Chinland Defense Force Biacah!

Chinland Defense Force Biacah!
=====F
Rallo kap kutin ka nun a liam sualah, Zohhmat ka Nu kan chimh lai. Khi tikah ka nu na ngeih rak chia in rak țap hlah muh ka fa dawtpi hi pa/nu salțha a rak si. Khua le Ram caah a nunnak a rak pek ngamhi tiin tha tu rak i pe law Mino rianțuan nak ah na ngeihchiah na chawva thilri tuin rakțang te muh ka nu.

Khi tikah ka nau kan chimh lai, ka nau unau ka ngei tilo tiin ngeihchia in mihoi har in maw khua za run zoh in le lilen in maw rak um sual hlah muh. Kei cu Khua Ram caah a nunnak a siangmi pa/nu salțha uu ka ngei titu in na hmairak pu law hmailei ah kei mah bantuk in pa/nu sal țha si tu rak i zuam.

Ka kawi/maw kan chimh lai khi tik ah lungawl țawm in le lung kuai in rakum hlah. Mithmuh ah thazaang in san a tlai lo bik na kawi/maw kha Khua Ram caah a nun a pek ngamh nak a ralțha nak tu kha rak upat law pasal țha deuh si ding in rak i zuam muh.

DawtMi thinhnem khitik ah lungkuai tuk in rak um hlah muh kan dawt cu na theih. Ka dawtmi hi miral țha pa/nu satțha ka rak ton ko hi titu in le keimah bantuk nu/pa salțha an dawttu kawl rak i zuam muh. Kei mah na rak ka dawtban tuk tein dawtkhoh peng rak i zuam Dawtnak theibu tein um rak i zuam law a dawh mi keimah bantuk pa/nu salțha tefa tam piin rak ngei muh DawtMi.

Ka nu LaiRam na fa le Kan thisen luan ruang ah na ngeih chia in țaphlah muh, nang mah an Dawtu an kilveng tu
na fa le kan um ko rih hih. kan in humhngak nak hi a theih tu in le na pardawh le na thlithiang tuin na dawhnak le na lawmhnak rak lakter peng muh.

Ka Nu LaiRam nang mah kan in humhngak nak cubg ah cun na fa le zeicang ai kun kan in zamtak lai lo. Kan Thazaang cah in kan Thisen reu tiang ka nu LaiRam kan in kilven lai. chiatserh biakam nak he, Chinland Defense Force.

Uahnak Ral he Kan I Pai, Ka Zoh Ve U! Thingtlang, lungtum i pah in minung hi an thlungal lem lo. Zei i rel lomi lungsavo le thingpel tu i chuah sual, i pah sual ah i tlukngalh a si ṭheu (Sy Tin Za Peng sin in). Nunnak zong ah rawhnak fakpi a chuahter tawntu hi thil hmete a lomi, mit in hmuh khawh fawn lomi iuahnak a si lengmang. Iuahnak cu nu le pa ro zong a si lo. Cawkmi zong a si lo. Ei mi din mi zong a si lo. Theih lo kar ah minung kip thinlung i aa rak i semmi tu a si. Dum tuah tikah thlaici cin a si. Belhci vawrh a si bal lo.

Nain khoika in dek belh cu an chuak i thlaici cinmi, ti le nawn tawihmi nakin an ṭhang deuh. Cu bantuk cun, iuahnak zong minung kip chungah a rak i sem. Nun ṭha deuh tiah ruahmi minung hna zong nih an ngeih. Nun tlacham deuh tiah ruahmi zong nih an ngeih. Keimah zong kum upa deuh ka hun si hnu in mi uah taktak ka si kaa thei. Kaa uahnak nih zan it lo in a ka tuah. Ka ṭhatnak lawngte a ka hmuhter. Midang tlin lonak kha zan khuadei nolh lengmang in video bang a ka hmuhter. Nun re a thei hringhran.

Iuahnak cu aa phawrhlaw nain thinphannak in a khat. Duh lo ningin thil a can tikah thin a tawi. Bawmh ka herh lo, kaa tuah khawh dih ve ko, zei ah dah an i rel cio, timi lung put nih nun a uk. Mawhchiat a celh lo. Dirhmun in tlak a duh lo. Sawisel a ing kho lo. Dawtnak tein chimhhrin mi zong ral ah a ruah. Keimah timi lungput nih zei dang vialte a hrawh dih ding kha a poi ah a chia kho ti lo. Ka palh ti i kup i bil nakin rawl loin mah cu chim lo chungkhar chiah dih zong a ngamh. Mibu hrawh zong a ngamh.

Mi uah hruaitu nih ṭuanchuahmi paoh ah amah min put dih a duh. Mi uah zultu nih amah duh ning in bia tlu seh ti a duh. Mi uah thinlung ah Pathian hmunhma a ngei kho lo. “Khuadawm cungah khin ka kai lai i Cungnung bik bantuk ka si lai na ti,” timi kha a si (Isiah 14:14). Minung hawi zong nih a vawlei an hrawmpi huam lo. Chuahpi unau hmanh nih a hem beh lo. Kei kan nun le hi uahnak Sehtan thlaici cu lei le dang bang an neih tikah ka nun tha a baa. Ka thlarau a zaw.

Damnak ka kawl, ka hmuh cang tiah ka zumh. “Mifim nih a fimnak kha i phorhlaw hlah seh, mithawng nih a thawnnak kha i phorhlaw hlah seh, mirum nih a rumnak kha i phorhlaw hlah seh; sihmanhsehlaw ahohmanh nih phorhlawt a duh a si ahcun hi tu hi i phorhlaw deuh seh. Keimah theih le hngalh hi. Zeicahtiah Keimah cu Bawipa ka si i a dong lomi dawtnak kha ka pek hna i vawlei cungah hin biading le dinnak kha ka tuah; hi thil hna hi ka lunglawmhnak an si,” tiah Bawipa nih a ti (Jeremiah 9:23-24).

Maw Pathian, hi nun hi ngeih ka duh ko, ka bawm tiah thla ka cam. A tang rihmi ka chan chung ah zei dah ka tuah lai ti zong ka ruat. Hawi pasal, nusal ka hngarmi hna zong tampi a um. Nian hawi bantuk in si ve ding in Bawipa nih a ka timh piak lo ti kha ka hngalh cang. “Zei thil nan tuah paoh ah, minung caah si loin Bawipa caah ka tuan ti lungput ngei in, nan lungthin dihlak in tuan u,” ti hi a si (Kolose 3:23). Thilrit a zang. Nun suallam a ngei. Ho paoh nih i thim khawh mi nun lam a si fawn. Credit: Rev. Dr. Chan Thawng Lian