UN rian tampi a lawng ko. Ka sawk ve lo. Mipi he harsat tu kaa thimh deuh ve!

Cozah Rianṭuan Mi Bang CDMers’ Mipi: PG76
============
Ralhrang MAH le SAC cu mipi nih phun (4) in kandoh hna. (1) Legitimacy Strike – Cozah si i zuamnak (2) Law Strike – Upadi i zuamnak (3) Community Strike – mipi dothlennak (4) Armed Force Strike – Hriamnam Dothlennak.

Lambar (1) le (2) hi NUG ṭuanvo an si. 3nk hi Mipi le Cozah rianṭuan kan ṭuanvo asi. Ngunkhuai (Tax) pek lonak in, Mipi CDMers nak cu mui a cuang. 4nk hi GZ ṭuanvo asi i CDF/ PDF mui an cuang ve. EAOs timi Tlangcung Ralkapbu hi Van Gabriel Ralkapbu btkin 4nk caah Biak in Bochan mi asi. Kawl nih Tupung tiah rak hmuh tawn mi kha Ram dawtu le Phuntungtu ah hmuh an si ve cang.

Mipi dothlennak cu Sandah piah, Tax peklo, SAC Sermi upadi zulh lo, MAH upadi le a cozah kha cohlan loin hnawn kha asi bik. Mipi nih Mei man ngunkhuai peklo ruang ah Thla (1) ah MMK 20000 Millions leng MAH nih a sung cikcek ve. Ngunkhuai dang cu um rih ko seh. SAC rian thar a sawk mi Chinmi cu 0% asi. Mipi CDM a hlawhtlin bak ko. Tcn: Kei zong ka rian ṭhing ah ka kir ve ti lo.

UN rian tampi a lawng ko. Ka sawk ve lo. Mipi he harsat tu kaa thimh deuh ve. Cucu Chinmi nih CDMers ah nan ka pomh kho ve hnga maw! ti ka ruah ve tawn. Sipuazi zong ka tuah ve lo. Adongh tiang mipi he Raldoh ṭi ding in stand by in ka um zungzal ko. Dawttu le Dawtmi Chinmi nih Nihin tiang an ka cawm ko. Tirawl loin ka tlau bal lailo i rawl loin ka vak bal lailo ti kha fiang tein ka hngalh. Sihmansehlaw “Ka Zumh Mi Kha Ka Hngalh” timi Pauline Philosophy kha!

Mipi le GZ cu kan rian hi lim btk in thil a kal. Achan cu hi hlei in, kan ti khawh nak nih, a phahzawh ve ti lo. NUG le EAOs belte an rian le an hmaba an hlawhtlin rih lo. Tampi Ṭanlak a herh rih. Tampi in bawmh le thazang pek an herh rih.

NUG le EAOs pumkhat asikhawh rih lomi hi rianrang in pehtawn a herh ngai ngai. Aruang tampi a um ko lai nain, mipi nih cun EAOs le NUG pumkhat si hi kan duh bik mi asi. An karlak ah tizut hlah seh, pumsa le thlarau bang ṭhen khawh si hlah seh ti hi mipi Saduhthah cu asi. “Ti le Nga” bang NUG le EAOs si hi duhcio mi asi. UN le USA nih EAOs cu a puitlingmi Ralkap ah cohlan nansi nak hi Mipi khumzual le chanchuah nak ah nan hmang lai lo maw?

Geneva, EU, UN, USA nih, CDF, PDF cu, Ralkap puitling ah, an pomh lo tikah, NUG lamthluan ah hlawhtlin nak a puitling lo, ti hi tuak cikcek aherh ko. Dothlennak Lamthluan asau lai. Ni (3) lamkal kha kum (40) arau mi, Moses le Israel miphun, sining kan hluanlo a biapi ngai.

EAOs le NUG cu pumkhat kan si ter khawh lo ahcun, lam pakhat lawng a tang. CDF/ PDF kha EAOs level in cuaithlir a herh ve. Hriamnam, Tindan (Information le Intelligence telin), btkin ralkap nih ngeih a herh mi vialte, USA le Geneva mit ah Ralkapbu Puitling si law law tiang in, zalh piak dih a herh. Cucaah NUG nih CDF/ PDF caah phaisa tam deuh pi in hmang seh. 800 millions hi CDF/ PDF caah hmang in, adang caah fund raising i tuah ṭhan ko seh timi Agenda.

Ram Innpa Ṭhatlo Ruangah Azaw Chinmi Kawlram: PG(73). Kawlram Innpa asimi China, India, Thailand le ASEAN ruangah a tleu chinmi, Khuaci a mui chin mi, Harsatnak horthuk pi ah apilh chin mi, Dam khawh tilo in azaw cang mi, harsatnak phunzakip nih kulhin zulh dawi mi, Kanram kong hi, biatak tein tuak an herh cang. Hi ram hna nih, Kawlram mipi sinah um hna sehlaw (Australia, Franec, S.Korea, Japan, UK, New Zealand, Norway, EU, UK tbkin), NUG le Paucan Dothlennak a hlawhtlin lai i, Kanram le miphun adam piannak, a hlan tuk cang.

MAH nih Kawlram lawng in kaltak asilo nakhnga Russia, Tuluk le India cu biatak tein, kawmh aazuam hna. Vawleipi ram 100 lengnih SAC le MAH cu Kawl Cozah tiah an cohlan lo zong ah, hi hna ram thum he nainiam in hawikawm si ahcun, ka zei poi lo i, ka hrik zong a thak lo atitu MAH asi. UN ah Veto Power a hmang khawh mi, China le Russia an si caah MAH nih pathian btkin a bochan hna. Nanmah locun kasi khawh lo ati hna.

UN nih MAH cu hriam zuar loding an ti buin, Russia, Tuluk, Ukraine le India nih an zuar ṭhiam ko. Hriamnam in amiak tamtuk an hmuh ve caah, UN biachahnak pahchih in, MAH cu a duhmi Hriam poah poah, tlinter awk ah, an zuar ko. Chinram le CNA, CDF cihmih awk ah an i ken mi, Jet Fighters, Hriam, Motor, Tanks, RPG tbk hi Russia sinin an cawk mi lawngte asi.

MAH nih Chinmi an kan tei rihlo ahcun India ah a cawkmi Hriam hmang aa timh. Jet Fighter Bomb, Missle le lamhla in control in kahnak thilri kha India sinin a cawk hna. Chinmi thah awk ah 2nd Level ah hmangrua ansi. Tehte: Camp Victoria velchum Vanlawng aahelh mi kha tuak ko uh.

Tuluk hi MAH sinin a miak tambik a hmuh tu asi. Kawlram Economics le Business poah cu Tuluk kut ah aum dih cang. Aral India pawnchuak awk ah Kawlram lawng hi, umhmun khuarnak ah ṭhabik. Tuluk caah Rili lei kalnak lam zong Kawlram asi. India caah Tuluk pawnchuak nak caah Kawlram hi, India caah, a ṭhabik ve.

India le Tuluk nih Kawlram hip awk ah, Gasoline ngah awk ah, Super Power si awk ah, Economics i zuam cawh nak caah China le India nih Kawlram cu an hmang ve ve. Kawlram Natural Resources kha man fawi tein ngah, Investment tuah in a karh tampi lak kha an duh ve ve.

Ram Innpa hna telin, Tuluk, Russia, ASEAN, India, Ukraine hna thawngin, Kawlram Ramkhel, Sipuazi le Security hlutchuak ding kha MAH Chunmang cu asi. Anmah loincun Kawlram cu horthukpi ah atla cang lai, Anmah bawmhnak in Ram khumzual tu le Chanchuahtu kasi tiah Kawi Aung aa lunghmui tuk ve.

Kanram Innpa hna nih Mipi le NUG lei ah an ṭanh lo i UN biachah mi an zulh lo caah, Russia le Ukraine nih MAH cu bawmh in, Hriam an zuar cang. France cu Laklawh in a um. Natural Gas ruangah Kawlram in amiak tampi an hmuh ve caah asi. 27 EU member asi caah NUG cu cozah ah France nih a cohlan ko nain, MAH le SAC Sipuazi phihkarh kha aduh lo mi France asi. Russia le Ukraine hi cu Hriamnam zuarman in an i hlawh ngai fawn.

Ka langhter mi ramhna ruangah MAH le SAC cu thawchuah in, anung mi an si cang. Ramdang nih hin, Humanitarian lawng in, chanchuah an kan timh cang. Hriam le Ralkap, Raldohnak in an kan bawmh ti lailo ti kha 100% a fiang btkin thil aum. MAH le SAC teikhawhnak caah a herhmi Hriamnam vialte hi NUG nih maw an kan pe lai? Mah tein dah kan i zalh lai? Hi lam (2) lawng lawng aum cang.

NUG cu Phaisa tampi an ngeih ko nain, an karh a tawi i, an khulnuar tuk lawmhmam caah apoituk tawn. Acaan lio teah. In time le On time, Due time ah an kan bawmh khawh tawn lo. Mah tein i cawk ding in thil aum caah, Ramdang um Chinmi retheih lai ruahah thling akik i, Kaa a pit fawn.

MAH thluk khawhtu si awk ah, CDF nih Hriamtling ngeih aherh tuk fawn. NUG tal nihhin Phaisa hi an kan cawi duh hnga maw? Ti tiang khuaruah phah asi cang, sivang tuk le vansang tuk bia ah. Nain, Ramdang ummi Chinmi kungtu kan tlung ṭhan ding hi 100% a fiang fawn. Ramdang um, Phuntungtu le ram dawtu, Chinmi hna, zei kan ti hnga, Good Smaritan le Zionist rian cu nan pehzulh a herh ko lai. Culocun Teinak lam abi ngaite! Credit: Saya Rung Kaw