathum an thi. An meithal MA 3 zun khat zong kan lakpiak hna, tiah CDF -Matupi nih cathanh an chuah.
CDF-Matupi Nih Matupi SAC Ralkap Hmunpi An Kah, A Thimi Chungah Col. Soe Min Lat Aa Tel-Chin ramkulh Matupi i SAC ralkap hmunpi (စစ်ဗျူဟာ ဌာနချုပ်စခန်း) cu May 5 zanlei ah CDF-Matupi nih an kah i SAC ralkap 3 an thi. Cu chungah Col. Soe Min Lat aa tel tiah theih a si. Col. Soe Min Lat cu DSA zarh 42 nak in a dihmi a si.
Matupi SAC ralkap hmunpi cu Matupi peng, Matupi-Hakha lampi cungah a ummi a si. CDF-Matupi nih May 5, zanlei suimilam 4 hrawngah an kah i Col. Soe Min Lat telh in Major pakhat le mawtaw mawngtu pakhat an thi tiah CDF-Matupi Battalion 1 in chimnak nawlngeitu nih a chim.