CNA Ralbawi Lak Ah Minthang Paraltha Lt. Colonel Sang Lian Thang Nih Mual A Kan Liam Tak.
=================================
July 5 2023 ah Chin Miphun Ralbawi lak ah minthang paral tha Lt. Colonel Sang Lian Thang ( Sang Cem) nih a dam lonak in Aizawl Sizung ah an kan liamtak tithawng ka theih cu ka celh loh.
Nai te tiang kha Lingkhar Operation ah Miphun ralkap hna sin ah a um rih . Na pamtuk e maw kan Miphun paraltha ralbawi lian aw. Dai tein i din ko cang law.
Khuaza ramkip a um mi Chin miphun hawi hna CNA ralkap Major Sanglianthang nih a tute a duhdawtmi Chin miphun hna a kan kaltak (thihtak) ti thawng kanin than hna. Thawngtlingin a hnu ah kanrak than than telai. Ngaihchiatnak he!
CNA Ralbawi Col. Sang Cem hi kum 33 renglo CNA ah aum cang mi a si i kahdohnak zongah hmai ah a hruai peng tu hna a si. CNA Ralbawi Col. Sang Cem cu damlonak ruangah nihin July ni 5 zaalei ahkhan, Aizawl siizung ah atubantuk in ruahlo tuk in a kan liam tak hi a si.
CNF/CNA dirh kaa thawk ti awk in ai telmi le mihlun kan pa le hna lak ah kan bochan tukmi CNF CNA Ralbawi Pu Sang Lian Thang (Pu Sang Cem) nih a kan thih hih cu Lung a faak tuk ee. Pu Sang Cem hi a rank zong a saang taktakmi Ralbawi ngam a si. Senior pakhat kan sungh si caah a poi khun. Amah a thihnak
A ruang hi an chim ning ah cun Chunglei damlonak in a si i, Aizawl Siizung ah chunglei dam lonak in tuchun July 5, 2023 ah a dawt tukmi a innchungkhar le a miphun cu kaal taak in kan Pathian sin ah a kan dinh taak e. Chungkhar dawtmi cingla rualchan vialte Bawipa nih in hnem ko hna sehlaw.
Kahdohnak ruang le SAC ralhrang nih lam phihkharnak ruangah Chin ramkulh thlanglei Paletwa peng chungah thilman a let hnih in a kai tiah tualchung mi hna nih an chim. Paletwa peng chung phurhtlunh nak lam hi tlanglam in Pakkuko-Matupi-Paletwa le tilam in Rakhine ramchung Kyuak-daw (ကျောက်တော်) peng lawng in luhchuah nak a um.
Hi lam 2 cu SAC ralhrang nih phihkhar le caan rikhiah lawngin an on caah eidin, sii-ai le thilri dangdang hna cu a let hnih in a man kai hi a si. “Tlang lam cu an ong lo an phihkhar dih, tilam tu hi Kyuak-daw (ကျောက်တော်) lei in tilawng hi zarhkhat ah voi 2 hrawnglawng an luh ter. A hlan ah cun ti lam le tlanglam he an on i thilman zong a din i duh ning tein kan rak ding ei kho,” tiah Paletwa khua mi dawrngei pakhat nih a chim.
Paletwa peng chung um mi khualtlawn le phurhtlunh nak tuah duh ah penguk zung ah nawl an hal hnu lawng ah luh khawhchuah nak nawl pek an si. “Lam an phihkhar hnu in Facang tunkhat ah 80,000 in kan ei tawn mi cu a tu ah cun 180,000 tiang a phan cang. Dawr ngeitu zong nih an duh ning paoh in thil zuar a si. Khualtlawn duh zongah penguk zungah nawl halnak ca chiah ta a hau,”tiah khua mi pakhat nih a chim.
“Paletwa khuachungah ralzam in aa dor mi minung 6,000 leng an um i mah hna caah WFP nih eidin a bawmh hna nain thilman a kai tuk caah sii-ai cawknak caah harnak an tong”tiah ralzam camp um pakhat nih a chim.