CNA le CNDF nih Lumbang khua pawng ah ralhraang motor phu bomb panga in an puah hna i ralhraang pahnih an thi!

CNA le CNDF nih Lumbang khua pawng ah ralhraang motor phu bomb panga in an puah hna i ralhraang pahnih an thi
=============
Chin ramkulh, Falam in Kalaymyo lei ah a tum mi Council ralhraang motor 15 cu nihin, October 30, zinglei suimilaam 11:00, Lumbang khua lonh ah CNA le CNDF i bawm in bomb panga in an puah hna tiah CNDF Chimphuannak Nawlngeitu sin in theih a si.

Bomb nih ralhraang motor pariat a khen hna i ralhraang pahnih an thi, 15 hma an pu tiah thawng theih hmasa a si.
Tu zaanlei suimilaam 5:30 ah motor pathum in ralhraang 30 cu Tedim khua chung ah an rak lut.

Falam Peng Lumbang pawng ah CNA+CNDF nih Kawl ralkap 2 an nawn hna. Nihin October 30, Falam in Kalay lei ah a zuang mi Kawl ralkap (Ralhrang) pawl cu CNA+CNDF nih bomb an puahhnawh hna i 2 an thi, tiah theih a si.

Hi Kawl ralkap pawl hi motor 15 hrawng in Kalay lei ah a zuang mi an si i Falam Peng, Lumbang khua an lonhka hrawng ah CNA+CNDF nih bomb voi 5 an puahhnawh hna. Motor 15 hrawng chung ah motor 8 an khen i minung 2 an thi, tiah theih a si.

“A leem phuum hna lai – Rim chiah ding an si” Min chim ngam lo pastor pakhat cu, Khawmpi khual tlun zaan lengmang ah voi 3 kheengte Thawngtha chim an thiah i, a voi 3nk, biahmaithi ah hitin a rak chim bal. “Tuanvo ngeitu nih kan khawmpi ah tu zaan caan bantuk Thawng tha chim an ka coh hi a lungthu bunh an tlinh cang ca ah, an i ralrin lo ahcun, keimah pek, anmah pek a kan leem phum sual lai” a rak ti.

Cu ve bantuk in, Kawl ralhraang rual nih tutan ral thawh i an zia cu, khua kip nih khua chuah taak a si tikah inn khangh, thilri fir, satil thah, Biakinn ah um hmun khuar lengmang a si. An tlun tikah thilri khat lak Motor ah khumh in chungkhar tlunzoh ah Kawl rawn lei ah an i tlunpi lengmang ca ah, duh herh zalhnak ah hman timh dawhdang kan si cang ko.

Hiti hin a leem phum cang hna i mizapi a kilvengtu kan ralkap lei nih, rim chiah lak in doh lo ahcun mizapi zong nih raal thawh cu a phung a si ko ti in ruah sual a fawi te mi khi a si. Mizo National Front (MNF) lio ahkhan. Aizawl khuapi kha Bomb in an khangh. Cun Mizoram pumpi in Curfew an tuah tik ah Mizoram mizapi chanhtu ding ah, Pakistan in MNF Intelligent a si mi, Lalhleia le Thangrehlova hruai mi minung 5 Mizoram Aizawl khuapi an phan.

Mizoram i a ngan bik Palek lutlai (Kala) minung 3 an zung chungah luh hnawh zau in an thah hna. MNF tlaih mi thongtla pawl zong an chuah dih hna. Rim an chiah hna hnu ceo in Mizoram curfew kha phoih a hung si. Mi sawhsawh thah, tlaih, hrem, thong thlak an si ca ah, an tlaih, an thah, an hrem mi hna an chungkhat, fanau hna nih, an i tuar ti ve lo i, MNF ah an lut thluahmah ve.

Tleicia miroling Hrang Nawl nih a rak chim mi cu,” A ka hringtu kanu kha ka hmuh hngan ah, Kawl ralhrang nih, tlaihhrem hna sehlaw, ka zoh sawhsawh ko hna hnga maw?” a rak ti bal ve. Kan ton lai mi hmailei caan ah Kawl ralhraang nih a leem phum cang hna i atu bantuk in zoh sawh peng an si ko i rim chiahnak a um lo ahcun, mizapi zong nih “raal thawh cu, a phung si ko” ti in, kan ruah sual nakhnga lo teirulcham kan herh ko.

An nun ning hi khuachia nun zia a si ca ah Jesuh zong nih khuachia cu a doh, a tthawl ve ko hna bangin kan Chinram chung hin tthawl le dawi i zuam kan herh. Khua kip in hriam le naam kan ngeih chun cio he doh kan herh ko. Zei cah tiah…A leem phum hna lai hih…