Chinmi Pasaltha Chan Bik Ceu Sawmhal Upat Lo Awk A Tha Lo

South Korea ram lei in Kawlram buainak kongah biatak tein a cawlcanghmi Chin miphun pasaltha Chan Bik Ceu Sawmhal hi upat lo awk a tha lo. South Korea Bluc House hmai bak ah South Korea cozah cu Kawlram chungah miphun kip nih an dirh thar mi National Unity Government cohlang piak ding le pompiak dingin thawng fiangternak a tuahpi hna, tiah thawng theih a si.

Atu tan biatak tein a cawlcangh mi Chin miphun Salai Chan Bik Ceu Sawmhal hi 2017 kum ah South Korea a phan i, Incheon National University ah Master’s of Arts in Political Science a rak dihmi a si. Kawlram Democracy a thlen khawhnak ding bawmhchannak ding caah Chin Youth Organisation zong a dirhpi hna, tiah theih a si. Hi kong he pehtlai in hruaitu dirhmun in a cawlcangh pengmi hi Tlangval Chan Bik Ceu Sawmhal a si.

Relchap tuzan lei Hakha khuapi chung kahdohnak kong, Hakha Vuanci Quarters in i Kah Thawng a Thang. Hakha khua, Hniarlawn lam lei ah a ummi vuanci quarters hrawnghrang in tu zaan sml. 6:45 hrawng ah meithal puah thawng voi tam nawn a tang i ralkap pawl anmah le anmah an i kap, tiah upa pakhat nih a chim. Meithal puah thawng a than hnu in Ambulance pakhat zong cuka lei ah cun khulrang in a kal i sml. 7:40 hrawng ah cu Ambulance cu a rak kir tthan.

“Ralkap pakhat nih a ttuan hawi ralkap pahnih meithal in a kah hna hnu ah amah tein aa kap ve. A kahmi hna pahnih cu a hmun ah an thi. Amah tein aa kapmi hi a hliamhma a fak ngai. A thih lai le a nun lai a fiang lo,” tiah upa pakhat nih a chim. A dang upa pakhat nih, “Vuanci inn kutka a congtu palik le ralkap karlak ah i kahnak a chuak. Ralkap 2 an thi i, palik hliam a pumi an um,” tiah a chim.

Ngandamnak lei rianttuan pakhat nih, “Minung pathum an thi tiah a kan chimh ve,” tiah The Chin Journal ah a chim.
Hliamhma a pumi le a thimi kong ah The Chin Journal nih mithmuh in kan fehter kho rih lo. Credit: The Chin Journal, April 23, Hakha.