Dr. Andrew Ngun Cung Lian nih Min Aung Hlaing aa kawp ah khan kan lung fim ding asi nain

Virus Cu Nathat Khawhlo Ahcun, Nangmah tu an thah te lai.
============
Chinram Le Chin Miphun Ah Biatak Tein A Lungfak Lomi Cu Virus Ansi. Chin lawnh in karhlang khawh asilo. Chin lawnh in bu le Ralkap ser khawh asilo. Chin ri lawnh in thil kan tuah tikah buaibainak aathawk i, i remh lonak aa sem. Pumkhat si khawh lonak a hrin i, a phichuak cu Chin ram ser khawh lonak asiko. Federal zong a vaivuan te lai.

ZRO/RZA hi tehte thabik asi. Chin lawnh in ram an khelh caah hawikom le ral zong an thleidan khawh tilo. Unau hmanh an kan doh i an kan thah cang. Chin ai awh in ZO Country ka derh lai ti cu asi khawh lo. Vawlei ah a um ballo mi dan asi. Thlarau lawng ah kal sual hi a umlo, ramkhel zong ah kal sual a um tihi philh lo ding. Chin Virus zong ansi. Corona Virus cu Vaccine in i khamh asi. Chin Virus bu hna hloh awk ah, kan doh cu Justice asi i adik mi asi.

MAH le Rallokap Cihmih lio caan ah an tial kan theih mi belte kan hnu deuh cang rua. MAH Thura an pek, Dr. Andrew Ngun Cung Lian nih MAH aa kawp ah khan kan lung fim ding asi nain!! Chin Viruses phun (2) ansi hi philh ti hlah usih. Mirang le Vawleipi nih Chin tiah cohlan kansi. Mirangpi le vawleipi cu maw ZO Miphun nakin an hrut deuh lai? A phung asilo mi asi.

Chin Miphun cu Tribe (Pengtlang) 53 an si tiah Burma Code aum. A tak tak ahcun (36) lawng a um. Zo timi cu Mara, Zotung, Zophei, Lai he aakhat mi asi. Chin a huap khawh lo. Senthang timi zong hi Tribe min asilo. Minung min asi. Hlawnching, Zaathang, Cinzah bantuk khi asi. Senthang cu LAI an si ko tihi philh lo awk asi. Hihi nan lung fian ah cun CDF kong buaibainak hi um khawhlo asi. Chin miphun hna cu: Burma, India, Bangladesh le Nepal ah khua an sa. Burma ram an khuasak nak cu, Chinram, Sakai, Makui, Rakhine le Kachin ah an tambik.

CNF/CNA tang ah um loin Pengtlang Ralkap va derh cu Chim hlah ngat. Ningzak in. Chinram pinlei Chinmi umnak tu ah CDF va derh khi, kan rian cu asi. CNF/CNA he kan sum aa khat ko ti phun in, ZRO/ZRA, CNO/CNDF, Mara Army derh khi ram damnak asilo. Kanram hi raltuknak le mah le mah i thah nakin khat seh, Middle East bantukin tinak tu khi asi.

Chinram Upadi le Chinram Cozah tang ah um a duh lomi cu mi zeidah an si hnga? Kala penlo ansi ko lo ma. Upadi ning ahcun, Chinram map le boundary, Pengkulh map le Boundary, Khua map le boundary lawng aum. Pengtlang map le ramri aum lo. Aum bal ding zong asilo. Pengtlang ti cu a minung thu asi caah ramri chiah khawh asilo. Pengtlang map le ramri a tuah i a zulh mi, Chin Miphun tenge hna cu, phungning loin khuasa asi. Ralhrang lam nan zulh tu kha asi. Na Chunmang a hlawh tlin bal lailo. Jesuh tu a tum hmasat deuh lai.

Chin Cozah le Chin Phunghrampi kan ngeih rihlo. Chin Ralkap lawng kan ngeih tihi Cite liak tu poah nih an theih dih. A theih rih lomi hi nang le na pengtlang lawng nan si rua. “We Are One in CHIN” Chin ah Pumkhat tiah na ti ve ahcun CNF/CNA kut tang ah na um ding kha na rian asi, Naa chuahpi mi na covo asi. Duhthimnak nawl na ngei lo. Na nu le Napa fa na si cu Duhthimnak nawl na ngeih lo bantuk kha asi. Naa fiang cang ma!

ZRO/ZRA, CNO/CNDF, Mara Army hna lamthluam hi Chinram Federal kan ngah hnu pin lei rian asi. Chin Federal Phunghrampi ngeih hnu, Chin Cozah ngeih hnu, Dotla mi Chin Upadi ngeih hnu, tuahtuan awk le ramkhelh rian asi. Chin Phunghrampi nih, nan Chunmang a tlinh lo belte ah ram va khelh ding khi asi. A tu ah tuahtuan cia cu asi te nan si lo dakaw (Bianabia: Chin Ralkap tang ah aum poah ahcun CDF – Senthang khi a poi lo). Ara lai mi, Chin Cozah kha Ralhrang asi sual belte ah ZRA/ZRO, CNO/CNDF, Mara Army kha derh awk cu asi. Chinram le Chin Miphun ahcun vawleipi he i lawh loin, bingtalet in thil a kal lengmang. A poi tak khi si ko.

Aho kan si zong ah Chin Cozah, Chin Phunghrampi, Chin Ralkap tang ah kan um awk asi tihi na thih hlan lo va philh ti hlah. Riangrang in rak kir cang uh, nan lam thalo merh tak cang uh, a caan a luan rih lo. Chinram le Chin miphun thihnak lam kha, i thimh riangmang in, hram hram in, zulh ti hlah. Credit: Joseph R. Thang