CNA Ralkap Bawino Pakhat Nih Ram Le Miphun Caah A Nunnak A Pek!

Zualko: CNA Ralkap Bawino Pakhat Nih Ram Le Miphun Caah A Nunnak A Pek!
==============
Chin miphun le ram caah na nunnak dihlak le na sining dihlak in rian na tuan i, Chin mipi thazaang na rak pek tawn kha philh ni a um ti lai lo. Chin National Army Bawino upatnak sang bik kan in pek. Chin miphun nih na tuanbia tial takmi chim peng a si cang lai.

Miphun Le Ram Caah Nunnak Liammi CNA Ralkap. November 6.2021 Thantlang khua kahnak ah CNA in Trainer Soe Lin Naing a nunnak aliam, minung pahnih hliam an tuar tiah kan theih. Ka celh bak lo.. ka zum kho lo ka ngeih chia tuk firend kan si chap a pam tuk ee.

Ralhrang lei in thi le hliam zat theih asi lo, ralhrang hriam in Thantlang ah inn 7 hrawng akang chap tiah kan theih. Thinlung a fak bak ko, kan ngai tuk hna na bia in a dih dong ko mu pasal tha.

Thantlang Kahdohnak Ah CNA Pakhat Nunnak Liam, Pahnih Hliam An Tuar. November 6.2021 Thantlang khua ah CNA / CDF Thantlang le Ralhrang kar kahdohnak a chuak, Thantlang ralhrang riahbuk cu CNA/CDF Thantlang nih tuzing ah an kah.

Ralhrang lei nih hriamngan an rak kah caah TABC ngaktah sianginn telh in inn 4 a kang, ralhrang lei in a thi mi le hliam a tuar mi zat fianghlang in theih asi lo CNA in Trainer Soe Lin Naing a nunnak aliam, minung pahnih hliam an tuar tiah kan theih.

Kyunhla peng ralhraang le PDF kar kahdohnak a chuak i ralhraang 25 hrawng a thi mi le hliam tuar an um. Sagaing ramthen Kyunhla peng Ayechianthar khua ah November 6 zing suimilaam 9:00 hrawng ah hmunhma thianh ah a vaak mi ralhraang thazaang 200 hrawng le Kyunhla PDF kar kahdohnak a chuak tiah kan theih.

Kyunhla PDF nawlngeitu pakhat nih “Kaphnih kar kahdohnak voi hnih a chuak i ralhraang 25 hrawng an thi lai, kanmah lei in pakhat le khuami pakhat hliamtuar an um. Ayechianthar khua Nitlak lei cu ralhraang nih an khangh caah mizapi kilvengtu phu nih khuami cu kan chanhchuah hna” tiah a chim.

Ralhraang nih Ayechianthar khua cu hriamngan in an kah caah inn hnih a kaang. A voi khatnak kan i kahnak hi Innhla le Ayechianthar khua kar ah a si i ralhraang 20 hrawng a thi mi le hliamh mi an um tiah chim. Ayechianthar le Leiksintaung khua kar ah a voi hnihnak kahdohnak a chuak than i ralhraang 6 hrawng hliam tuar an um than tiah Kyunhla PDF nih an thanh.

Ralhraang nih khua chung ah hriamngan an kah caah khuami cu an zaam hna tiah tualchung mi pakhat nih a chim. Khua phungki sianginn i a taang mi nu hna cu an tulkvelh hna i an checkhlat hna. Khua phungki lutlai i phone le ralzaam hna phone an chuh dih hna tiah a chim.

Ralhrang nih inn khangh le thil firpiak a tong mi Thlanrawn khua caah thlacamnak he thilri bawmh! Falam Baptist Association (FBA) hruainak in Ralhrang nih inn khanghpiak le thil firpiak a tong mi Thlanrawn khuami ca thlacamnak le thilri bawmhnak cu November 6 ah an tuah, tiah kan theih.

“Hi thlacamnak cu Thlanrawn Baptist Biakinn ah an tuah i FBA OC nih an telpi hna. Cun, Khrihfabu, Zaatlang Bu hna le pumpak tibantuk nih thilri bawmhnak thawhkhawm mi zong pekchanhnak an ngei,” tiah FBA nih an facebook cahmai ah an langhter.

Falam Peng, Thlanrawn khua cu October 14 le 16 lio ah Ralhrang nih inn 13 an rak khangh. Hi inn 13 ah hin chungkhar milu 71 an um, tiah kan theih.

Ralhrang nih khangh mi Rialti khua thianhhlimhnak le thlacamnak tuah. Nihin November 6 ah Ralhrang nih khangh mi Falam Peng Rialti khua a kaang mi pawl thianhhlimhnak le thlacamnak cu Rialti Baptist Biakinn hmunthing ah an tuah, tiah kan theih.

Falam Baptist Association Zung riantuantu hna, CCIT Bible sainginn in tuanvo ngeitu hna le Rialti khuami hna tiin thiamhhlimhnak le thlacamnak an ngei, tiah Chinland Herald News nih a langhter.

October 14 lio ah Ralhrang nih Rialti khua cu inn 13 chung ah inn 11 an rak khangh i khuami hna cu Lailun IDPs camp ah an i dor lio a si, tiah kan theih. Credit: The Hakha Times