Daw Aung San Suu Kyi Caah Cun A Fak Kho Taktak!!

Rampi Chawlehnak A Thancho Awktlak Cu A ThangCho Cang Mi Cu Mithmuh A Si-Min Aung Hlaing
====================
A tu chawlehnak a thancho awktlak a thancho cang mi cu kan hmuh khawh cang, tiah Min Aung Hlaing nih a chim. Min Aung Hlaing nih, ” Tuan deuh cozah kut chungah (NLD chan lio ah) ramleng in phaisa bomhnak an hmu, phaisa cawih cu an tong ko hna nain kan mah nih tuanvo kan lak chungah ramleng in phaisa bomh le phaisa cawih zong ton loin harnak lak ah rampi chawlehnak karhter dingin tuanvo kan lak i,

22.jpg

A tu ahcun rampi chawlehnak a thancho awktlak a thancho cang mi cu hmuh khawh a si.” tiah Myant pengkomnh ah a um mi (MSME) rian ngeitu pawl he tonbiaruahnak an ngeih lio ah a chim. International ram thil kuat nak kong he pehtlai zongin harnak vialte chungah tuanvo cu kan lak ii ramkhel buainak ruangah a chuak mi nih chawlehnak a thihkhaih mi lawng a si, tizong in a chim.

22.jpg

SAC Ralkap Motor 2 Bomb Puahhnawh An Tong, 3 An Thi I 7 Nih Hliamhma An Tuar, Sagaing ramṭhen, Monywa khuachung ah a lutmi SAC ralkap motor 2 cu November 5 ah Monywa khua luhnak sat-hmuh-zone lam thennak pawng ah bomb puahhnawh an tong tiah Golden Eagle Force Monywa – V 2 Bo Lyin Yone nih a chim tiah theih a si.

Tualchung hriamtlai phu hna nih bomb lung 5 kan puahhnawh hna, SAC ralkap minung thazaang 50 hrawng chungin minung 3 an thi i minung 7 hliamhma an pu tiah theih a si.

“November 5, zinglei suimilam 6:00 hrawng ah Monywa khua luhnak ah bomh puahhnawh in kan doh hna, SAC ralkap hna cu motor 2 ah khat tein an i cit i ralkap thazaang 50 hrawng an si, kar ceh in bomb lung 5 kan puahhnawh hna caah SAC ralkap 3 an thi i minung 7 nih hliamhma na tuar tiah” tiah Bo Lyin Yone nih a chim.

Tutan kahdohnak cu Golden Eagle Force-Monywa-V2, Springs Dove, Farmers Revolution Force(FRF UG battalion 9), Black Dragon Special Task Force le 5/UG Tsak Force (underground) phu hna nih an tuah mi a si tiah theih a si.

Khaikam Khua Pawng Ti Laaknak Ti Pipe A Kuai Ruangah Inn Pakhat A Cim, Chin ramkulh, Tedim peng Khaikam ah dinti caah ti an laaknak ti pipe cu November 4 chunhnu ah a kuai i ti tha a thawntuk caah Khaikam ummi chungkhar pakhat inn a cim tiah theih a si. Cu ti pipe cu Khaikam in meng hnih hrawng ai hlatnak tiva ah ti an laknak pipe a si i, sipin nih an tuahmi a si tiah theih a si.

Cu ka hmun cu atu le tu tiawk in ti pipe a rawk tawnnak hmun a si. Ti pipe line a kuai mi in a chuak mi ti tha a thawntuk caah thingkung pakhat cu a hram tiang ti nih a khoih caah vawlei cimhnak a chuak i inn cimhnak tiang a chuah hi a si tiah inn ngeitu nu nih a chim.

“Atu tiang ah cun tuanvo ngeitu an ra rih lo, ti lei riantuantu pakhat tu cu November 5 chunhnu hrawng ah a ra i, tlawmpal cu a remh ko na in atu tiang ah adang tuanvo ngeitu upa belte pakhat hmanh an ra lo. A tu hi kan inn a cimh cang caah kan inn pawng vaam a umlonak thlam pakhat ah kan i dor chung, a cimmi kan inn thing phel tu cu kan lak ko” tiah inn ngeitu nu nih cun a chim tiah theih a si.

A Voi 4 Nak Special Commando Traning Kan Lim Tiah CNDF Nih Cathanh An Chuah, Chin National Defense Force (CNDF) nih tuahmi a voi 4 nak special commando traning cu November 5 ni ah tlamtling tein kan lim cang tiah CNDF nih cathanh an chuah tiah theih a si.

A voi 4 nak special commando traning cu October 1 in November 5 ni tiang an tuah. Traning kaimi dihlak hi minung 26 an si i minung 16 nih CNDF commando rianṭuan dingin Bible ca he biakamnak an tuah tiah theih a si. CNDF nih a luancia September thla ah a voi 3 nak special commando traning an rak tuah i ralkap 45 an rak kai tiah theih a si.

Bohpyin Peng SAC Ralkap Le Tualchung Hriamtlai Phu Kar Kahdohnak Ah SAC Ralkap Hriamthil Tamlak Lakpiak An Tong, Taningtharyi ramṭhen, Bohpyin peng ah November 5 chunhnu ah SAC ralkap le tualchung hriamtlai phu kar kahdohnak a chuak i SAC ralkap hna sin in hriamthil zeimawzat kan lakkhawh tiah Bohpyin peng tualchung hriamtlai phu nih November 6 ah cathanh an chuah tiah theih a si.

Bohpyin peng Chaungmon khua kalnak lampi ah SAC ralkap motor cu bomb puahhnawh ding in bawh an si lio ah, kee in rallam sialtu SAC ralkap 15 hrawng an phanh ve caah bomb an puahhnawh hna hleiah suimilam cheu hrawng kaphnih kar i kahdohnak a chuah hi a si.

Kaphnih kar i kahdohnak ah SAC ralkap a thimi an um i, an hriamthil 60 mm kuan 7, kuan bawm pakhat, MA 3 kuanbawm 2, 5.56 kuan 200 kan lakkhawh tiah an cathanh mi ah an langhter. SAC ralkap kahdohnak ah ai telmi hna cu Kawtaung pengkomh tualchung hriamtlai phu battalion 1 le Bohpyin peng tualchung hriamtlai pah-kah-phah hna an si tiah theih a si.

Madaya (မတ္တရာ) Pengah Tualchung Hriamtlaiphu Nih SAC Ralkap Ngeihmi Mytel Tung An Hrawh, Mandalay ramṭhen, Madaya peng Tada-Oo (တံတားဦး ) khua um SAC ralkap ngeihmi Mytel phone tung cu November ni 6 ah kan hrawh tiah Naga Nyi Naung tualchung hriamtlaiphu nih cathanh an chuah tiah theih a si.

Tada-Oo khua Mytel phone tung pakhat cu November 6, zing suimilam 1 hrawngah Naga Nyi Naung tualchung hriamtlaiphu, Netsoe under ground phu, Mongoose Squadron MDY PDF le Kaungkin hriamtlaiphu fonh hna i bawm in an hrawhmi si tiah an langhter. Mipi zong nih SAC ralkap ngeihmi thilri paoh zuar le hman lo ding in an cathanh ah cun an langhter chih tiah theih a si.

Hlaingtharyar, Aungzaeya Hleidonh Pawng Ah YBS Motor 2 Hmaitonh In An I Pah Caah Minung 1 A Nunnak Liam, 30 Leng Hliamhma An Pu, Yangon ramṭhen, Hlaingtharyar, Aungzaeya hleidonh pawng ah YBS motor ngan 2 hmaitonh in an ipah sual caah motor chung cuang minung 1 a nunnak liam i minung 30 leng hliamhma an pu tiah mi bawmchantu nih an chim.

Nihin November 6, zinglei ah YBS 69 le YBS 61 cu hmaitonh in an i pah caah motor chung ummi minung a thimi le ai hliam mi an umnak hi a si i ai hliam mi hna cu mi bawmtu phu nih sizung ah an kalpi hna tiah theih a si. “Atu tiang ah minung pakhat a nunnak a liam, minung 3 hi an i hliam ning a fah caah an nun humhimnak caah thinphang a si ko, hliamhma tuarmi hi an dihlak ah minung 35 hrawng an si, Aungzaeya hleidonh tumnak zawn ah hi thil a can hi a si” tiah mi bawmtu chungtel pakhat nih a chim tiah theih a si.

Russia Ram A Chuah Takmi Russia Rammi Thawngin Georgia Ram Chawleh Chawhrawlnak A Thangcho! Russia nih Ukraine a tuk ruang ah Europe ram cheukhat nih harnak an ton lioah i tinh lo ning piin Georgia ram chawleh chawhrawlnak a thangcho ngaingai tiah theih a si.

Russia nih Ukraine a tuk ruang ah Russia mipi cheukhat nih an ram an chuahtak, a bik in President Vladimir Putin nih ralkap thar minung lak ding in nawl a chuah hnu in Russia mipi hna cu Georgia ram ah tam ngai an zam hnu in tukum chungah 10% chawleh chawhrawlnak a thangcho, tiah theih a si.

Georgia ram bank ngancem TBC bank hruaitu bik zong nih Russia ram in a rak zammi hna thawngin Georgia ram chawleh chawhrawlnak a thangcho ngai, tiah a chim ve. Georgia ram ah a rak zammi Russia mipi hi singkhat le thong sawmnga renglo an si.

A rak zammi hna nih Russia ram i an ngeihmi an phaisa an rak i rat pi hna i Georgia bank chung a thun hna, cu an thun mi phaisa lut hi US dollar nuai thong thongkhat reng lo a si, tiah Georgia ram tuanvo ngeitu nih a chim tiah theih a si.

Hriamnam He CDM A Tuahtu Ralkap Hein Zaw Oo Cu NUG Nih Tangka Kyats Sing 40 Laksawng A Pek, Karen ramkulh, Myawady peng um Kawbara ral lamsialtu hna sin ah KMY 2 in ralkap Hein Zaw Oo cu hriamnam he CDM a tuah caah NUG nih Kyats sing 40 laksawng ah a pek tiah theih a si. Ralkap Hein Zaw Oo cu meithal MA3 zun khat, Kuan box 4 le 5.56 kuan 100 he Sikpar [Nov.] 5 ah CDM a tuah caah NUG nih Laksawng a pek tiah Kawbara hriamtlai phu nih an thanh.