Gangaw-Kalay Karlak Ah Nizan In Atu Zan Tiang An I Kap Nak Thawng

Kalay Myone, Natchaung Khua sak lei Phalung 5 hrawng a hlatnak ah Nawlngeihnak a latu Kawl Ralkap le mipi pawl cu March 31 chun suimilaam 1:00pm in zaan suimilaam 7:15pm tiang an i phomh/an i kap ciamman i Kawl Ralkap lei in Minung 6 an thi tiah theih a si. Mipi lei in Minung 1 a thi ve i, hliamhma a pu mi Minung 1 a um tiah theih a si. Kawl Ralkap nihhin Hriamnam ngan zong an hman tiah theih a si. Mipi pawl uar an um kho taktak. Pathian nih umpi ko hnaseh.

Kalay Mino Paraltha pawl Thawngpang. Ni 29 ni ralkap le Kalei mino an I kah lio ah khan, Ralkap pa 15 bak an thi cu teh. Pali an si lo (15) nihin ah fianh asi. Meithal tha cawk ding aum Len ko. Kawl phaisa ting 60 asi lai. Aka hal mi nan um caah: Bawipa nih a thachia tleidan khawh nak akan pek. Bible ca hrim ah Isreal fa le hna ral an doh tik ah an I bawm tawn hna. Kalaymyo mi ka si lo. Laimi ka si.

Gangaw-Kalay Karlak ah Nizan in Atu Zing Tiang an i Kap. March 29 thawk in Gangaw-Kalay lamthluan cung ah a ummi khua pawl ah Lai meithal aa tlaihmi mipi le Myanmar SAC ralkap kahdohnak aa thawk i nihin March 31 zinglei zong ah pehzul in an i kap, tiah thawng kan theih.

Nizan zanlei ah khan Hmandaw khuataw ah a ummi Kabarni donhlei ah le Hantharwadi pawng hrawnghrang ah an i kap hna.
Nizan an i kahnak ah mipi lei in minung pahnih an thi. Hantharwadi palik sakhaan pawng ah pa pakhat ralkap nih an kah i a nunnak a liam. Cun, Taungkhinyan khua pawng ah a dang pa pakhat a nunnak a liam tthan.

Hantharwady ah a ummi hna sin in The Chin Journal nih thawngpang fek kan theih ning ah Hantharwady khua pawng i palik sakhaan cu mipi nih an khangh i, palik le ralkap pawl an zaam. Cun, nihin zinglei ah Gangaw le Kan khua karlak ah mipi lei nih ralkap motor pakhat an khangh.

Nihin zinglei an i kahnak ah ralkap nih Machin Gun le Bomb tibantuk an hman caah mipi lei hliam a pumi an um len. A thimi zong a tlawm bik minung pathum an um. Ralkap lei in a thimi le hliam a pumi zong an um tiah an ti nain fiang ngaingai in fehter khawh a si lo. The Chin Journal