CNF/CNA nih dothlennak (revolution) an tuah chung ah “Laimi Kan ral nganbik”!

“Laimi Kan ral nganbik”
===========
“Laimi (Chins) kan ral nganbik hi zeidah a si?” tiah Hakha Bible Conference, kum 30 hrawng a rau cang mi ah Rev. Dr, David Van Bik (tleicia) an rak hal i “Laimi kan ral nganbik cu ZU a si” tiah a rak ti hna. Mah lio ah cun ka lung a rak tlingtuk lo nain a tu ka ruah nolh tik ah a diktuk, a hmantuk, ka lung a tlingtuk ka ti ve cang.

CNF/CNA nih dothlennak (revolution) an tuah chung ah lai mipi le CNA/CNF lak kar buaibainak ah siseh, an ichuahsualnak le an nunnak tiang a liam tawnmi zong ah siseh kan cuanh ṭhan tik ah, ZU kong ah hin a tam ngaingai. Dothlatnak (research) tuah hau lo in ka hmuhmi le ka theihmi hi ṭial ning law, Muko Magazine tluk cu fawite in ka ṭial khawh lai.

Kan khua, kan veng le kan sang, kan chungkhar le rualchan-cingla cio zong ah ZU nih zeitluk indah hnahnawhnak le harnak a kan pek ti zong chimding a tamtuk ko nain Laimi caah cun chim hmanh hau lo in kan mithmuh le kuttongh le kan hngalhdih cio mi a si ko caah ka chim duh ti lai lo.

Hlaphuahtu nih “Minung ral lian le Pathian ralchanhtu, sifah retheihnak kan hmuh mi vialte; Chantawitertu lainawnnak le ram chiatchuahtu sualnak vialte hram ZU a si” tiah a ti. USA le Australia ti bantuk ramṭha kan ti mi zong ah Laimi Zu nih a kan thah mi le chungkhar a kan hrawh mi kan tlawm te ti lo.

Cu a si caah “ka dawtni CNF/CNA, CDF, CNDF, le local PDF vialte nan bu in a si ah nan mah pumpaak in a si ah a tu dothlennak (revolution) nan tuah lio ah hin Zu hi rak ding hrimhrim hlah u tiah” zaangfah kan nawl hna. ZU nan din lo ah cun teinak hi nan hmuh hrimhrim lai tiah zumhnak le ruahchannak nganpi ka ngei. Zei caah tiah “Laimi cu Pathian zumtu kan si caah le zumtu thlacamnak cu Pathian nih a kan leh tawn caah a si.”

Laimi kan ral nganbik Zu hi a tu thawk in Laimi kan phunpi ning in doh izuam hna u sih. Cu hnu ah kan ral cu pakhat hnu pakhat in kan tei thluahmah ko hna lai. Hi bia hi “Pathian nih kan Laimiphun ral teinak, luatnak, le damnak caah thluachuahnak kan pekpiak ko seh. A men.” Credit: Mang Chawn Hniarlawn

Rev. Dr. David Vanbik bia ka philh khawh lo mi pakhat. Zu um lo nak i zu ngol cu zu ngol si lo e. zu a tamnak i zu ngol (din lo) khi zu ngol asi e a ti. Zu din cu in chung khar ca zong ah hna a hnok tuk i fa le ca zong ah zaang fak an si. sehtan nih ZU in a kan hrawh, a kan fir. Pathian bia nih ZU cu nanmah hrawk tu lawng a si a ti ko mi hi kan zum kho lo. sehtan nih ZU in a lente a kan celh pi i a kan hlen diam. Poi tuk e.

Pa a Simi poh nih zu din phung tiphun, Zapi nih le Zudinga luan deuh cg pawl lg misual hmuh I hmuh i camp ah kaiter. Ka piangthar an ti I tlawmpal ah a duhtuk mi zu an dg than. Pastor nih zu din phung c lo ti I Pastor tu duhchung in a zizut.

CNA pawl hrim zu an din ti thawng ka theih caan ah ka thin a hungtuk tawn.Ram caah a pemi ziah zurit bu in mi he an I chonh hnga, Caandg I an din zg ah mi he bia I ruah lai ah lungfim ten um dg a si. Ram dg ummi zong zuding Nan tam tuk, ka khuaruah a har. Pathian nih ramnuam an phak ter hna I ramdg ah Chun le zaan hman theilo in zuri, Riantuan lo I zu dgmi, tampi kan hmuh. A tu lio hrim ah CDF, CNA nih zu din rak I sum sehlaw ka duhtuk ve.

Johan 10:10, Mifir cu fir duh le thah duh le hrawh duhah ara. ati bang Kan ral pa sehtan nih Zuu in kan nun a fir, Zuu in kan nun a thah, Zuu in kan nun a hrawh, cucaah kan mipi ralkap nih asi khawh cungin zuu cu kan hrial piak ko u tiah ca tialtu bia hi ka van bawmh duh ve. Credit: Mang Chawn Hniarlawn