Donald Trump ka hlam hi a tlawm ti lo, Ram daihnak ah nangmah bantuk hi an rak herh taktak ko!
Ram daihnak ah nangmah bantuk hi an rak herh taktak ko!
==========
Kum (4) na ṭuan chungah rampi a dai. An ṭih tukmi North Korea hmanh a dai. Ralhraang tampi na hloh hna i, Middle East zong power ngei loin na rak chiah. Asinain ṭhatnak na tuah piakmi na ram chung lila nih an ihlawt.
White House cung in na ṭum hnu ah, February 2021, kum khatnak ah Kawlram ah power tingnak a chuak. February 2022, kum hnihnak ah Russia nih Ukraine a tuk. February 2023, kum thumhnak ah zeidik a ra rih lai? February 2024, kum linak ah zeidik kan ton rih te hnga?
Atulio cu ram tampi lawng siloin minung thinlung tampi ah an rak ihlam cio lai ka ti. Keimah zong nih “miṭhalo hna, mi sual hna” kong ka ruah ahcun kan hlam ngaingai. Raltuknak ruang i ngakchia a temtuarmi hna khi zoh tikah thinlung nih a celh lo.
Trump hi amah pumpaak siloin aa tlaihmi polices le dinnak a ṭanh I zumhawktlak asinak khi ka duh i Biden nakin ka dirpi deuh. Biden hi a thinlung nem, a bianem, mi cungah dawtnak a ngei ngai nain, a kalpimi thil le vawlei thil Bawipa duhlomi a dirpi khi ka dirpi lo nain. Asinain thlacam nakin cun ka dirpi ṭhiam.
Trump kong pei ka rak ṭial pah lengmang le, FB ka friends tampi nih unfriend hna a ka rak tuah cu. Culawng hlah, ka hawikom siseh, khuakhat, bukhat, aa thei hngalmi hna, “Biden” a ṭanhmi tampi hna tiang in pei a tuni tiang “Hello” a ka ti duh ti lomi an tam pi cu. Bawipa bia aa tlaihmi minung cu sifak, mirum, santlai lo an si zongah a hnulei in ka dirpi peng hna.
Afgan cozah an sungh kha US sungh tluk a si. Afganistan caah $85 millions US nih a hman ti a si. Cu vialte cu TLB kut ah a phaan dih. A tu cu US nih vak tiah airport tu a ṭhutnenh. Trump chan sisehlaw, vawlei ah hi vialte ralthawh hi a um bak lai lo.
Donald Trump ka hlam hi a tlawm ti lo. Pathian duh si, Ram dawt si, huham neih si, a tlinh dih cikcek, Donald Trump a tla bak ve, Vawi lei cung Ram chia va le President tha lo lo poh nih Biden cu Ek tluk hmanh ah an rel ti lo, Min Aung Hlaing kawl Ui Co hmanh nih zeihmanh ah rel hlah kaw US 🇺🇸 lawng a sung lo, Vawlei cung pi zong nih a theih dih, Lung FIM nak ah I hmang cio hna sih..Hruai tu ding ah cun Pathian tih mi, a raltha mi, Zumhtlak lawng nih tian ah a tha cem ko, Ka Pu Trump kan in hlam riangmang ko e.
President Joe nih Russia le Ukraine buainak ah US ralap kan i thlak lai lo ee ati! NATO members a lut mi ram pawl bel kan humhak lai tiah fiang te in a chim. Atu hi US ralkap 3000 cu Ukraine ram nitlak lei ah a um mi Poland ram ah an ṭumh cang. Ukraine hi NATO chungtel ah a lut duh lo mi ram si.
EU ram hme tete hi an mah ralkap thazaang in kan ram kan ven khawh lo pingpang ah tiin NATO members ah an lut hna i cu members alut mi ram pakhat le pakhat i tuk lo ding le midang nih an tuk tik hna zong ah pakhat le pakhat i bawmchan ding in hnatlalnak an ngei hna.
Minung nakin Bawipa ibochan deuh tihi ka chim zungzal mi asi i, hmailei zong ka chim zungzal lai. Ca kan ṭialmi, chim duhnak, context zoh loin word by word in na cher sual ahcun a sullam naa lakmi na palh zungzal lai. Bible zong khi asi. Ca hi ṭial duhnak a um tawn.
Hi ka zawn ka ṭialmi zongah hin Bawipa nakin minung ibochan nak kong a um lo. Party le minung na ṭanh tuk sual ahcun thil dik lo, le thil hman lo le sualnak zong ihmuhter loin in ṭanh chih a fawi te. Bawipa hi zeithil paoh ah ibochan le ihngatchan zungzal peng ko usihlaw! Cu aa bochanmi zumtu hna sin ah a ṭhawnak le a sunparnak a lang zungzal.
Zeizong vialte nakin Pathian hi kan herh bik! Pathian hi dawr ah cawk awk a ṭha lo. Midang nih heh tiah pek/ṭhenh khawh asilo. Kan duh caan paoh ah laak, I kan duh lo caan paoh ah kaltaak khawhmi asilo. Pathian cu misual kan si dih nain a zummi hna le a duhnak a kawlmi hna le a bia a dirpi mi hna minung cungah rianṭuan tawn.