Good News: Hihi Kanmah Ta Lawngte A Si Cang, A Ropui Ko Hih!

Hihi kan ta a si cang, Long live CJDC.
======
Uk hruaining, Public administration an serning hrim hi, Uar an um tuk. Expert tam tuk an um.GEN-Z chungah, admin, he engineer he, siibawi he, lawyers he, Ph.D he. Mawṭawka a nganmi pa 6 cu ramri, liberated area ah himte in a phaan huar. Kan ralkap hna hi an um sawhsawh lo, Raltuk lawng an si lo..a zeizong an tuah dih. Ralhraang inntung a simi paoh an phawi thluahmah cang hna.

Hi bantuk hi thawk/tuah thluahmah a herh ko cang. Ralhraang kah/thah lawng hi tutan kan dothlennak rian a si lo. Thilri tlaih/chuh zong thil biapi a si. Ralhraang rian/contract a ṭuanpiak tu hna zong ramri lei ah rawt thliah mah hna ding an si ko.

Hihi cu Ramdang hmuh awk ah aa dawh lo deuh te kho men. Japan mizapi nih Laitlang ca bak ah rak bawmhmi motor an si i Union/Central cozah nih pek mi a si lo. Cun hihi an rak pek hna lioah zei bantuk ramkhel buainak a chuah le uknak aa thlen zongah mizapi caah a si zungzal lai tiin Laitlang NLD cozah le Japan lei in tawlreltu kar ah hnatlak minthutnak hna rak um dawh a si.

Japan nih mipi an ra kan bawmh nak seh le mawtaw an si i a tu cu mipi sin ah a.phan taktak cang ti nak a si ko. Cu vialte an tuahkhawhnak cu MIPI hi kan si.An hngalh tuk. 8888 lio kha cu Mipi nih dohthlennak kan rak ifiang loh tuk palia ka ti.,.Cun 8888 lio ahcun Tubantuk in an hnulei i dirpitu an tlawm tuk.

Ralhraang he contact a ṭuanmi company paoh cu nan him ti lo. Nan cei thluahmah cang lai. Ralhrang rian fial a tuah mi poh cu, tlaih thluamah ding an si. Kan PATHIAN Bawipa thawngin asi ko hña e, kan PATHIAN Bawipa min Thangthat si ko seh law.

Lai Pasal ttha hna, Vawlei pi uk khi kan itimhmi si lo! Rili ral ah kal in mi hranchaw va lak dingah raltuk zong kan ithawh lo. Thlanglei Africa ah va kal in raltuk i sal va tlaih ding in ral tuk aa thawhmi zong kan si lo.

Yangon le Naypyidaw ah va ttum in Kawl miphun hna va pen dingin ral a tho mi zong kan silo. Teinak thantar he Federal Democracy tlunzoh iphurh in kan tlun tikah thutdan sang i thut te ding zongah ral a tumi kan silo.

Cu nak cun, Pathian nih Miphun tling ah a kan ser ve nak in kan i ngeihmi kan ram, kan nunphung, kan caholh le kan biaknak hna sunhlawi le cawisan ve nak nawl kan ngeih i kan tappi le lungthu kongah kanmah tein khuakhan nak nawl kan ngeih nak hnga le kan techin fapar hna chan ah mi ramdang i hlawhhlan le fimcawn len hau loin kanmah tappi khor te ah zalonnak taktak he an tlonlen khawhnak dingah kan hauhruang a vengmi kan si.

Chizawh a rat i a au len tung nain Pawpi a rat tik i a zaammi innhngak uico phun zong kan si lo. Nan tei lai maw???tiah a ka halmi cu hitihin ka leh tawn hna.

Kan tei le tei lo cu Pathian nih hna a ka tlakpi i kan Miphun dihlak kan tan ahcun kan tei ko lai. Kannih cu kan tei lo zongah kan nunnak a dih tiang kan Miphun ven dingah aa thawhmi kan si. Kan nun bu cun sunghnak he cun kan kir bal lai lo. Kan ruak in kan kir sual le kan khuallam a pehtu hna cungah teinak hmuh le hmuh lo cu aa hngat te lai.

Kum khat cu a liam cang ko. Zeitik kan tei lai bel ho chim kho hlah. Hnu kir awk a tha ti lomi hi dothlennak ah zei can khi dik kan kal rih hnga…i hnek tulmal rih ko kun usi! Zeipaoh te Bawipa nawl si ko.

CNA/CNF le tualchung Miphun runvengtu hriamtlai hna nih kan khuate vialte kan nunnak pek in kan venhim lai. CDM a lami Siangcachim le Sianghleiruun kai kan mino vialte nih kan fimthiamnak kan chuah lai. Ram chung ram leng ummi kan nulepa vialte nih ngeihchiah chawva bungh ve uh.

Cuticun hmailei kan ram a sertu ding simi kan fale hna fimcawnnak biatak tein kan tunmer lai. Ral kan tei tikah kan ram serthan nak caah a biapi bik a simi fimthiamnak hriamtha aa tlaih kho mi chanthar (New Generation) mino tampi kan chuahter khawh hna a herh.

CBCUSA Youth Director Za Thawng Cin nih cun hitihin a chim “Ralhrang nih uk tthan nak hmanh in ka ttih deuhmi cu next generation ah Chin mino cacawng loin chimh cawnpiak khawh lomi an tam tuk te sual dingmi a si.” Credit: Salai Ngun San Aung