Chin miphun mipi nih CNA cu kan support bal ma?
==================
CDF/ cu Myanmar rampi nih PDF an dir cio tikah dir ve mi asi., CNA an tlamtling lo mi hi Chin Mipi kan tlamtling lo nak asi., Chin miphun mipi nih CNA cu kan support bal ma? nangma catialtu pa zong nih CNA/F caah Dollar ting zeizat a pek bal ti kha ruah kan hau? CNA um lo hna sehlaw Chin ram ah CDF hna khi adih nak asau tuk cang lai.
CNA cungah i lawm tuk ding an si, kan unau CDF an um ve dakaw. an mah kan siang hna lo ruangah asi . Salai nih ara ti bal kha ,Kan CDF pawl tampi athanhtu nan si nan mah pawl hi.,.CNA hi an thih lai lo kan ti duhnakk asi lo nain CNA cu Raltuk nak ah kum saupi caan ahman cang mi asi.
raltuk zia zong an thiam deu lai i, i ralring zia zong an thiam deu lai caah CNA Command tang te ahhin um hna sehlaw, an policy le an order te hi zulh hna sehlaw an him deu lai. Tulio hi Chin Miphun kan i fonhtawn caan asi cang. aherh tuk lio zong asi ti zong hi theih ko. Adang rih mi Church kong, Pengtlang kong he tachun ding asi ko. Crd-Salai Cung. Zasang Cinzah nih a post mi ah Salai Cung nih lehnak a tuah mi asi.
Bago ramṭhen, Kyauk-kyi peng, Nat-than-kwin khuapi khuapi ah SAC ralhrang le tualchung hriamtlai phu hna kar ah kahdohnak faak ngai in a chuak. Cu kahdohnak ah SAC ralhrang 10 leng an thi pinah hriamthil cheukhat zong kan laak chih khawh, tiah mipi ralkap BPDF-Yoma nih June 7 nihin ah cathanh an chuah.
“June 6, zinglei suimilam 4:00 tluk ah Nat-than-kwin hmunram palik sakhan kahdohnak ah palik 2 an thi 3 nih hliam an tuar. Cu pinah Sit-taung tiva hleidonh bomb puahhnawhnak ah SAC ralhrang lei 5 an thi 4 an tlau. Tagundaing (တံခွန်တိုင်) kahdohnak zong ah SAC 3 naak tlawm lo an thi, hliam a pumi ralhrang pawl cu mizaw phurhnak motor le motor dang hna in nichuah lei hmun ah an kal pi hna i sii-inn an phak pi hna hnu ah a thimi an tam ngai rih” tiah cathanh an chuahmi ah an langhter chih.
Sagaing ramṭhen, Pale khuapi palik sakhan cu hriamngan le hriamhme he ni 3 chung pehtlai in kahdoh a si, tiah mipi ralkap Black Tiger in ṭuanvo ngeitu pakhat nih a chim. June 6 chun suimilam 11:30 tluk in zanlei suimilam 4:15 tiang voi khat, June 5 zan suimilam 8:00 in 12:00 tiang voi khat, June 4 chun suimilam 1:45 tluk ah voi khat tiin voi 3 tiang SAC ralhrang le palik nih umhmun an khuarnak Pale khuapi um palik sakhan cu 60MM lung 30, 80MM lung 50, 120MM lung 7 hna in kahdoh a sinak cu a cunglei upa nih a chim.
“SAC ralhrang 30 hrawng an umnak hmun a si i, hriamhme in Pale khua um mit lei thlopbulnak sii-inn tiang luhhnawh in an kah hna. SAC ralhrang zong nih hriamngan he hriamhme he an kah ve hna pin ah thal bomb (Rocket) zong an hman chih. Atu kahdohnak ah ralhrang lei a thimi le hliamhma a pumi kong ah thawngfiang kan thei kho rih lo, mipi ralkap kanmah lei cu kan him” tiah Black Tiger in ṭuanvo ngeitu pakhat nih a chim chap.
Cu pin ah Pakokku in Myaing peng lei ah rallam a sialmi SAC ralhrang pawl zong Myaing peng Pan-taing-taw (ပန်းတိုင်းတော) khua pawng ah mipi ralkap Black Tiger, Pakokku pengkomh No.15 Battalion Ṭet-khuai 3 le ṭangṭi phufonh hna nih bomb in an puahhnawh hna hu ah hriamngan le hriamhme he an kahdoh hna, tiah Khit Thit nih a langhter.