China le Russia fonh in US doh le ralchanh an thawk.

Vawlei Raldai..
============
Nai hrawng vawlei pi ramkhel thlihran ah tthotho thlichiah a hrang sual lai maw? Vawlei raldai a zual chin kho men.
Tuzing North Korea Kim Jung-Un nih Japan rili kap ah hriampi (dungpian – ballistic missiles pa 2 a kah. China rili Yellow Sea ah non-ballistic missiles pahnih a test hnu, ni hnihthum ah a si. UN Security Council biakhiahnak ah North Korea hi missile test nak nawl phihmi ram a si. Hi thil a cangmi hi nai hrawng March thla chung ah Quad tonnak, US-China tonnak, Russia-China tonnak le Xi le Kim biacah hnu ah raldai hi tih a nung chinchin in a lang.

March 12 ni ah Quad timi US, India, Japan le Australia ramli tonnak a ngei. An i ton hnawh channak cu China a thawngnak le vawlei pi a himnak caah China hrocernak le tlerhnak ruang bik ah hi Bu hi an i tonnak a si. (Quad hi 2007 ah an hlawt hnu ah atu bantuk a rak thawh than hi a si). Hi tonnak in thawng an thanhmi cu ruahnak bantuk si lo in Covid khamhnak si sernak, a thangcho thluamah mi IT (technology) ah ttantinak le vawlei khuati (climate) thlennak thumhnak lawng thawng an thanh. China a thawngnak le a hrocernak teinak ah an i tonmi a si. Hi ti China ralkap tlerhkhonnak hi nai ah South Asia, South China rili le East China rili pawl China nih a cuhnak nih a langhter pinah sipuazi lei le IT lei a thangchonak nih vawlei himnak a tlerh ti a si.

March 16 ah US-Japan foreign ministers le defence ministers pawl tonnak an tuah i โ€œA hrangmi China a ziazaโ€ chalh le hmaitonh khawhnak lam kawl kha a si. Cu hnu ah Mar 19 ah Alaska ah US-China tonnak an ngei i an bia pawl a hrokual pin ah zei eibar chuah hnatlaknak zeihmanh a um pin ah ngiar an i thawk veve. Cun March 22 ah China le Russia Foreign ministers tonnak an ngei hnu ah US-Russia pehtlaihnak (dead end) a dih. US nih Putin kha na kan tuahto bang na tuar lai tiah โ€œpay a price” tiah a ti. China le Russia cu i niahniam chin ding le i hawikom pehtlaihnak fek ser an thawk.

China le Russia fonh in US doh le ralchanh an thawk. US i hrawktu a sining a timh tuahnak (destructive nature of US’s intentions) dohti ding ah tiah bia an thanh. Hi power pahnih bochan in Kim Jung-Un nih Biden tlerh hram a thawk caah Japan rili ah hriampi a kah tinak a si men lai.

March 22 ah North Korea ambassador le China CCCP party i Song Toa an i tonnak ah Chinese President Xi Jinping nih Korea vawlei fonghlei (Peninsula) nan himnak ah rian ka tuan lai a ti ve bantuk in Kim zong nih Xi kha kan i dawtnak le kan i pehtlaihnak kan lungthawhnak kan thawngter lai tiah a ti hnu ah atu bantuk in North Korea nih Japan rili ah missiles pa 2 a kahnak a si. Japan zong an lau ngai. China le Russia nih US an challenge. Biden ngiar aa thawk cang. Biden nih zeitin dah a let te hna lai?

Cun US le China hi technology lei zuamnak a zual chinchin caah technology war(ral) a chuah zau lai. Vawlei raldai a zual lai. Hi an cawlcaanghnak pawl zoh ah nihin kan dir hmun hi Vawleipi Ralthumnak World World III hi hlan bantuk donak siloin IT ral, bio weapon, zawtnak rai, sipuazi ral, psy war le a dang dohnak a phunphun hmanh in vawlei ralpi a chuah kho men (pumpak ruahnak). Credit: Dr. Sui Hingz