Deputy Prime Minister Iryna Vereshchuk nih cun ” Ka bia a ngaitu Russia ralkap dihlak nih

Ukraine le Russia nih tlaih a tong mi an ralkap veve!
==========
Ukraine le Russia nih tlaih a tong mi an ralkap veve i thlennawnnak an tuah. President Volodymyr Zelenskyy nawl peknak bantuk in thongtla i thlennawnnak cu kan tuah tiah Deputy Prime Minister Iryna Vereshchuk nih a chim.

Ukraine nih an tlaih mi ralkap 10 le Russia nih an tlaih mi ralkap 10 tiin an i thleng. Cun mi sawhsawh ngaitlaitu Russia mi 11 le Umraine mi 19 an tlaih mi hna zong an i thleng. Melitopol khuapi Mayor pakhat le Russia thongtla minung 9 zong an i thleng. Nain Mayor pa hi fak ngai in an hrem manh.

Cun mi sawhsawh le ramkheltu an tlaih mi hna zong an hrem dih hna. Cucaah Deputy Prime Minister Iryna Vereshchuk nih cun ” Ka bia a ngaitu Russia ralkap dihlak nih an theih awk cu aho hmanh hrem ta loin kan chuah ti hna lai lo” tiah ral ttha taktak in a chim chap.

US le NATO (Abik US) nihhin Ukraine nih Russia hi nawr kho ve hna sehlaw timinak in Ukraine nih Russia nawrnak hi i kham kho peng sehlaw Russia hi hriamlei telhin tla ruangmang sehlaw tho than kho ti lo ding tiangin um seh tihi an hmuitimhmi a lo.

Cuve bang Kawlram a innpa pawl nihhin Kawl ralhrang le mipi hi i do peng hna sehlaw Kawlram hi kanmah locun dir kho than ti lo dingin um sehlaw kan hnu ah i thlai peng seh timi hi an hmuitimh a lo ve. Ziah ti ahcun; 1. Kawlram a thih tikah a ruak vui dingin Tuluk pa cu a phaisa tom he ra riangmang in mithi cu tuanvo a lak. Cu a dih heumi a let hmuh than dingah mithipa inn ah ” Zatsawm siloah Dawng (Phe )” kah dingin dian a hung si ( ဖဲဒိုင်ထောင်). A let za in a miak.

2. Kala pa cu topi phun in a ra ve le mithipa inn hmai ah a kengbel te he cun ” samusa” a zuar ve. Topi mi pawl sinin ceilak a miak ve. 3. Thai pa cu topi ahcun a ra ve le topi mi nungak dawhdawh le mino thatha kha zohkhenh ding phun in ai lemsoi ve hna le ai tlunpi ve hna. Ahnu ah a tomtom in phaisa a ruh ve tawn.

Cusi caah ruahning lengin caan a rau kho caah lungsau le lungrual kan herh chinchin bang ahlan bantuk in Kawl ramkhel upa pawl nih dehchawh than kho ti lo ding zong i ralrin ngai kan hau ko rua tikhi ka hei ruatchuk, cho fawn. (“Kehlei kut in hriam, vawrhlei kut in Whisky i ken pah buin Tlangcung hriamtlai upa pawl biaruah cu ka thim tuk,” tiah (2012-2020tiang )Tlangcung mi he biaruahnak (peace talk) lei ah tuanvo ngeitu bik Aung Min chimmi kha philh awk tha lo)

Russia Ralkap Thimi Leh Hriamnam Sunghmi cu a tam chinchin ko! Russia Ralkap Thimi Leh Hriamnam Sunghmi; Ralkap 15,800, Tanks 530, Armoured Vehicle 1597, Miakpi 280, Rockets khahnak motors 82, Vanlawng kahnak motors 47, Vanlawng 108, Helicopters 124, Ralkap motors 1330, Tilawng 4, Datsi phur motors 72, Drones 50, Special Equipments 16.

NATO nih an zumh ning ah Russia ralkap, a thimi, ai hliammi le an tlaihmi hi a tlawmbik 40,000 renglo an si cang lai an ti diam. Russia ralkap 30% tluk cu an sungh cang tinak asi hnga an ti Kharson hmanh chuh khawh thah ah i tim cuahmah ti asi.

Russian ralkap a thi mi cu ni 2,3 ah 800 leng an karh. An zaapi 15,800 leng an thi cang. Min Aung Hliang le Putin cu an ni palh nak aa chap chin lengmang ko hih.

Russia sipuaizi zeitluk in a tlak cang i zeitindah sanctions chap luaimai an i timh rih, zeidah Russia hi a lawh te lai, timi kong US sipuaizi lei thiamsang hna le riantuantu pawl interviews an tuahmi pawl ka vun in hrawmh te hna lai.

Putin a nun chung poah cu anaasin an lor tuk. A nun tlai kho hna seh a va nuam lai. Vawlei cung minung kan nih nuam tak ko lai cuh. Putin le MAH, cu, Ruadongbul bang ancaan dih sehlaw anruhkhua zong khangh dih cikcek ah di ariam ko hnga.

Putin ai tuak palh mi le nitlak ram pawl thinphan mi! Putin ai tuak palh – Russia nih Ukraine a tuk hi zarh 4 chung ah a lut cang nain ai tinh ning in thil a kal kho lo. British intelligence service nih an chim ning ah Russia ralkap pawl Ukraine ram chung an cawlcanghnak cu hmai an fong kho lo, a lam kip in a dir an ti (NRK).

Putin nih ai tinh hmansa ning ah Ukraine hi hmun tampi in luhhnawh i cutin meithal tam puah hmanh hau loin lak colh ding in a rak tuak. Cu Plan A cu a hlawhtlin lo caah Plan B in a van nam tthan i cung le tang he hriam-ngan in a phomh thluahmah. Cucaah mipi nunnak tampi a liam cang. Khua le innlo tamtuk a rawk cang. Cu Plan B zong cu nihin tiang a hlawhtling kho hlei lo.

Norwegian Intelligence Service lutlai Nils Andreas Stensønes cu Putin nih ai tinh ning in Ukraine hi zeiruang ah a lak khawh lo ti mi an hal. A chim mi cu Putin nih fak piin ai tuak palh mi a um a ti. Ai tuak palh mi pawl cu;
1) Ukraine president Zelenskyjs nih hitin Ukraine mipi a hruai khawh ding le an tthawn ding hi ai tuak palh. 2) Ukraine mipi an raltthatnak le an ram kilven duhnak thinlung (moral) a tthawn ning kha ai tuak palh.

3) Ukraine ralkap pawl thiamnak le zuamnak ai tuak palh hoi. An skill level ai tuak palh kan ti lai cu. Air force thazaang an i dang ngai nain a tu tiang Ukraine ralkap nih Ukraine’s airspace an ven khawh rih i Russia nih Ukraine’s airspace ah hmunhma a la kho rih lo. Cucaah a lang (long-range) lawng in a kah lengmang hna. 4) Nitlak ram pawl (USA/NATO/EU) pawl hitluk in an i funtom ding le sanctions he Russia an doh tti ding hi ai tuak palh hoi.

Cu vialte ai tuak palh mi nih Putin hi a har tuk mi dirhmun a phak pi nak asi a ti. Putin nih Ukraine dirhmun hitin ai tuakpalh nak a ruang phun 2 a chim tthan mi cu; Russia hi intelligence service (sungthoh bu) an thazaang a der caah asi kho, silole Putin le a hawi le nih hlathlaitu bu (intelligence service) nih an pek mi hna information kha biapi in an lak lo caah asi kho a ti.

Hi pahnih a chim mi hi ka zumh ngai ve. Ziahtiah Putin cozah chung ah Putin duh lo ning in a um mi poah cu duhsah tein an tlau. A mah ti ning in a kal lo mi poah caan tlampal ah an tlau (dictators pawl zia). Putin cozah chung ah a mah he ruahnak ai khat mi deuh lawng an um i ruahnak dang (alternative voices) tampi a um kho lai lo, cucaah intelligence service zong an thazaang a der kho i an ral sining tak zong an theih khawh lo nak asi kho an ti. Mah hi article ka rel lio ka lung ah a hong chuak dut mi cu; midang sining ttha tein theih ttung loin mah le mah izumh tuk cu mualphonak a rak si ti asi.

Nitlak lei ram pawl an thinphan mi – Britain le US nih Russia nih chemical weapon hman a duh caah “False Flag Operation” ai tim ko tiah an lunghrinh. False Flag Operation ti mi cu midang (ral lei kap) kha sual puh zau i kan ral nih cutantuk hriam an hmam caah kan luh a hau kan hman ve a hau ti i raltuk khi asi.

Nitlak lei ram pawl an thinphan mi cu; Ukraine ralkap nih nitlak ram pawl bomhnak he chemical weapon an hman tiin Russia nih sual a puh hna lai i a mah tu nih Ukraine mipi sin ah chemical weapon an hman sual lai ti kha an phang tuk. Cucu British Ministry of Defense zong nih ralrin peknak a rak chim lengmang (Sky News). Nato’s chief Jens Stoltenberg zong nih hi kong a thin phannak a chim ve.

UN ralkap bu ah commander a rak ttuan bal mi Oberst Bob Stewart nih, “Russia nih false flag operation hmang in khuapi chung ah chemical weapon a hman sual ahcun i kham awk a ttha ti lai lo, game over asi ko lai” a ti (Dagbladet). Russia ralkap pawl hi an moral a dawng ngai cang ti si.

Russia nih Plan B ah Ukraine airspace control khawh kha pakhatnak a hmuitinh asi nain a tutiang cu Ukraine’s air force nih an ven khawh rih caah lamhlat in Russia’s airspace in van kah mi lawng asi caah Russia ralkap pawl hmai an fon khawh lo nak bik asi ti si. Cucaah option dang um ti lo tiin chemical weapon a hman sual lai ti kha an phang ngai. Credit: Sangukceu Zinhlawng