Dr. Mang Biak Kung: Hakha Sii Inn Cu Mi That Lo Hna Nih An Kan Luh Hnawh

Tuchun(12.3.2021) ni ah Hakha sii inn cu mi that lo hna nih an kan luh hnawh, sii inn ah a thlopbul cuahmah mi mizaw zualhma 30 le sii inn riantuan 315, inndong 115 nih kan chuah tak, a kan fimtawl tu Hakha mino le mizapi cung ah lunglawmh nak tampi kan ngei.Hakha sii inn hi ralkap sii inn asi lo mipi sii inn asi arauh hlan ah mipi kutchung ah chiah tthan khawh kan nih zuam hna lai vawlei cung hmunzakip um mi Chinmi vialte kan sawm hna. Dr Mang Biak Kung, Sii Inn Uk, Hakha Sii Innpi.

Relchap; Chinram ah CDM a lutmi le tlaihkhihmi cazin (update). Chin State ah cozah riantuan 20,000 hrawng an um i culakah 15,000 hrawng nih CDM an tuah cang (Chinworld nih nizan a tialning ahcun 14,500 a ti). 72% uak an si cang. A rauh hlan ah atangmi 5,000 (Paletwa lei an tam) nih an hun tuah dih ve lai i Chinram ah cozah riantuannak hri a cat put tinak a si lai.

Chin State ah mipi cawlcanghnak ruangah tlaihmi hi minung 41 leng an si cang— Halkha minung 26, Thantlang ah 8 (cawlcangtu 3 le palik CDM 5), Falam 4 le Matupi 4 an si. Chinram lengah tlaihmi Chin mino hna zong 20 hrawng an si. Rakhine ah 5, Yangon ah 10 leng, Mandalay ah 1 le Kalay ah tiin. Cun, Commission riantuan le Vuanci pawl an tlaihmi 30 leng he fonh cun 100 leng an si cang. Cu lakah thlah rih lomi, atu tiang hrenmi hi 17 hrawng an tang rih, Halkha ah 7, Falam 4, Matupi 4 le Thantlang ah pa 2. Cucaah –

Ralkap uktu pawl nih tlaihmi 17 renglo hi a rannak in kan thlahpiak hna seh tiah nawr rih hna usih law thlacam piak rih hna usih. CDM a tuah rihlomi hna nih kan rampi le mipi mithmai zoh in kan tuahpiak dih uh. Nanmah thawngin kan tei khawh i kan sung kho ti kha kan philhpiak hrim hlah uh. Can a um rih. Kaa lawm.