Farrawn lei ah Ralkap an Rak Ra timi Thawngpang Ruang ah Khua Mino Pawl an i Pum Hna

Farrawn lei ah Ralkap an Rak Ra timi Thawngpang Ruang ah Khua Mino Pawl an i Pum Hna
———-
Hakha peng, Farrawn lei ah ralkap an ra timi thawngpang ruang ah Farrawn mino pawl khuachung ah an i pum hna, tiah khuabawi sin in kan theih. “Hakha lei in Farrawn ah an rak ra timi thawngpang cu kan theih. Asinain, atu tiang cu an phan rih lo. Ralkap an rak phak sual ah tiah mino pawl an i pum hna,” tiah a chim.

Aive khuami kan pehtlaih hna nain atu zaan sml. 11:00 tiang ah cun Aive khua ah ralkap a phanmi an um lo, tiah The Chin Journal ah an chim. Nihin thawk in ralkap nih Internet Line a ngah lonak khuate lei ah kal hram an thawk hna. Nihin chun ah khan Hranhring khua zong ah an kal. Tu zaan ah Hakha in Mie peng, Aive khua lei panh in an kal an timi ralkap bu hi Farrawn lei maw an kal lai, Cinkhua lei ah dah an panh lai timi fiang in kan thei kho lo. Van Van & Min Cung, The Chin Journal.

Relchap, Raltuknak meithal minthang phun hnih. M16 le AK47 cu upa, mino, ngakchia hngalh dihmi an si. An rak ser thawknak kum zong sau pah cang nain, nihin tiangah uar cemmi an si thotho rih ko. Version thar deuh i an sermi pawl hna cu an mak ngai tiah an ti. Meithal cung i aa thlaih chihmi kuan dur ahkhin kuanfang 30 tiang veve voikhat rawn ah rawn khawh an si. An man tu cu ai khat ko. Zun khat ah $ 700 veve hrawng an si. Black market belte ah an man a fak. Pakistan ram ah AK47 a thar bak khi $ 700 hrawng a si, ti si. Nain, adeu local ser a um. Cu local ser pawl cu zun khat ah $ 150 hrawng lawng a si tiah an ti.

Black market belte ah $ 1,200 in $ 3,000 tehna an si tiah an ti. Zeidah แนญha deuh? M16 cu felfai dikthliar deuh in sermi a si. AK47 cu tlacop deuh in an ser. Complicated and simple an si tinak. M16 kah ning daan cu cawn ta a hau, cun phun hnih a um hoi, civilian hmanmi le ralkap hmanmi ti in. AK47 belte cawn theng lo zongah hman khawh colh si ko, an ti. M16 nakin AK47 a rit deuh hoi. Ralkap pakhat nih AK47 aa bei ahcun, a meithal a rit deuh tikah kuan bawm hlei tampi aa bei chih kho ti lo. M16 tu cu a zaan deuh caah kuan bawm hlei tam deuh in ibeih chih khawh a si.

An แนญhatnak aa dang. M16 meithal cu a tonghtham ning a hnoksak deuh. Sinain, dingteo itinhmi hmui a nganh tuk lo.
Hmui itinh, van bihnak zawn ahkhin M16 cu target a hliah deuh. AK47 tu cu a tlacop deuh an ti. Cu pinah M16 nihcun 800 m tiang khi kuanfang nih dingteo in a va khen khawh, tiah an ti. AK47 belte 300-400m tiang hrawng lawng khi tinhmi zawnte dingteo in a khen khawh, ti si. M16 kuanfang belte khi AK47 nakin an hme deuh. Tikah, M16 kuanfang nakcun AK47 kuanfang cu hmual a ngei deuh ti si. AK47 nih a khen cangmi cu thih le loh a fawi deuh tinak a si.
M16 an serning cu felfai deuh le complicated deuh a si tikah, kuanfang khi a jam fawi deuh. Kah cuahmah lio ah kuanfang a jam kho. US le Vietnam an rak ituk lio ah an rak tong bal.

Nain, chan thar deuh an sermi bel voi 1000 kah ah voi 2 a jam an ti. AK47 tu cu kuanfang a jam ti um tuk lo. Voi 1000 kah ah voi khat lawng hna a jam kho. Ralram ral tamnak hmun ahcun, duh paoh in kah thluahmah khawh a si. M16 belte kah tikah ralring thiamthih deuh a hau. Fimhlawm thianh hlimh tikah M16 cu a hnoksak. AK47 cu thianhhlimh tuk leem lo zongah aa kap kho thluahmah ve. Sniper pawl hmanmi meithal belte aa dang. An man zong an fak deuh. Sniper hmanmi ah cun a dohnak pod tehna pinah durbing tehna an telh chih. Meithal kong ka rak rel balmi chungin kaa cinkenmi a si. Palh sualmi a um kho ko. Texas cowboy pawl lam nihcun tampi an theih deuh lai ta. Hmanthlak tu cu ka taar lo. Kawi Zuckerberg nih meithal cawkzuar tuahmi hoihna ah a ka ruah sual la tiah. Credit: Salai C Alexander