Dauchim Lam Ah Ralhrang Nih Nu 4 An Tlaih Hna!

Dauchim Lam Ah Ralhrang Nih Nu 4 An Tlaih Hna!
========
Nihin January 11.2022 Hakha , Dauchim lam ah nu pali an tlaih hna tiah kan theih. An hawikom pakhat nih “anmah pa 4 lawng an si kho lo men” tiah achim. An hawi pakhat nih a tanglei bantukin a Facebook cahmai ah a langhter.

Report rak kan tuah piak cio ulaw, Zaangfah te in. Tuni Dauchim lam lei ah tlaihkhih tong mi an si. Dam le him in kan i tong zau hna lai. Thla kan in cam piak ko hna.

Bungtlang I Ai Dormi Hna Hmurka; Bungtlang khua i ai dor mi hna hi September 10 in aphan mi zong an um hna, chungkhar in 70 an si i a milu in 301 an si, kum 7 tang 37, kum 17 tang 40, kum 35 tang 92, kum 60 tang 57, kum 60 cung 24, an si hna.

Bawmhnak ahhin khua nih voihnih an bawmh hna i, a milu zat ti’n um lo in chungkhar hoih in an rak bawmh hna, ahnu ah Pu Ni Chawn le Pu Thla Kam nih chungkhar hoih si lo in a milu hoih in bawmhnak an phawtzamh hna. Biaknak lei in CBC GS le AGS le Secretary an phan, TRIC zong nih an tlawn hna. CBC USA In Rev Sui Hliang, Rev. Ni Uk hna cu nitlak lai ah an phan i bawmhnak zong an pek hna hnu ah zaantlai ah an lan than.

MP pawl ahhin Pu Chan Ham cu nai te ah Thau a tlawng nain, Bungtlang i ai dor mi hna hi atong hna lo, Thau ah zaankhat ariah zongah akal pah in Bungtlang ah ai dor mi hna hi biaruahnak zong kan ngeih sehlaw mizapi zong kan i lawm hnga nain anih cu atang lo, alan diahmah ko.

Lo thingtuk ahhin khuami hi; Lo tuah, dum tuah zong an um lo duh le lo vah khawh zong asi nain kan i tim tuk hna lo aruang cu khuami zong nih dum an tuah tuk hna lo caah asi. Khuami a tuahmi um hna sehlaw kan tuah ve ko hnga.
Hika Bungtlang i aidor mi hna hi tuan deuh/ phakka nak in kan zor deuh kan rak phanhka ahhin khuami nih Covid zei ah an rel lo.

Cawimawi hna an tuah caah zawtnak tih in akir mi zong an um hna, acheu cu Hakha, Kalay hna ah an i thial i zorlei kan panh, asinain an thingram athat caah maw asi hnga zei dek, nithum li ah an dam ko nain, kum upabik hna hi zarhthum hrawng an kuah atu hi cu zawtnak athiang cang tiah tuanvo ngeitu nih The Federal Times ah achim.

Thau khua ahhin Dr Zing Hlei le adangdang hna an um hna, Dr Zing Hlei nihhin, Zahnak tlang, Vanzang tlang, Vailam tlang ti’n a kan tlawn khawhmi hi acung ah lunglawmhnak chimcawk lo kan ngei tiah achim chap.

Thawngthanhnak; Dawt mi kan miphun hawi hna (Kalay Lai Mino Bu) riantuan nak chung in Relief commitee nih kan unau hna ralzaam um nak ding caah hmun hma kan ser khawh cang, innhlang kho lo le chungkhat fuh panh awk ngei lo mi hna um nak ding caah a si, a herh mi ei din lei zong kan i bawm chan hna lai, a herhnak kip ah bawmhchanh kan i timh caah,thawngthanh khawh cio le share piak khawh kan zuam piak cio uh law.

Pehtlaihnak; 1. Saya Van Biak Tluang – ph: 09269926366; 2. Pastor Bawi Tha Thawng – Ph: 09262766911; 3. U Bawi Tei Cung – Ph: 400309607; 4. Val – Van Bawi Lian Rum- Ph: 09968815306; 5. Leng – Sui Hlei Tial -Ph: 09963295896.