CNF nih Chinland Cozah kan si tiah an rak i ti tawn. Lung a rak hmui ngai!
===========
Hihi kan ser t’ung lo ahcun kan dothlennak nihhin Chinland hi failed state ah a canter te khawh dahkaw. Afghan, Libya le Syria bang khin. ONE COMMAND/BUDGET; 1. Chinland Cozah ngeih kan herh. 2. Chinland Cozah tangah Defense Ministry. 3. Defense Ministry tangah Ralkap vialte um dih ding.
Defense Ministry kan ngei lo ee. Ralkap belte CNA le CDFs tiah phun 2 kan ngei hna. CNF nih Chinland Cozah kan si tiah an rak i ti tawn. Lung a rak hmui ngai. Nihin ah Chinland Cozah kan si tiah an ti ngam hoi ti lo, Chinland Cozah ngeih kan herhtuk leisangah Chinland Cozah an si t’han ti lo hi a poi. Federalism aa sehchihlomi NLD MPs pawl khi nihin kan herhmi Chinland Cozah ah sawm ding hmanh an tlak lo. CNF nih Interim Chinland Cozah dirhmun an lak ngắm a herh ko hih! Pahchih ngamh a herh.
Interim Chinland Cozah kan ngeih khawh ahcun CNA ah CDFs hi lut dih hna seh timi hi chim le ceih hmanh a hau ding khi asilo, Defense Ministry tangah ralkap pohpoh an um ko lai. A lut duh lo an um ahcun mipi nih paisa pek ve lo ding an si ko lai. Mipi nih Chinland Cozah sinah paisa kan pek lai i Finance Department nih a herhning in fund a von phawtzamh lai. One Command & One Budget in kalnak lam cu Interim Chinland Government ngeih hi a si. Bia i el lengmang hi caan a paam.
Interim Chinland Government an ser khawh ahcun CNDF zong Chinland Army ah tel khawh nan i zuam ve a hau lai, Rev Dum fapa na si si! CNA supporters le CDFs supporters kar hmanh ah a hnok ngai. Nan, unsolvable troubles le problems a um lo. CDFs le Chin hriamkai bu kip in tel dih a hau ko. Minority Rights protect le defend a tuahtu ding Chinland Structure a dirpitu Federalists hlir an si ko cu.
CBCUSA nihcun Interim Chinland Government a ran khawh chung ser ulaw a herhmi budget zong kan in kawl piak hna lai tiah kan forhfial hna nak a sau tuk cang. Hriamtlai bu vialte nih hmunkhat ah to in khua an khan a herh ko. Forget the non-federalist NLD MPs at least for now! They will just keep dragging backward instead giving helping hands.
CNF nih all inclusive in hriamtlai bu vialte he tonnak tuah a hau. Federal State ser an kan thokpi cang a hau. Hmailei i a kan hruaitu ding hna nih an ke phau lo in a hnuh in an hnuh lengmang cu. An duhmi an tuah khawh lo caan poh ah mipi tu puh lengmang.
NUG cu NLD replica a si ko khi! Kum 2 leng kan kal cang, Union Structure le Draft Constitution hmanh an chuahpi khawh lo hi! NLD nih mawnghmi Puppet Federal Government. Their concept on Federal Union is far below from our dream of Federal Union. Cu ruangah si Interim Chinland Government neih kan t’ul. Seh le kheuh a um ti lai lo, Federal Chinland Government kan ser khawh hnu ahcun. Atu cu lu a neilomi riantuannak chungah kan buai cu.
Federal State chungah khuasak a duhmi lawngte an si. Bully tuah an duh lo. Mah inn, mah khua, mah hmunram ah zalongtein um cio an duh. Minority Rights defend a tuahtu Cozah ser kan hau. Anmah nih an i thiim ahcun Autonomous Regions in umter cio ding, resource sharing ah an minung zat zoh in phawtzamh ding. CNF rumro kan thlirmi nih Federal Ram Nuam a ser kho lai lo. A hmebik group tiangin an duhmi kan tinter ve hna a hau, an aw kan theih piak hna a hau.
Federalism a thawtnak cu Minority Rights defend a tuahtu Cozah a si caah a si. CNF kha minority groups naannak ah a si lo ding a biapi tuk. Min Aung Hlaing sermi lungtum pathian on ni ah Kyaukme Sayadaw nih a kutthei pathum a thlir i thil phun thum a cawn piak hna bangin three points hi Chinland caah ka hon chuahpi ve khi a si. Credit: Zammang Mualcin