Christmas le Kumthar Pinlei ah Kutka Pathum!

Christmas le Kumthar Pinlei ah Kutka Pathum
=========
Mah sinak/sining vialte philh in Christmas le kumthar lawmhnak in kan khah cio hna. A mithiang hna lennak vawlei ah PEACE (Remhnak, Dainak) (Dindeihnak) um ko seh timi Vanmi Hlarem kha. Kan sinah Immanuel PATHIAN a um. Kumthar lawmhnak le thluachuah he kan khat dih cio hna. David khua ah a chuak mi Khrih Bawipa cu Khamtu le khumzual tu asi cang caah hna a ngam i lung a deih khun.

“Thy Kingdom Come” “Na pennak tlung cang ko seh” “Vancung bantukin Lei Cung ah” timi Bawipa Thlacam kha! Cunglei Pennak he aa sehchih mi, Pathian biakam asimi Jeremiah 29:11 chung bia cu kan sin ah a tlung. “Nan ca i ka tinhmi cu keimah lawnglawng nih ka hngalh, tiah Bawipa nih a ti. Cucu vanchiatnak si loin thluachuahnak a si lai i nan hnu i a rung um ding tefa tampi kong a si lai.” Van thluachuah le vawlei thluachuah relcawk lo he a tinco mi kan si hna.

Pathian pennak hi Pek cia asi ko nain hrawktu hi a um tawn. Eden dum Satan in aa thawk. Cu Satan cu hrawk awk le thah awk ah Khrih cu vawlei ah ara nak asi. Khrih vawlei ah arat hmasat ni kha Christmas cu asiko. Nang le kei kan co mi, lawmhnak le Dindeihnak hrawktu hi ahodah asi te hnga?

Israel pennak Hrawktu cu David nih a tei dih hna nain, Saul le Solomon nih an tei hna lo. Solomon fapa, Jeroboam chan ah, Israel le Judah pennak tiah pahnih in aa cheu. Judah pennak cu Babilon ah, Israel pennak cu Syria ah, tiah sal an tang. Kum (70) hnu ah Bochukci le Vuancichuk Nehemiah nih a kir pi hna. Jerusalem an remh than. Nehemiah a thih in Greek pennak, Alexander The Great nih a uk than hna. Babilon le Syria nakin let tamtuk in a sual deuh mi an si. Tlangbawi Mathias le afa le nih hriamtlaih in an doh hna. Meccabean phu an ti hna. Mithias fapa Simon chan ah Zalonnak an hmuh.

Meccabeans nih kum tam nawn an uk hna hnu ah, Rome nih an uk than hna. Rome Ceasar Augustus a bawi kum (14) nak ah Jesuh a chuak kha asi. Israel phaisa sikel i lu cuang khi, Simon asi. Hannuhka puai tiah Sabbath zan ah, Phazaungdai (an vang mi khi Meccabin cozah theihthan nak asi. Meccabin nih phazawngdai cu zan (1) pakhat vang in, thla an cam. A pa (nak ah Jerusalem in ceunak a chuak i, ral an tei. Cu chirhchan in, Israel nih Hannuhka puai le phazaungdai puai an tuah. Israeli hmelchunnak cu David Arfi ki (6) le Mei vannak tung (7) lawng asi. Mei vannak tung (an hman nak cu Teinak cu Pathian sin in ara, Meccabin a hman hna bantukin, Israel mino a hman ve hna ti hmuhsak nak asi.

Judah mi nih Jesuh an hlawt caah AD 70 ah Jerusalem a rawk i, vawlei khuazakip ah sal ah an tang. Negro hna pupa khi, culio a tlau mi, Hebrew asit ansi tiah Israel Historian nih an ti. Chinmi le Mizo Judah hnathlak tihi an pom lo. Jesuh hlawt nak ruang ah, Judah ram in, kum 1878 an tlau hnu, 1948 ah an ram an kir than. Nain hlanchan (David Chan) an ram tam deuh cu an sung cang. Middle east tiah vawleipi ah a buaibai bik mi ram an si. 1948 Israel ram derhthan ah hin cu; Judah mi siloin, American le an president Truman hmang in Pathian aa phuang.

Judah mi cu Pathian an hlawt caah midang nih an uk hna. Solomon nih Tlangbo ah Izipt pathian le Baal pathian a ser i a biak hna. Chin tlangbo kip um Budha phura hna khi? VP Jessy pa (Chin Tamda Henry Vanthio) nih Phungki a biak hna caah Thantlang a ciam hi asi kho men ati tu an tlawm ve lo. Mizo Bible Scholar Dr.PC Biakma telin??

Kutka 1nk: Chin mi nih Pathian kan hlawt ruangah Pennak le Kanram kan sungh cu asilo. Kawl uktu kip an sual tuk ruang ah asiko. Asual bik hi Rallokap bawizik vialte an si. Cu vialte lakah Fidi (mintha) cu; MAH asi. Tutan Christmat le Kumthar lawmhnak le Dindeihnak vialte hi hrawk piak awk ah MAH nih timhcia in a um cang. Christmas le Kumthar ah mi a thah khun, krifa umnak deuh ah ral an doh, vanlawng in a tuk hna, an nung in mei an khangh hna, a tamtuk tial cawk asilo. Kumthar pinlei kutka pakhat nak cu MAH pennak asi. Cu Kutka nih kan hmai in an kan awrh ko Unau. Luatter tu le khumzual tu ahodah?

Kutka 2nk: Pathian nih a pennak hrawktu cu dohin thah awk ah nawl an kan pe. Zumhtu vialte nih tho in doh a herh. Meccabeans bantukin Pastorte te zong raldoh fial kan si ve. Kan thawhlawm le Krifabu phaisa in Raldoh hi Pathian duh ning asi. Cuti nan tuah i nan zulh khawh ahcun, ramhruaitu le uktu ah Pathian nih an hmang te hna lai. NUG le GZ aiawh in, Amay Suh aiawh in Uktu nan si te lai. Tehte: Meccabist Revolution. Crusade ral lio ah Pastorte te cu hriam an tlai, Krifa thawhlawm le 1/10 in meithal an cawk.

Cucaah Muslim ral cu an tei. Krih le Krifabu hrawktu le thahtu MAH le Rallokap doh ah Pastorte i tel ding, thawhlawm zong hman ding cu Pathian nih a duh lailo ti cu kalsual le pial sual asiko. Tutan Christmas le Kumthar thluachuah vialte zong a hrawk rih fawn lai? Tuak cio le ruah cio a phu mi bak asi. Krifabu nih thawhlawn nan kan hlut i meithal kan cawk ni cu MAH a loh ni asi ve ti zong philh lo ding.

Kutka 3nak: MAH thluknak ah Fidi asimi CDF, CNA, NUG asi.Kawl pennak le Sal in khumzualtu le Chanchuah tu ah Pathian thimh hlei mi an si. CDF nih teinak a hmuh tikah NUG LAL ding asi caah, MAH thluk khawh tu ding hriam tha tha cawk piak zawk zawk uh, phaisa tampi nan ngeih ko caah. An herh mi dang zong mi van hai loin bawmh cang uh. Ramthumnak um Samaria mitha Chinmi zong nih MAH thluk khawh tu hriam in CDF bawmh rih ko usih, NUG nih aa pha zawh lo caah. Sayaci le Sayamaci pawl belte kaa cip ding.

Mipi zong harnak phun zakip nih an kan hngak ko tihi philh hlah usih. CDF ruangah kan intuar le kan nganfak asilo. Ralthawh lio a temtuar bik le a him lo bik mi cu; Mipi kansi. Tutan Christmas le kan kumthar lawmhnak, Dindeinak le thluachuah vialte hrawktu hi MAH asi lai. MAH le Ralhrang Rallokap kutin khumzual tu le Chanchuah tu ah CNA / CDF cu thlah piak kansi. An caah thlacam usih. CDF thangchiat mualpho tertu, lungzawr tertu, Capar le bia thlah ti hlah usih. FB le Social media ah hlik ti hna hlah usih. Credit: Joseph R. Thang