CNF mawhchiat can asi lo. Mipi nih pei tu bantuk in tha kan rak pek hna lo cu!

Na tah hram thawng Kwepa theih ter hlah mu!
==========
2000 Kum in CNF caah nu ka si ee ti loin khua ramkip ka nau le he kan vak. Khuaram kan cul. Krihfa bu, khuatlang hruaitu mit ah va cek tia hmanh in hmuh kan rak si lo. Cheu khat ahcun inn kai hmanh sianh kan rak si lo. Awk awk fak fak in CNF arak dir. fund Kawl tu zong awk hlawh kan rak lo. Hmurka chia zong tampi kan rak in.

2005 in 10 karah cun US lei minung an vun karh. A vun thawng hnik cang. Chinland club a hung chuak. Nain CNF meeting Sihmui Aizawl ah supreme council chan kan pale tling khitkhat meeting kan rak thu hna. Theisein peace agreement minthut lai can arak si.

Meeting chungah mah bia hi ka rak chim. Peace talk cu kan tuah zongah “Ralkap cu hriamnam khawhnak caah can an hman lai. Acan a rem in Anna lak thannak can a zoh lai. Asi lo le ASSK a tuan khawh tilo cun Anna an lak than ko lai. A Zei an va tuah zong ah hi can chungah hin CNF zong hriamnam le Ralkap sersiam kan herh.

Kan Ralkap hna hi Kawlram ralkap bantuk in hlawh tha Te pek i thawng ding in Rian pakhat bantuk in recruitment kan tuah a hau. Hlawh tha tein an neih i family tiang dirh kho in an settle khawh tiang in system ngei tein rian pakhat ah kan ser a hau ka rak ti. Asi nain Nubia cu arak man lo. Supreme council member kan pale cheu khat nih arak chuak. Capo tu ah arak saimi zong an um.

Ka tlun in indianna khawmpi ka va zawh. Conference ni asi lo le khawmpi chung ah minute 20 Te tal biachim nak can ka pe ve ko uh tiah ka rak hal. Asi nain zan pumh dih hnu ah khuakip in arami nubu upa chim te hna tiin pumh dih hnu can ka hmuh. Kan nule cu Thaizing hla remh ding cawng ding an si caah minute 5 can ka rak ngei nain pumh tian lio si kaw hna a chet tuk i minutes pathum hmanh chim khawh asi lo. Thli lak ah a lo dih.

Mithli Te he Texus ka lan. GCCF conference arak zawhmi tlawmte sinah ka ca tawm chung in tlawmpal ka kuat hna. CNF ah timhtuah le Ralkap recruit kan herh zia mino nupa hruaitu thong tampi sinah chim kho loin mithli he khua ah ka kir. Mah lio can ahcun Vulei ramkip Chinmi umnak ah CNF nak in India unau an rak sung deuh. Tu cu kan harnak ah dawtu an si ve ko. Bawipa timhmi zong asi kho ko.

Cu hnu ah CNF cu ramkip khuakip Krihfa bu le nubu Kip le pumpak Kip nih dawtnak a thang ko nain Ralkap recruit tuah kho ding in tu bantuk hin thangphoknak arak herh tuk mi cu kan rak ngeih cio lo in a lang. second or third important ah kan chiah cio bik ko rua.

Dream ka rak poimi a tlamtlin lo ka ruah ah Israeli Nu ral tha Pi Gold Damaire ka hnah a chuak. Anih cu Israel independence kong ah $10 Te he Chicago airport a tum nain Jews pa pawl le mipi nih achim phuan nak hmun an pek i a bia zong an ruah piak ngai.

2011 in 20 tiang Ram a dai. Mipi kan hna ngam. Mah Thanchonak innlo hnipuan khuatlang kan ser. Miphun Ralkap zeizong Kip in thazaang a fek lo. Hlan lio can ah khan kan Ralkap hi rak tim tuah deuh hna usih law cu nihin ahcun kan thawng ve ko hnga. Atu ahcun Ram sining nih a kan nokchih cang. An si khawh chung in an tang an cawl ko bu ah a hlan tein hram kan rak phumpi ti hna lo.

Kan ing kan tuar ko. Kan mithli a tlak tiang ral nih khatlei khatlei a kan nok. Mipi kan lung fim ko cang seh. Can a um ko rih. CNF mawhchiat can asi lo. Mipi nih pei tu bantuk in tha kan rak pek hna lo cu. CDM hnu ah thih khuhbahceh in an cawl cang. Mino a thawng in thla tlawmte chungah hriamnam khon cia mi um lo buin heh tiah hmai an nawrpi ko hna.

Hriamnam damh chom an ideih lo. Training kai chung experience zong a tawi tuk. A Kum Kum in training pekmi le hriamnam khat thup in ronhmi ral chia hrang an dirh onh ngamni Chin pasal tha thinlung tu hi 100 ah 200 thlop rih ko hna usih.

Hmailei can tampi chan tampi a um rih. Kan tah hram thawng kwechia nih thei hin hna hlah seh. Tu hi cu kan Ralkap mawhchiat can asi lo. Mipi tu hi Kanmah le Kanmah kan i mawh chiat ding asi. Miphun caah Thil biapi bik biapi ah kan rak chia lo cu ta. Kan Ram sining cu 1962 in 1970s le 1988 base in kan hmuh cia dih asi. Kewchia cu Anmah ziabon asi lai ti hi general cun kan fiang cio ko cu mu.

CDF zong CNF he 100% kut sih in Chin Revolution Army min puitling bunh in Chin Ralkap bu nganpi ah ser hna usih law zeidang vialte nakin Chin Ralkap a nganmi le a thawngmi sersiam chin izuam rih ko hna usih. Atu ahcun kan tap kan hram. Thaizing ah Ni a chuak Te ko lai.

Na tah ai hram thawng maw kewpa theih ter lai ci mu. Chin Miphun Cu Kawlram Funtom tu kan rak si. Bawipa dawtmi a kawlmi a sersiammi Miphun kan si. Tang ti rih usih. I mawh chiat hlah usih. Can tampi a um rih. Tap hlah. Na lung tu thawng chin ko seh. Credit: Sayamah Sui Chin