Chinram Lei Kai a timmi ralhrang Pawl Cu An Phomh hna!

Tuchun kahdohnak Update!
========
Tuzing Sml 6:30 in khan Thlanglei Laitlang le Kawlrawn ramri ah Mipi Ralkap ttangtti Chin National Army (CNA), YDF -Saw le Kyaukhtu ၊ PDF-Saw, CDF – Kanpetlet le Kawl Ralhrang hna karlak ah suimilam 1 le cheu chung kahdohnak a faak.

Kawl ralhrang lei in minung 20 an thi i, Mipi ralkap lei cu thi le hliam an um lo. Kawl ralhrang hi mawtaw 16 in minung 300 hrawng an si i, Laitlang lei kai kho ti loin lam laklawh ah an taap. Kan ralkap pasal tha hna ralhrang tampi nan fimhlawm khawh hna i kan ilawm tuk, Bawipa nih in kilveng ko hna seh. Credit: Salai Thomas Lian

Tutan Ralhrang Union Day ah ka hmuh mi 3; 1. Kumdang ahcun ralkap thonghra leng an um tawn nain tutan cu, ralkap, police, firefighter le immigration ti bantuk dihlak tawnh ah thongkhat helham lawng an um kho cang. An certual a lawngte i nurese, saya/ sayamah, sipin le cozah riantuantu pawl tu ralkap can ai ah an langhter hna. Ralkap hi an dih taktak cang timi cu a langh tuk.

2. Min Aung Hlaing cu cuhlan nakin kum 5 a tar deuh cangmi a lo, a muihmai ah lungretheihnak nih a nenhtuk timi khi hmuh khawh ngai asi.

3. Ralhrang nih Russia vanlawng MIG-29 4 in 5 karlak a ngeih lai tiah ka rak zumhmi cu 5 a ngei timi fiang tein a vun langh. Atha na loin cice taktak in an tuah nain an thazang a der taktak ko cang timi cu hmuh khawh tuk asi ko, kan tei hrimhrim lai.

Hi hna pawl hman thla le tu ni an cawlcang nak zeibantuk online hman ah langter lo ding an ti na in nang cu na vunlangter ko e. An minung um kip an i khawm rua, traffic light i mawtaw PK a um tawnmi zong an tthing dipdep. Credit: Chelsea Bawi

Union Day Ah ULA Telh In NCA Minthu Lo Mi Phu 4 Le A Thumi Phu 7 An Kai! Neypidaw ah nihin ah tuahmi kum 75 nak Union Day ah ULA telh in NCA min thu lo mi phu 4 le a thumi phu 7 an kai tiah theih a si.

NCA minthu lo mi tlangcung hriamtlai ah ULA in ramkhel lei minung 7, UWSA in U Ngyi Yian telh in minung 3, SSPP/SSA in Center Committee Sai Naw Leih telh in minung 3 le Maila phu in pehtlaihnak lei Sai Maung telh in minung 3 an kai tiah theih a si.

NCA minthu mi ah RCSS/SSA in Center committee 2 telh in minung 4, KNU in Kawkariak pengkomh Chairman Pdu Saw Shwe Mawng le pengkomh Committee chungtel 1, KNU/KNLA(PC) in Vice Chairman telh in 5, PNLO in Vice Chairman telh in minung 4, ALP in Vice Chairman Daw Saw Myat Ya Za Lin le ralbawi Khaing Saw Myat telh in 6, MNSP in Naing Saih Chian te phu, LDU in Chungtuan 2 an kai tiah ralhrang bawi Min Aung Hlaing nih lawmhbia a chimnak ah a telh.

NUG Hruainak In Tuahmi Panglong Minthut Kum 75 Tlin Camtuak Tonpumhnak Ah Ram 24 In Palai An Kai. National Unity Government (NUG) nih hruainak in tuahmi Panglong minthut kum (75) tlin camtuak tonpumhnak ah ram 24 in palai an kai tiah theih a si.

Nihin February 12 cu Panglong minthutnak camtuak tonpumhnak cu Online in tuah a si i ramkip in palai an kai tiah theih a si. “Nihin ah a kai kho mi hi ram 24 in an si ” tiah an langhter.

Taih Chi Tu (တိုက်ချီတို) A Thi Tiah Thawngpang Dik Lo A Chuak! Naihrawng cu Daw Aung San Suu Kyi nih a dawttukmi a uico Taih Chi Tu a thi tiah thawngpang dik lo a chuahmi kong he pehtlai in hi thawngpang cu a dik lomi a si tiah Daw Aung San Suu Kyi he naihniammi pakhat nih DNA ah a chim.

Taih Chi Tu a thi timi hi a dik lomi a si i, a dam ko, amah ning a si ko tiah Daw Aung San Suu Kyi he naihniammi nih a chim. Taih Chi Tu cu Daw Aung San Suu Kyi fapa hniang deuh simi Ko Htein Lyn nih kum 2010 ah khan Kawlram a rat lioah a nu cu laksawng ah a pekmi a si.

Daw Aung San Suu Kyi i Nyi Pyi Daw ah a kal caan paoh ah a ui cu a hruai tawn pinah Kawl Miphun kum thar ni a phak tik zongah amah umnak inn hmaiah Taih Chi Tu cu ti he lente an i celhpi tawn caah mipi duhmi pakhat ah a hung si ve i, mipi nih an theih khunhnak zong a si.

Rampi nawlngeihnak laak in thawkin hruaitu paopaoh hna cu ningcang loin tlaihkhihnak an tuah, a phunphun in sual an phawt, kum saupi thongtla dingin ruahnak ngeitu misual nawlngeihnak duhtu phu hna cu mipi nih an huat ngaingai. Cucaah FB ah an konglam chiatnak le huatnak hna cu an tial cio nain Daw Aung San Suu Kyi nih a dawttukmi ui Taih Chi Tu a thi timi thawngpang a chuah lecangka in mitampi nih an ngaihchiatnak tibantuk cu tampi an hun tial ciomi hmuh a si.