‘Dr. Salai Tun Than Rovuih biacah’

”Dr. Salai TUN THAN Rovuih biacah”
========
Nizan, March 16, 2022 Vaurawng Zuunthil nih kan miphun hawi a simi ASHO CHIN ( Kawlrawn ah a ummi kan CHIN miphun) nih an dirhmi ACDF (Asho Chin Defense Force) caah FUND RAISE an tuah piakmi hna a zanthumnak ah Dr.SALAI TUN THAN ( 95) an sawm.

A chimmi; ”Kawl ralhrang nih tuah ding an i timhmi biathli a um, Tlangcungmi vialte hi kan sinak (kan holh, kan ca,kan nunphung, kan Biaknak) hloh piak dih a si. Cu ah an hmanmi an hmanrua cu Tlangcung nu ṭhit i Kawl ah canter zong aa tel. Cucu ṭhangthar kan fale nih rak philh hlah u.Atu Philipine i a ummi Krifa thawngthanhnak (broadcasting) zong khi hrawh piak an kan timh pengmi a si.Phaisa zong a million in hman an i tim.

”Amahbelte, Ke 4 a ngeimi UICO nih kan tanpawr a kan seh tikah kannih nih kha Uico kha a ke ah kan seh ve ding a si lo. Kannih cu MINUNG kan si caah Minung phung ning tein kan leh ve hna ding a si lai. Kei zong 2021 ralhrang dohthlennak aa thawk bak khan thlakhat ah $100 ka thawh peng ve. Ka kum a upa cang i zeitik tiang dah ka thawh khawh te lai ka hngal lo.”

NOTE: Dr. Roding nih a kan chimh ningah, Dr. Salai TUN THAN (TAAN tiah a aw chuah ding) hi Carson siangbawipa (HKA an phanh 1899 hlanpi ah) te nih Asho Chin umnak TAYET khua i Krifa Sianginn an rak dirhmi sianginn ah a rak kaimi a si.USA in 1957?? hrawngah Ph. D (Agriculture) degree a ngahmi a si. Myanmar ah university rector (PAMOHKHAH CHOH) saupi a ṭuan cangmi le THAN SHWE chan, Rangoon City hall hmai ah a PAMOHKHAHCHOH thilthuam he amah lawngin SANDAH a PIAH (Solo protest) ruangah INSEIN thonginn ah an rak thlaakmi CHIN PASAL PARALṬHA KRIFA ṬHA a si. Atu cu US ah a fanu sinah a phan cang. PPP. CANADA.

Kan Dohthlennak Kong ah Ruahmi; 1. Tukum chungah NUG nih Kawlram chungah hrambunh an izuam lai ka zumh. Karenni, Sagaing le Chin state chungah pakhat khat ah asi kho men. 2. NUG nih atu tiangah ramdang cozah sin in siseh, NGOs le INGOs in bawmhnak kan hmuh rih lo an ti, a ra laimi caan tawi chung ahcun bawmhnak hmuh dawh rih an si lo.

3. NUG cu Kawlram mi- ramchung ramleng hna bawmhnak kha an thazaang hrampi cem or pakhat lawng si rih dawh asi.
4. SAC hi a tunak tampi der thawm dawh an si. Nain an sung taktak rih lai lo. Kawlram chung khuapi vialte nawn le hmunhma cu anmah pennak tang ah um rih dawh asi.

5. Mandatory Military Service hi an tuah ngam taktak ka zum lo. Ralkap thazaang an herh tuk ahcun mercenary service tu hmannak an tuak deuh ka zumh. 6. India nih NUG or mipi dohthlennak a dirkamh khawh lonak a kong tampi lak ah a biapi cemmi cu Northeast Rebel groups pawl le China nih Kawlram ah influence mi a karh lai ti an phan ruangah asi. Mah hi kanmah lei hlawknak in merh khawh asi kho men tiin ka ruah.

7. Kawlram huap in teinak cu NUG lawngin asi khawh caah NUG zong hi biatak tein ka dirpi a herh. An Bond zong hi cawk khawh cio izuam hna usih.

Chin State Level in: 1. Khrihfabuu (Church) hi Laimi nih kan ngeihmi ah a ngan cemmi le a thawngcemmi institution asi caah tutan dohhlennak ah ramchung ramleng in an itel dih khawh ahcun kan dohthlennak tampi thazaang a tawnter lai. An itel dih awk zong asi tiin ka ruah.

2. CNF le CDF nih penmi ram chungah poah ah economy stable khawhnak hnga dual currencies- MMK le Rupee hi official tein hman chungah a tha lai dah ka ti. 3. Mizoram le Lairam kar kum tluangtluan in chawhleh khawhnak tuah aherh. Tipi ah mawtaw a phur khomi Engine bunhmi tilawng pawl a um ahcun a tha tuk hnga. 4. Kawlrawn lei in Laitlang ratnak lam poah poah hrawhnak thazaang kan ngeih ahcun hrawh dih ding ah a tha ka ti.

5. Kan dohthlennak ah Efficiency le Transparency a um khawhnak hnga kan izuam dih aherh. Laimi cu Khrihfa kan si caah kan corupt-Eihmual, ziknawh kan hmang tuk lem lai lo tiin ka ruah tawn nain- Democracy in tlawmpal kan ukchungah Laimi chungah a ding lomi kan tam tuk ning cu khuaruah har asi ko. Tutan dohthlennak caah minung or buu tampi nih thil phun tampi caah phaisa kawl cio asi. Phaisa cazin tlaitu vialte te nih cazin hi tha tein chiah khawh dih cio ahcun a tha tuk hnga.

6. Dohthlennak ah Tuanvo ngeitu hna le mipi kar ah communitcation a tha zong a biapi tuk. Phaisa zong cu tuahnak ah ti bantukin hman le hmannak or cawkpi langhter tbk zong aherh ngai tiin ka ruah.

7. Pandemic le Russia &Ukraine ral ruangah thilman kai chinchin rih dawh asi. A bikin tirawl man a kai lai caah ramchungmi nih ramdang lei bochan loin an eidin awk anmah tein an cinken khawh ahcun santlai tuk asi hnga. Ramchungmi ramleng ummi nih an eidin awk ah bawmh an herh lo ahcun kan dohhlennak caah phaisa zong kan pek khawh deuh lai caah dohthlennak a thawng deuh lai.Lian Thawng