Dalaan pa nih Bible Cacaang lak in a kan tukforh cang!

Chin le Khrihah unau hna!
========
Salai Lungthli Tum hi kan Laimi ah zohchunhtlak Pakhat asi. Laimi caah Thil ttha tampi a rak tuahtu a si. Atu taan ah zeibaktuk ruahnak le thluah in dah hi tluk ttihnungtukmi Bible cacaang i lak riangmang in bia a chim hnga?

Pathian A Ttih hnga lo maw? Na Chin miphun maw na dirkamh lai. A kan thatthluahmahmi rallokap Vawlei cung ram zapi nih sualphawtmi dah na ttan lai? Dalaan pa nih Bible Cacaang lak in a kan tukforh cang. Sehtan zongnih Bible cacaang lak rianghmang in Jesuh a tukforh ve kha nan philh maw?

A ho paoh hi a palh kho kan si a dik/hman ko. Asinain, Salai LungThli Tum cattialmi a dik/hman tiah a ttial tu pawl hi Chinram le Yangon ah chungkhar ngei lo maw an si ziah mah tluk in hlen nan fawi? Zei tin dah Dalaan pa Cattialmi hi na zumh peng?

Chinram le Yangon khuasa na chawnh ko hna ah cun Dalaan pa Biachimi hi na zumh peng rih ko lai maw? kan mah unau chungkhat sin in a ra mi bia nak in Midang chimmi zumh deuh phung cu a si hnga maw? Salai LungThli Tum Cattial/ chimmi a like tu pawl, Laitlang ah unau na ngeih ti lo zongah, chungkhat tal cu na ngei hrim a fiang.

Na chungkhat chawn hna law an konglam nangmah pumpak in theih i zuam tuah. Na tha thut tuk ruangah lih bia na cungah tamtuk a lut cang hih. A kan that cuahmahmi kan ral tuk caan asi cang. Chinmi caah na dir huam lo ah cun Midang tha chiahnak chim/ttial lo rak i zuam.

Kan Chin mi tampi nunnak thap in freedom an kawl lio ah Lih in phaisa kawlmi nan um rih hi cu ngeih chiatuk a si.
Freedom kanngah tik ah nan tuh bang in nan zuun te lai! Salai Lungthli Tum. Minung pathum umnak lakah Minung pahnih an i sik ah cun, a si lomi pa umnak/position cu a nuam. A ruang cu a si mi pahnih nih an ziavialte lak i a ttha bikmi in an chawnh.

Pathian ka ttih le ttih lo ah kan buai bak lo. Salai LungThli Tum nih Chinmi tlawmte thachiatnak a chimmi kongah nan i zumh tuk mi ka ruah ah Ka lung a fak bak. Khoika country hmenh nih Hruaitu an ngeih. Cu i Hruaitu cu a ho dah an si Kan Chinmi chungin? Nangmah le Salai Lungthli Tum hi Khoika profet le Ralbawi dah nan si? Credit: John Tz Thang

Moses nih cun a ral kha tei ding le tei lo ding a tuaktan hmasa, Joshua bel ai chuahsual. Kan pale tampi nih Israel miphun ral an tei nak le an ralthatnak lawngte an chim tawn i zumh sual a fawi ngai. Ral an sunghnak le an ral an ngamh tuk sual caan ah zohchia in an i chuahsual a tampi ve timi theih a herh.

Moses nih kamhmi ram Canaan kha lakhruak in a luh hnawh lo. Spy 12 a thlah hmasa hna i an ral thazaang le fawi tein tei awk an tha maw timi kha ni 40 chung an zohfel hmasa. Spy 10 nih tihnung tuk rih, an ralkap tei awk an tha rih lo tiin ruahnak an pek caah hruaitu tha a si bantuk in Canaan ram cu rianrang a lak lo kha a si.

Ram car ah harnak phun kip tuar buin kum tampi timhtuahnak an rak ngei. Moses a thih hnu lawng ah Joshua nih kamhmi ram a luhpi hna kha a si. Joshua zong raltuk a thawn tuk caah ral a sung kho lo ding phun in ai ruahsual bal ve. Ai timi khua kha ralkap thawng an ngei lo, fawi tuk in kan tei ko lai tiah a ngamh tuk sual. Timhtuah nak tha a rak ngei lo, ai ralring lo.

A ralkap tlawmpal lawng a thlah hna i Ai khua cu an tuk, nain Ai khuami nih an thuat ciammam hna i Joshua ralkap cu zamnak hmanh an rak thei lo. Tampi an thi. Zohchia taktak in an sung. Cuti zohchia tuk in an sungh hnu lawng ah Joshua cu a ngaihchia tuk i vawlei ah bawh in a mitthli he Pathian sin ngaihthiam a hal than kha a si. Credit: Salai Lungthli Tum